Lögreglumenn boða forföll vegna veikinda

Lögreglumenn á höfuðborgarsvæðinu hafa margir boðað forföll vegna veikinda í dag. Því telur lögregla að ekki verði unnt að sinna öllum verkefnum sem koma á borð hennar í dag. Brýn og áríðandi mál verða þó sett í forgang, að því er segir í færslu lögreglunnar á Facebook.

Lögreglan biðst velvirðingar á þeim óþægindum sem þetta kann aðvalda, en biður fólk um að sýna skilning og þolinmæði í dag.

Þá hafa lögreglumenn sem sinna landamæraeftirliti í Leifsstöð jafnframt tilkynnt forföll vegna veikinda og má því búast við töfum á flugvellinum í dag.