Norsku konunni sem smitaðist af ebólu í Síerra Leóne er ekki lengur haldið í einangrun á Ullevål sjúkrahúsinu í Ósló.
Í byrjun októbermánaðar var greint frá því að norskur læknir sem starfað hefur með Læknum án landamæra (MSF) í Síerra Leóne hefði smitast af ebólu. Var læknirinn fluttur til Noregs til meðferðar.
Lækninum var þá komið fyrir í einangrun eftir að rannsóknir hefðu sannreynt að hún hefði smitast af veirunni. Læknirinn var fyrsti Norðmaðurinn sem smitast af ebólu.
Fulltrúar sjúkrahússins og Lækna án landamæra munu halda blaðamannafund síðar í dag þar sem spurningum um meðhöndlun konunnar verður svarað.
