Gengi hlutabréfa í Century Aluminum, móðurfélagi Norðuráls, hefur fallið um tvö prósent það sem af er dags. Þá hefur gengi bréfa í Straumi lækkað um 0,83 prósent og Össurar um 0,21 prósent.
Á sama tíma hefur gengi hlutabréfa í Icelandair Group hækkað um 0,3 prósent.
Dagurinn hefur verið með rólegra móti. Viðskipti með hlutabréf eru fjórtán talsins upp á 23,1 milljón króna.
Úrvalsvísitalan (OMXI15) hefur lækkað um 0,51 prósent og stendur í 317 stigum.
