Erlendir veiðimenn eru farnir að meta stöðuna vegna mögulegs eldgoss í Vatnajökli. Samkvæmt nýjustu fréttum frá jarðvísindamönnum Veðurstofunnar er líklegt að kvika sé að brjóta sér leið upp við Bárðarbungu og að eldgos gæti hafist næstu daga.
Ekkert er þó öruggt um þetta ennþá en það lagar ekki óvissuna sem erlendir veiðimenn sem eru við veiðar á landinu í dag og þeir sem eru væntanlegir til landsins næstu daga búa við. Nú þegar hafa nokkrir afbókað komu sína í bókaða veiðitúra vegna þessa en það er þó ekki stór hópur ennþá. Verði aftur á móti eldgos í Bárðarbungu og flug falli niður líkt í gosinu í Eyjafjallajökli mæta þessir menn eðlilega ekki.
Viðvörunarstig til flugfélaga er komið á appelsínugult en það gefur til kynna að meiri en minni líkur séu á gosi í Bárðarbungu. Það verða þess vegna nokkur holl erlendra veiðimanna sem heima sitja og árnar verða þá líklega óveiddar á meðan, fiskum til gæfu á þessu annars slaka veiðiári.
Erlendir veiðimenn uggandi yfir líklegu eldgosi
Tengdar fréttir
Viðvörunarstig vegna flugs hækkað í appelsínugult
Áframhaldandi virkni mælist í Bárðarbungu. Ekki verður dregið úr viðbúnaði almannavarna að svo stöddu.
Nokkurra klukkustunda fyrirvari yrði á eldgosi
„Það eru nú lítil merki um að það sé að draga úr þessu,“ segir Magnús Tumi Guðmundsson prófessor í jarðeðlisfræði.
Erlendir miðlar greina frá mögulegu eldgosi
Dagens Nyheter og Verdens Gang hafa bæði greint frá aukinni skjálftavirkni í Vatnajökli.
