Maðkahallæri á suðvesturhorninu

Veiðivísir hefur fregnir af því að töluverður skortur sé á möðkum á suðvesturhorninu og ef til vill annars staðar líka. Dæmi eru um að menn auglýsi eftir möðkum á bland.is og veidi.is en sem sakir standa virðist framboðið óvenju lítið. Þurrkatíðin undanfarnar vikur hefur gert þeim sem veiða á maðk lífið leitt.

Frekari staðfesting fékkst á þessu þegar blaðamaður Veiðivísis kíkti í veiðhúsið við Elliðaárnar fyrir fáeinum dögum. Þar var töluvert rætt um maðkahallærið. Veiðivörðurinn sagðist vita til þess að menn hefðu einfaldlega keypt sér leyfi í Reynisvatni til að verða sér úti um maðk en þar er því þannig að háttað að ef keypt er veiðileyfi þá fá veiðimenn að kaupa maðk á staðnum, annars ekki.

[email protected]