Úrval af vistvænum vörum hjá Olís

Olís býður upp á mikið úrval af Svansvottuðum vörum.

Hreinlætisefni, hreinlætispappír, pokar og fleira. "Í Svansvottuðu línunum okkur erum við með allt sem þarf til þrifa og erum stöðugt að vinna í því að bæta inn meira og meira af vörum," segir Eggert Bjarnason, sölu- og þjónusturáðgjafi heildsölu- og rekstrarvörudeildar. "Við eigum núna til allt sem þarf til þess að þrífa og sinna öllum fyrirtækjum, stofnunum og sveitarfélögum.

Við bjóðum upp á heildarlausnir fyrir alla þessa aðila."



Umhverfisvænir

Eggert segir mikla aukningu vera í sölu á umhverfisvottuðum vörum.

"Markaðurinn hefur kallað eftir þessum vörum í auknum mæli og við erum að bregðast við þeirri kröfu. Við getum nú boðið okkar viðskiptavinum upp á allt sem þeir þurfa hvað þetta varðar.

Það eru alltaf að verða fleiri og fleiri sem eru meðvitaðir um verndun umhverfisins og því fleiri sem nota þessar vörur miðað við það sem áður var. Þessi aukna sala hjá okkur leiðir til þess að við höfum meira samstarf við erlenda birgja á þessu sviði og getum þar af leiðandi boðið upp á frábær kjör og gæði. Við erum stöðugt að leita og bæta inn hjá okkur umhverfisvottuðum vörum í öllum viðeigandi vörutegundum.



Nýjungar

Meðal nýjunga í Svanslínunni hjá Olís er sjálfvirkur sápuskammtari, Solid Allround, sem er kjörin lausn fyrir sjálfvirkar uppþvottavélar í mötuneytum, stóreldhúsum, á veitingastöðum og víðar.

Solid Allround er alkalískt uppþvottaefni í föstu formi fyrir uppþvottavélar með sjálfvirkt skömmtunarkerfi. Solid Allround vinnur mjög vel á almennum matarleifum, fitu, próteinum og kalkútfellingum. Það hentar vel til uppþvotta á gleri, postulíni, plasti og ryðfríu stáli og skilar því skínandi hreinu.

Efnið endist vel og sparar bæði tíma og peninga. Þetta hefur verið gríðarlega vinsælt kerfi frá því við komum með það á markað og eru sápuskammtararnir komnir upp víða um land á veitingastöðum, leikskólum, skólum, skipum og á fleiri stöðum. Þeir sem nota þetta efni segja það þrífa mjög vel og er mikil ánægja með það," segir Eggert.

"Þetta eru létt og meðfærileg fimm kílóa hylki sem samsvara 22 til 27 lítrum af fljótandi uppþvottalegi. Skynjari tryggir lágmarksskömmtun og hámarksnýtingu. Það er mikil virkni í efninu og þar sem þetta er lokað kerfi tryggir það öruggari og þægilegri vinnuaðstæður. Það tekur lítið pláss og takmarkar sorp og Olís sér um uppsetningu og alla þjónustu."



Sérfræðingar á öllum sviðum

Eggert segir marga líta á Olís þannig að þeir selji bara bensín og átti sig ekki á að þeir séu með lausnir fyrir alla sem þurfa að nota hreinlætisvörur.

"Við erum með sérfræðinga á öllum sviðum, Sérfræðingar okkar aðstoða fyrirtæki við að finna hagkvæmari lausnir í þessum málum, veita alhliða ráðgjöf varðandi hreinlæti á vinnustað, gerð þrifaáætlana, eftirlit með þrifum, val á tækjum, gæðaeftirlit og svo framvegis.



Námskeið

Við höldum námskeið í notkun hreinlætisvara fyrir fyrirtæki, stofnanir og sveitarfélög í þeim tilgangi að ná fram hagkvæmari rekstri.

Með kennslunni erum við að hjálpa viðskiptavinum við að minnka efnisnotkun. Við komum því þannig fyrir að þetta sé einfalt og þægilegt fyrir alla."

Það eru ekki einungis umhverfissjónarmið sem ráða för í kaupum á Svansvottuðum vörum þó þau leiki stórt hlutverk. "Vörurnar eru auðveldar og þægilegar í notkun. Þær eru jafnframt ekki jafn hættulegar og önnur sambærileg efni því þær eru minna ertandi. Þetta ræður oft för hjá almenningi sem kaupir þessar vörur, sérstaklega hjá fólki sem á börn," segir Eggert.