Sannleikurinn: Stöðumælaverðir segja stöðuna aldrei hafa verið eins slæma Andri Þór Sturluson skrifar 22. september 2013 21:00 Stöðumælavörður við mælingar á stöðunni. Staðan er gríðarlega slæm samkvæmt nýjustu mælingum stöðumælavarða sem þeir birtu nú rétt fyrir helgi. Allt er á niðurleið, allir eru óánægðir og ekki er útlit fyrir að það breytist í bráð. Niðurstaðan kemur engum á óvart sem fylgst hefur með stöðumælum borgarinnar en þeir hafa sýnt sláandi mælingar um áraraðir. Mýmörg tækifæri gáfust til að bjarga því sem bjargað varð en spilling embættismanna, milljarða króna bónusgreiðslur, ívilnanir til stórfyrirtækja og afar óhagstæðar niðurstöður seinustu alþingiskosninga voru síðustu fjórir naglarnir í kistuna. Ítarleg rannsókn stöðumælavarða leiðir í ljós að grafalvarleg staðan var ráðamönnum ljós fyrir löngu síðan. Slæmri stöðu var þó haldið leyndri eins og kostur var og gripið til örþrifaráða til bjargar sem svo gerðu illt mun verra. Engu að síður höfðu stjórnendur fjölda tækifæra til að bjarga ástandinu en gerðu ekkert. „Staðan hefur ekki mælst svona slæm síðan mælingar stöðumælavarða hófust. Við höfum lengi varað við því að staðan væri sífellt að versna en viðvaranir okkar hafa hingað til verið hunsaðar,“ segir Hákon Atlason, stöðumælavörður númer 19, sem mælt hefur stöðuna í miðborg Reykjavíkur síðastliðin átta ár. „Það þarf eitthvað stórkostlegt að gerast svo staðan fari að batna og fjölga þarf stöðumælavörðum til að fylgjast með.“Sannleikurinn rekur öfluga og óvæga fréttastofu þar sem engum er hlíft og ekkert mál er of stórt eða of lítið. Sannleikurinn er háður öllum stjórnmálaflokkum og hagsmunaaðilum. Fréttastofa Sannleikans hefur Facebook-síðu en vinsamlegast ekki birtast þar. Harmageddon Mest lesið Páll Óskar: Fimm bestu HAM-lögin Harmageddon BDSM - hjartnæm reynslusaga Harmageddon Sannleikurinn: Íslenskir læknar endast ekkert Harmageddon Endahnútur bundinn á Quarashi Harmageddon Þröstur upp á Heiðar stefna á útgáfu matardisks í kjölfar jólaplötunnar Harmageddon Segir Ísland síðasta vígi kristinna manna Harmageddon Sannleikurinn: Snjallsímar eiga 51,2% barna Harmageddon Piparkökur á Gauknum Harmageddon 200 milljóna króna sleðabraut í Hveragerði Harmageddon Reykjavíkurdætur frumsýna nýtt myndband á Vísi Harmageddon
Staðan er gríðarlega slæm samkvæmt nýjustu mælingum stöðumælavarða sem þeir birtu nú rétt fyrir helgi. Allt er á niðurleið, allir eru óánægðir og ekki er útlit fyrir að það breytist í bráð. Niðurstaðan kemur engum á óvart sem fylgst hefur með stöðumælum borgarinnar en þeir hafa sýnt sláandi mælingar um áraraðir. Mýmörg tækifæri gáfust til að bjarga því sem bjargað varð en spilling embættismanna, milljarða króna bónusgreiðslur, ívilnanir til stórfyrirtækja og afar óhagstæðar niðurstöður seinustu alþingiskosninga voru síðustu fjórir naglarnir í kistuna. Ítarleg rannsókn stöðumælavarða leiðir í ljós að grafalvarleg staðan var ráðamönnum ljós fyrir löngu síðan. Slæmri stöðu var þó haldið leyndri eins og kostur var og gripið til örþrifaráða til bjargar sem svo gerðu illt mun verra. Engu að síður höfðu stjórnendur fjölda tækifæra til að bjarga ástandinu en gerðu ekkert. „Staðan hefur ekki mælst svona slæm síðan mælingar stöðumælavarða hófust. Við höfum lengi varað við því að staðan væri sífellt að versna en viðvaranir okkar hafa hingað til verið hunsaðar,“ segir Hákon Atlason, stöðumælavörður númer 19, sem mælt hefur stöðuna í miðborg Reykjavíkur síðastliðin átta ár. „Það þarf eitthvað stórkostlegt að gerast svo staðan fari að batna og fjölga þarf stöðumælavörðum til að fylgjast með.“Sannleikurinn rekur öfluga og óvæga fréttastofu þar sem engum er hlíft og ekkert mál er of stórt eða of lítið. Sannleikurinn er háður öllum stjórnmálaflokkum og hagsmunaaðilum. Fréttastofa Sannleikans hefur Facebook-síðu en vinsamlegast ekki birtast þar.
Harmageddon Mest lesið Páll Óskar: Fimm bestu HAM-lögin Harmageddon BDSM - hjartnæm reynslusaga Harmageddon Sannleikurinn: Íslenskir læknar endast ekkert Harmageddon Endahnútur bundinn á Quarashi Harmageddon Þröstur upp á Heiðar stefna á útgáfu matardisks í kjölfar jólaplötunnar Harmageddon Segir Ísland síðasta vígi kristinna manna Harmageddon Sannleikurinn: Snjallsímar eiga 51,2% barna Harmageddon Piparkökur á Gauknum Harmageddon 200 milljóna króna sleðabraut í Hveragerði Harmageddon Reykjavíkurdætur frumsýna nýtt myndband á Vísi Harmageddon