Veiði

Tilkynning frá Veiðimálastofnun

Karl Lúðvíksson skrifar
Fréttir berast af því að veiðiárnar í Skaftárhreppi séu litaðar af öskuframburði. Í eldfjallaösku geta verið eiturefni eins og flúor og álsambönd.  Þegar úrkoma verður skolast þessi efni auðveldlega út og í nærliggjandi vötn.  Púls eiturefna getur því borist í vötn og valdið þar dauða lífvera.  Það sem ræður skaðsemi þessa er magn öskufalls og magn eiturefna í öskunni.  Á þessari stundu liggja fyrir takmarkaðar upplýsingar um efnainnihald öskunnar,  en fyrstu mælingar sýna að lítið er af flúor í öskunni, sem betur fer.

 Það eru tilmæli Veiðimálastofnunar að þeir aðilar hafi samband sem verða varir við dauðan fisk, jafnt seiði sem stærri fisk, í vötnum eða ám þar sem öskufalls gætir.  Veiðimálastofnun mun fylgjast með framvindu mála og reyna eftir föngum að vera fólki til ráðgjafar og skoða vötn þar sem fiskdauða verður vart.

 Tengiliðir Veiðimálastofnunar eru

 Magnús Jóhannsson sími 5806320 netfang; [email protected]

 Benóný Jónsson sími 5806321/8687657 netfang; [email protected]

Stangveiði

Mest lesið




×

Mest lesið