Flugstöð Leifs Eiríkssonar hefur nú komið sér upp þráðlausu neti í byggingunni. Fyrst um sinn verður einungis boðið upp á þráðlaust net í suðurbyggingu flugstöðvarinnar en stefnt er að því að þráðlaust net verði aðgengilegt á öllum helstu stöðum í byggingunni í nánustu framtíð.
Ný 10-11 verslun hefur einnig verið opnuð verið opnuð, í komusal Flugstöðvar Leifs Eiríkssonar. Verslunin var opnuð 6. júlí og er svipuð öðrum verslunum 10-11 nema nokkru minni og er ætlað að auka þjónustu við þá sem leið eiga um flugstöðina. Kaffibar er í versluninni og getur fólk þar gætt sér á kaffi og öðrum veitingum.
