Essien biður um að fá að fara

Michael Essien, hinn gríðarlega eftirsótti leikmaður Lyon, hefur grátbeðið stjórnarmenn félagsins um að fá að fara til Chelsea. "Ég vill fara. Ég vill spila fyrir Chelsea á næstu leiktíð," sagði Essien í samtali við franska fjölmiðla í gær en Lyon hafnaði tilboði Chelsea upp á 17 milljónir punda í síðasta mánuði. "Ég hef hugsað mikið um þetta í sumarfríinu og eftir að hafa rætt við kærustuna mína, fjölskyldu og vini hef ég komist að þeirri niðurstöðu að það er réttast að fara núna. Ég vill nýja áskorun," bætti Essien við. Forráðamenn Lyon vildu ekkert tjá sig um beiðni Essien þegar leitað var eftir því en talið er að liðið muni sætta sig á 25 milljón punda tilboð í leikmanninn, hafi einhver áhuga á að borga svo mikið.