Prokopis Pavlopoulos Grikklandsforseti mun í dag binda endi á þær stjórnarmyndunarviðræður sem staðið hafa síðan Alexis Tsipras sagði af sér embætti forsætisráðherra í síðustu viku.
Í frétt SVT kemur fram að allt bendi til að ekki muni takast að mynda nýja ríkisstjórn og muni forsetinn því þurfa að boða til nýrra þingkosninga.
Fram að kosningunum mun bráðabirgðaríkisstjórn stýra landinu undir stjórn Hæstiréttar landsins. Verður hlutverk hans einungis bundið við að sjá um daglegan rekstur gríska ríkisins.
Skoðanakannanir benda til þess að Tsipras njóti mikils stuðnings í landinu og eru möguleikar hans á kosningasigri taldir miklir.
Fulltrúar fyrrum ríkisstjórnarflokkanna hafa lýst stjórnarmyndunarviðræðum þeim sem hafa staðið yfir síðustu daga sem tímasóun.
Verði boðað til kosninga, líkt og fastlega er búist við, er talið að þær fari fram 20. september næstkomandi.
Styttist í að formlega verði boðað til kosninga í Grikklandi
Tengdar fréttir
Stofna flokk gegn skuldasamningi
Tuttugu og fimm óánægðir þingmenn SYRIZA-flokksins í Grikklandi hafa stofnað nýjan flokk, sem heitir Þjóðareining.
Alexis Tsipras segir af sér
Búist er við að boðað verði til þingkosningaí Grikklandi þann 20. september.
Pólitísk óvissa í Grikklandi og stjórnarflokkurinn klofinn
Alexis Tsipras er enn mjög vinsæll í Grikklandi þrátt fyrir erfiðar efnahagsaðgerðir.
