Veiðileyfi í verðlaun í Facebookleik Veiðivísis

Nú er alltaf að komast meiri kraftur í vorveiðina og má segja að hún verði kominn í fullt start á morgun þegar mörg vötn opna fyrir veiðimönnum.

Við hjá Veiðivísi ætlum að halda aðeins upp á það með því að fara í smá Facebook leik með lesendum okkar. Við erum á facebook sem Veiðivísir og það sem þú þarft að gera til að taka þátt í leiknum er að líka við síðuna (like) og deila henni (share). Það er allt og sumt til að koma þér í pottinn hjá okkur. Við drögum út 7. maí og í verðaun eru tvær stangir í Varmá þann 12. maí svo þarna gætu fjórir veiðifélagar átt góðann dag í ánni sem gerir ekki annað en að skila stórbleikjum og flottum sjóbirtingum á land í vor og það sem besta er að framundan er frábær tími í ánni.

Við minnum líka á að frá og með 1. maí byrjum við að draga vikulega út úr innsendum fréttum til okkar og fær hver frétt hverrar viku Veiðikortið í verðlaun. Með öllum innsendum fréttum þarf að fylgja mynd, smá frásögn af veiðinni og auðvitað upplýsingar um þann sem sendir inn fréttina, sími, netfang o.s.fr.  Þið sendið póstinn ykkar á [email protected]

Góða veiði!