PurePharma væntanlegt til Íslands

PurePharma er alþjóðlegt fyrirtæki sem er staðsett í Danmörku. Fyrirtækið framleiðir eingöngu nokkur vísindalega sannreynd fæðubótaefni sem virkilega hafa áhrif á heilsufar fólks.

Sportlíf mun bráðlega selja PurePharma-vörurnar í verslunum sínum. Að sögn Jóns Inga Þrastarsonar, verslunarstjóra Sportlífs í Glæsibæ og talsmanns PurePharma á Íslandi, er tilgangur sá að setja á markað hérlendis Omega-3 fiskiolíu, D-vítamín og nauðsynleg steinefni í hæsta gæðaflokki fyrir fólk og íþróttamenn sem gera miklar kröfur.

"Þessar þrjár vörur hafa mjög sterk gögn á bak við sig um gildi sitt og virkni sem meirihlutinn af hinum vestræna heimi getur notið góðs af."

Alþjóðleg gæðavottun

Sumir af bestu crossfit-iðkendum, læknum og heilbrigðisstarfsfólki nota og mæla með vörunum frá PurePharma, segir Jón Ingi. "Þar má nefna tvöfalda heimsmeistara, Annie Mist og Rich Froning, sem og aðra heimsmeistara í crossfit.

Allar vörurnar hafa hlotið alþjóðlega gæðavottun til að ná hámarksgæðum og sjálfbærni í umhverfinu. Þessar þrjár vörur okkar eru taldar vera besta náttúrulega leiðin á markaðnum til að auka afköst, draga úr bólgum og til að styrkja ónæmiskerfið."

Hver vara hefur verið þróuð innan þriggja nauðsynlegra þátta.

Eftir æfingu þarf líkaminn hvíld til að ná bata. PurePharma O3 (Omega 3) hjálpar líkamanum að draga úr bólgum og hraðar endurheimt.

"Svo er það annar þátturinn sem er æfingin sjálf. Þar hjálpar PurePharma M3 til við byggja upp styrk á sama tíma og það hámarkar próteinmyndun í vöðvunum sem leiðir til aukinna afkasta."

Þriðji þátturinn að sögn Jóns Inga er heilsujafnvægi. "Hin einstaka blanda af náttúrulegum uppsprettum af PurePharma D3 styrkir ónæmiskerfið og styður mikilvæg líffæri eins og nýru."

Áhrifamikil blanda

M3-steinefnin frá PurePharma inniheldur steinefnin sink og magnesíum. Þau gegna mikilvægu hlutverki eftir æfingar við að hjálpa til við próteinnýmyndun og hraða því uppbyggingu vöðvanna. "Magnesíum er talið vera einstaklega mikilvægt fyrir eðlilega virkni vöðvanna og spilar mikilvægt hlutverk í umbreytingu kolvetna í orku sem og að hjálpa til við vöðvaslökun," segir Jón Ingi.

B6-vítamíni og eplasýru, sem eru upptökuhvatar, hefur verið bætt við M3 frá PurePharma og er því varan gríðarlega skilvirk. "Þessi blanda er hönnuð til að auka afköst og um leið hraða endurheimt. Eplasýran er upprunalega fengin úr grænum eplum og gegnir lykilhlutverki í upptöku steinefnanna en getur einnig dregið úr mjólkursýrumyndun í vöðvum."

Omega 3 ætti að vera flestum Íslendingum kunnugt enda er lýsi auðugt af Omega 3 að sögn Jóns Inga. "PurePharma Omega 3-fiskiolían hefur verið hönnuð með það að leiðarljósi að vera hreinasta og áhrifamesta fiskiolían á markaðnum.

PurePharma Omega 3-fiskiolían hefur hlotið alþjóðlega gæðavottun og er farið yfir hvern skammt fyrir sig og hrein- og ferskleiki vörunnar athugaður en það er unnið af óháðri stofnun IFOS (International Fish Oil Standards)."

Omega 3-fiskiolían getur hjálpað til við að auka afköst hjá íþróttamönnum, segir Jón Ingi, og þá helst þeim sem eru í íþróttum þar sem er mikil ákefð. "Omega 3 getur dregið úr bólgum eftir æfingar og þar af leiðandi hraðað endurheimt. Einnig er því haldið fram að Omega 3 geti dregið úr morgunstirðleika sem og viðhaldið vel smurðum liðamótum."

D-vítamín er mikilvægt

D-vítamín er Íslendingum mjög mikilvægt, segir Jón Ingi. "Það fór vart fram hjá neinum síðasta vetur þegar mikið var fjallað um það í fjölmiðlum. Húðin framleiðir D-vítamín fyrir tilstilli sólargeisla og er því D-vítamínskortur mjög algengur á Íslandi og sérstaklega yfir vetrarmánuðina og því mikilvægt að taka inn D-vítamín í formi fæðubótarefna. Skortur á D-vítamíni getur leitt til vöðvarýrnunar, beinþynningar, tannskemmda og veikara ónæmiskerfis. D-vítamín örvar frásog kalks úr meltingarveginum og því mikilvægt fyrir tann- og beinheilsu. D-vítamín er fituleysanlegt og er það ástæðan fyrir því að PurePharma framleiðir D3-vítamínblöndu, sem inniheldur jómfrúarolíu til að hámarka upptökuna á vítamíninu. Einnig er talið að D-vítamín styrki ónæmiskerfið og bæti nýrnastarfsemi."

PurePharma-vörurnar verða til sölu eftir tvær vikur í verslunum Sportlífs í Glæsibæ og Holtagörðum. "Á sama tíma og vörurnar verða seldar hér setjum við nýjan vef í loftið, purepharma.is. Þar verður hægt að afla sér allra upplýsinga um vörurnar og versla þær líka."