Sumarið gaf 25.009 silunga

Á netaveiðitímanum í Veiðivötnum veiddust 4.715 fiskar í net og 647 fiskar á stöng, en hvort tveggja er heldur minni afli en í fyrra.

Á veidivotn.is segir frá því að sumarið og haustið 2012 veiddust því alls 25.009 fiskar í Veiðivötnum. Þetta er nokkru minni veiði en undanfarin ár, en mjög gott miðað við síðustu áratugi (sjá samanburð á heildarveiði).

Stangveiði í Veiðivötnum lauk 22. ágúst. Á stangveiðitímanum veiddust 19.647 fiskar sem er nokkru minni veiði en sumarið 2011, en þá fengust 21.240 fiskar. (sjá samanburð).

Meðalþyngdin var aftur á móti betri en þá eða tæp tvö pund. Þetta er mesta meðalþyngd sem mælst hefur í Veiðivötnum frá árinu 2002 (sjá samanburð). Mest var meðalþyngdin í Grænavatni 4.54 pund. Þar veiddist einnig stærsti fiskur sumarsins 16.4 pund.

Lang mest veiddist í Litlasjó á veiðitímabilinu. Alls komu 7.795 fiskar þar á land og þar af fengust 6.298 fiskar á stöng.

[email protected]