Miðað er við eina akurhænu á mann.
Ein úrbeinuð akurhæna
10 g léttristaðar furuhnetur
50 g steinlaus vínber skorin í tvennt
25 g granatepli
50 ml kjúklingasoð
2 msk smjör
50 ml marsalavín frá Sikiley, en einnig má nota púrtvín
salt og pipar
ólífuolía
Hitið teflonpönnu vel með ólífuolíu og einni matskeið af smjöri. Brúnið fuglinn í 3 mín á hvorri hlið, saltið og piprið. Setjið í 180°heitan ofn í 5 mín. Hellið víninu á heita pönnu og sjóðið niður. Hellið soði yfir og restinni af smjörinu. Bætið berjum, granateplum og hnetum út í og berið fram.
