Skoða opnun fleiri Búllustaða erlendis Þorbjörn Þórðarson skrifar 18. nóvember 2014 20:06 Tómas Tómasson, stofnandi og eigandi Hamborgarabúllu Tómasar. Vísir/Pjetur Tómas Tómasson segir að mikið sé haft samband við rekstraraðila Tommi's Burger Joint eftir velgengni staðarins í Lundúnum, Berlín og Kaupmannahöfn. Tveir staðir eru nú reknir í Lundúnum og til stendur að opna stað í Osló. Margir vilji opna fleiri staði undir merkjum Tommi's Burger Joint. Margir hverjir reyndir erlendir veitingamenn. Þetta kemur fram í viðtali við Tómas í nýjasta Klinkinu. „Eftir að staðurinn í London fór að ganga svona vel, það er með ólíkindum hvað okkur var vel tekið þar. Við opnuðum til bráðabirgða í húsnæði sem átti að endurbyggja í ágúst 2012. Hann fékk svakalega góðar móttökur og við vorum allt í einu komnir á kortið í London. Það eru 7.000 pöbbar og 8.000 veitingastaðir og því ekkert auðvelt að hasla sér völl þar. Við vöktum mikla og góða athygli þannig að eigendur húsnæðisins útveguðu okkur húsnæði til frambúðar í Marylebone-hverfinu. Eftir þá athygli sem við fengum þarna þá hafa alls kyns menn haft samband og vissulega er það ánægjulegt að fá svona seinni 15 mínútur af frægð á þessum aldri. En ætlum við að opna fleiri staði erlendis? Það er mjög líklegt að það gerist því það er mikill áhugi fyrir þessu. Iðulega koma menn og ræða við rekstraraðila staðarins í London og vilja taka þátt. Þetta er eins og í sögunni um Litlu Gulu hænuna. Um leið og brauðið er bakað vilja allir koma og taka bita,” segir Tómas í nýjasta Klinkinu. Það hefur mikið vatn runnið til sjávar síðan Búllan opnaði á Geirsgötu 10. apríl 2004. Tómas segir í þættinum að hann hafi í raun verið bókstaflega blankur þegar sá staður opnaði.Þurfti að skrapa saman af þremur reikningum fyrir inneign á GSM-símann „Eftir að ég seldi Hótel Borg snemma árs 2003 þá lét ég mig dreyma um að ég gæti farið að gera minna og setjast hálfpartinn í helgan stein. Ég fór til Argentínu í tvo mánuði að reyna að læra spænsku og tangó og uppgötvaði þegar ég kom til baka að ég var blankur maður. Mómentið var þetta: Ég fór í sturtu daglega og notaði eyrnapinna í sitt hvort eyrað. Ég uppgötvaði einn daginn að ég var farinn að nota einn pinna til að spara í staðinn fyrir tvo. Svo þurfti ég að fylla á símann minn og lægsta áfylling er 500 kall og ég þurfti að fara inn á þrjá bankareikninga til þess að finna 500 kall til að setja inn á símann. Þá áttaði ég mig á því að ég þurfti að fara að gera eitthvað. Á fjölskyldufundi var stungið upp á því hvort ég ætti ekki að fara í hamborgarabransann aftur en mér fannst það út í hött af því mér fannst ég vera búinn að ljúka því tímabili í lífi mínu. En þegar fólk heyrði að Tommi ætlaði að fara í hamborgarana þá lifnaði yfir öllu. Þetta þróaðist síðan þannig að ég fór að kíkja í kringum mig eftir húsnæði.“ Reksturinn á Hamborgarabúllu Tómasar ehf. gengur vel en fyrirtækið var með jákvætt eigið fé upp á 71 milljón króna í lok árs 2013 en það ár skilaði fyrirtækið 9,9 milljóna króna hagnaði. Alls eru sjö staðir reknir á Íslandi. Tómas á tvo þeirra, staðinn á Bíldshöfða og í Ofanleiti, en hinir fimm eru reknir á grundvelli sérleyfissamninga (e. franchise-agreements). Fjölskylda Tómasar á hlut í fyrirtækinu sem rekur staðina tvo í Lundúnum en síðan eru staðirnir í Berlín og Kaupmannahöfn reknir með sérleyfi. Tómas fylgist mjög náið með öllu ferlinu til að tryggja að borgararnir bragðist alls staðar eins og miklum tíma er varið í að finna rétta hráefnið en hann segir það lykil að bragðinu góða.Voru lengi að finna rétta kjötið„Í London vorum við lengi að finna rétta kjötið. Við vorum búnir að prófa 10-12 mismunandi kjötkaupmenn sem voru búnir að reyna að selja okkur kjöt. Loksins duttum við niður á HG Walter, sem við köllum slátrara, og kjötið sem þeir útvega okkur er skoskt og það er svo gott að við notum sama kjötið í bæði Berlín og Kaupmannahöfn og flytjum það bara inn þar. Það er 20-22% fita en bragðið kemur úr fitunni.“ Sjá má viðtalið við Tómas í Klinkinu með því að smella hér. Klinkið Mest lesið Þurfa að taka koffíndrykk á reynslu Viðskipti innlent Stjórnir Samkaupa og Heimkaupa undirrita samrunasamning Viðskipti innlent Gervigreindin: Píparinn öruggur en læknirinn ekki? Atvinnulíf Vetrarferð á verðlaunuðum rafbíl Samstarf Afkoma ársins undir væntingum Viðskipti innlent Halda á miðin þrátt fyrir kvóta „upp í nös á ketti“ Viðskipti innlent Landsbankinn fór fýluferð í Landsrétt vegna Borgunar Viðskipti innlent Harma ónákvæma tilkynningu Kauphallar Viðskipti innlent Örkvóti í loðnu gæti skilað milljarði í útflutningstekjur Viðskipti innlent Landsvirkjun greitt út níutíu milljarða á fjórum árum Viðskipti innlent Fleiri fréttir Landsvirkjun greitt út níutíu milljarða á fjórum árum Halda á miðin þrátt fyrir kvóta „upp í nös á ketti“ Þurfa að taka koffíndrykk á reynslu Stjórnir Samkaupa og Heimkaupa undirrita samrunasamning Örkvóti í loðnu gæti skilað milljarði í útflutningstekjur Afkoma ársins undir væntingum Harma ónákvæma tilkynningu Kauphallar Landsbankinn fór fýluferð í Landsrétt vegna Borgunar Skrifuðu undir viljayfirlýsingu um Coda-stöð í Ölfusi Loðnuvertíð eftir allt saman Heimar kaupa umdeild hús á rúma sex milljarða Play í sögulegri lægð eftir merkingu Kauphallar Bein útsending: Stærðin skiptir máli Rannsaka gögnin sem skera úr um hvort það verði loðnuvertíð Kaupin á TM: „Þetta mun einfaldlega ganga í gegn“ Árstekjur starfsmanna lækkuðu um fimmtung vegna loðnubrests „Tugir kúabúa gætu þurft að hætta“ „Það kæmi mér verulega á óvart ef þessi samruni yrði að veruleika“ Hulda ráðin framkvæmdastjóri Nox á Íslandi Bætast í eigendahóp Markarinnar Þriðjungur flugvéla Play leigðar út í næstum þrjú ár Fjallað um strandveiðar á Alþingi í sérstakri umræðu Samruninn skili ekki aukinni samkeppni Níu milljarða tap en staðan styrkist Fetar ekki í fótspor forvera sinna hvað ÁTVR varðar „Það er verið að vernda stórkaupmenn“ Nýir eigendur ætla að „troðfylla búðina af nauðsynjavöru” Undirbúa söluna áfram þrátt fyrir yfirlýsingu Arion banka Áttar sig ekki á bjartsýni Arion Níu matvælaframleiðendur hljóta styrk Sjá meira
Tómas Tómasson segir að mikið sé haft samband við rekstraraðila Tommi's Burger Joint eftir velgengni staðarins í Lundúnum, Berlín og Kaupmannahöfn. Tveir staðir eru nú reknir í Lundúnum og til stendur að opna stað í Osló. Margir vilji opna fleiri staði undir merkjum Tommi's Burger Joint. Margir hverjir reyndir erlendir veitingamenn. Þetta kemur fram í viðtali við Tómas í nýjasta Klinkinu. „Eftir að staðurinn í London fór að ganga svona vel, það er með ólíkindum hvað okkur var vel tekið þar. Við opnuðum til bráðabirgða í húsnæði sem átti að endurbyggja í ágúst 2012. Hann fékk svakalega góðar móttökur og við vorum allt í einu komnir á kortið í London. Það eru 7.000 pöbbar og 8.000 veitingastaðir og því ekkert auðvelt að hasla sér völl þar. Við vöktum mikla og góða athygli þannig að eigendur húsnæðisins útveguðu okkur húsnæði til frambúðar í Marylebone-hverfinu. Eftir þá athygli sem við fengum þarna þá hafa alls kyns menn haft samband og vissulega er það ánægjulegt að fá svona seinni 15 mínútur af frægð á þessum aldri. En ætlum við að opna fleiri staði erlendis? Það er mjög líklegt að það gerist því það er mikill áhugi fyrir þessu. Iðulega koma menn og ræða við rekstraraðila staðarins í London og vilja taka þátt. Þetta er eins og í sögunni um Litlu Gulu hænuna. Um leið og brauðið er bakað vilja allir koma og taka bita,” segir Tómas í nýjasta Klinkinu. Það hefur mikið vatn runnið til sjávar síðan Búllan opnaði á Geirsgötu 10. apríl 2004. Tómas segir í þættinum að hann hafi í raun verið bókstaflega blankur þegar sá staður opnaði.Þurfti að skrapa saman af þremur reikningum fyrir inneign á GSM-símann „Eftir að ég seldi Hótel Borg snemma árs 2003 þá lét ég mig dreyma um að ég gæti farið að gera minna og setjast hálfpartinn í helgan stein. Ég fór til Argentínu í tvo mánuði að reyna að læra spænsku og tangó og uppgötvaði þegar ég kom til baka að ég var blankur maður. Mómentið var þetta: Ég fór í sturtu daglega og notaði eyrnapinna í sitt hvort eyrað. Ég uppgötvaði einn daginn að ég var farinn að nota einn pinna til að spara í staðinn fyrir tvo. Svo þurfti ég að fylla á símann minn og lægsta áfylling er 500 kall og ég þurfti að fara inn á þrjá bankareikninga til þess að finna 500 kall til að setja inn á símann. Þá áttaði ég mig á því að ég þurfti að fara að gera eitthvað. Á fjölskyldufundi var stungið upp á því hvort ég ætti ekki að fara í hamborgarabransann aftur en mér fannst það út í hött af því mér fannst ég vera búinn að ljúka því tímabili í lífi mínu. En þegar fólk heyrði að Tommi ætlaði að fara í hamborgarana þá lifnaði yfir öllu. Þetta þróaðist síðan þannig að ég fór að kíkja í kringum mig eftir húsnæði.“ Reksturinn á Hamborgarabúllu Tómasar ehf. gengur vel en fyrirtækið var með jákvætt eigið fé upp á 71 milljón króna í lok árs 2013 en það ár skilaði fyrirtækið 9,9 milljóna króna hagnaði. Alls eru sjö staðir reknir á Íslandi. Tómas á tvo þeirra, staðinn á Bíldshöfða og í Ofanleiti, en hinir fimm eru reknir á grundvelli sérleyfissamninga (e. franchise-agreements). Fjölskylda Tómasar á hlut í fyrirtækinu sem rekur staðina tvo í Lundúnum en síðan eru staðirnir í Berlín og Kaupmannahöfn reknir með sérleyfi. Tómas fylgist mjög náið með öllu ferlinu til að tryggja að borgararnir bragðist alls staðar eins og miklum tíma er varið í að finna rétta hráefnið en hann segir það lykil að bragðinu góða.Voru lengi að finna rétta kjötið„Í London vorum við lengi að finna rétta kjötið. Við vorum búnir að prófa 10-12 mismunandi kjötkaupmenn sem voru búnir að reyna að selja okkur kjöt. Loksins duttum við niður á HG Walter, sem við köllum slátrara, og kjötið sem þeir útvega okkur er skoskt og það er svo gott að við notum sama kjötið í bæði Berlín og Kaupmannahöfn og flytjum það bara inn þar. Það er 20-22% fita en bragðið kemur úr fitunni.“ Sjá má viðtalið við Tómas í Klinkinu með því að smella hér.
Klinkið Mest lesið Þurfa að taka koffíndrykk á reynslu Viðskipti innlent Stjórnir Samkaupa og Heimkaupa undirrita samrunasamning Viðskipti innlent Gervigreindin: Píparinn öruggur en læknirinn ekki? Atvinnulíf Vetrarferð á verðlaunuðum rafbíl Samstarf Afkoma ársins undir væntingum Viðskipti innlent Halda á miðin þrátt fyrir kvóta „upp í nös á ketti“ Viðskipti innlent Landsbankinn fór fýluferð í Landsrétt vegna Borgunar Viðskipti innlent Harma ónákvæma tilkynningu Kauphallar Viðskipti innlent Örkvóti í loðnu gæti skilað milljarði í útflutningstekjur Viðskipti innlent Landsvirkjun greitt út níutíu milljarða á fjórum árum Viðskipti innlent Fleiri fréttir Landsvirkjun greitt út níutíu milljarða á fjórum árum Halda á miðin þrátt fyrir kvóta „upp í nös á ketti“ Þurfa að taka koffíndrykk á reynslu Stjórnir Samkaupa og Heimkaupa undirrita samrunasamning Örkvóti í loðnu gæti skilað milljarði í útflutningstekjur Afkoma ársins undir væntingum Harma ónákvæma tilkynningu Kauphallar Landsbankinn fór fýluferð í Landsrétt vegna Borgunar Skrifuðu undir viljayfirlýsingu um Coda-stöð í Ölfusi Loðnuvertíð eftir allt saman Heimar kaupa umdeild hús á rúma sex milljarða Play í sögulegri lægð eftir merkingu Kauphallar Bein útsending: Stærðin skiptir máli Rannsaka gögnin sem skera úr um hvort það verði loðnuvertíð Kaupin á TM: „Þetta mun einfaldlega ganga í gegn“ Árstekjur starfsmanna lækkuðu um fimmtung vegna loðnubrests „Tugir kúabúa gætu þurft að hætta“ „Það kæmi mér verulega á óvart ef þessi samruni yrði að veruleika“ Hulda ráðin framkvæmdastjóri Nox á Íslandi Bætast í eigendahóp Markarinnar Þriðjungur flugvéla Play leigðar út í næstum þrjú ár Fjallað um strandveiðar á Alþingi í sérstakri umræðu Samruninn skili ekki aukinni samkeppni Níu milljarða tap en staðan styrkist Fetar ekki í fótspor forvera sinna hvað ÁTVR varðar „Það er verið að vernda stórkaupmenn“ Nýir eigendur ætla að „troðfylla búðina af nauðsynjavöru” Undirbúa söluna áfram þrátt fyrir yfirlýsingu Arion banka Áttar sig ekki á bjartsýni Arion Níu matvælaframleiðendur hljóta styrk Sjá meira