BMW kynnir lítinn hugmyndabíl í Kína Finnur Thorlacius skrifar 23. nóvember 2015 09:52 Laglegur smábíll frá BMW. Autoblog Það er ekki algengt að þýskir lúxusbílaframleiðendur kynni nýja bíla sína í Kína en það gerði BMW um helgina í Guangzhou. Þessi bíll er fjögurra dyra en smár bíll sem byggður er á BMW 1- og 2-línunni. Þessi bíll er hugsaður sem samkeppnisbíll Mercedes Benz CLA-Class og Audi A3. Bíllinn er sannarlega með útlitseinkenni annarra BMW-bíla nú, en fremur hár til þaksins. Hjól bílsins eru höfð eins langt til endanna og kostur er til að auka innanrými hans og búa til gott pláss fyrir aftursætisfarþega. Hurðarhúnar bílsins eru vart sýnilegir og spretta fram við snertingu. Engin tilviljun er að BMW kynni þennan bíl í Kína en hann er hugsaður fyrir yngri kynslóð íbúa þar. Innanrými bílsins er hannað utanum ökumanninn, en einnig er vel hugað að rými fyrir aftursætisfarþega þó bíllinn sé ekki stór. Bíllinn er ríkulega búinn og mikið vandað til efnisvals. Nappa leður er í innréttingunni og viður og rispað ál að auki, svo hér er ekki á ferðinni neinn verkamannabíll. Bíllinn er með glerþaki og akstursupplýsingum er varpað uppá framrúðuna, auk þess sem upplýsingaskjár bílsins er óvenju stór, eða 8,8 tommur. Samkvæmt þessari lýsingu á bílnum á hann fullt eins erindi á markaði í Bandaríkjunum og Evrópu, þó svo honum verði að fyrstu beint að kínverskum kaupendum. Tilraunabíllinn séður frá annarri hlið. Mest lesið Sánuferðir hafi svipuð áhrif á hjartað og líkamsrækt Innlent Segir ríkið bera ábyrgð í máli mannsins á Hverfisgötu Innlent Dæmdur fyrir brot gegn fimmtán börnum í viðbót Innlent Samþykktu fangaskipti á næstu dögum Erlent Keilusambandið sakað um djúpstæða spillingu Innlent „Ekkert nema gott að segja fyrir gróðurinn og sálarlíf landsmanna“ Veður Sýknaðir af ákæru fyrir að brjótast inn í eigið hús Innlent Láta heiladauða konu ganga áfram með fóstur vegna þungunarrofsbanns Erlent Hefur áhyggjur af öryggi skólabarna í Laugardal Innlent Tugmilljóna gjaldþrot meðhöndlarans Innlent
Það er ekki algengt að þýskir lúxusbílaframleiðendur kynni nýja bíla sína í Kína en það gerði BMW um helgina í Guangzhou. Þessi bíll er fjögurra dyra en smár bíll sem byggður er á BMW 1- og 2-línunni. Þessi bíll er hugsaður sem samkeppnisbíll Mercedes Benz CLA-Class og Audi A3. Bíllinn er sannarlega með útlitseinkenni annarra BMW-bíla nú, en fremur hár til þaksins. Hjól bílsins eru höfð eins langt til endanna og kostur er til að auka innanrými hans og búa til gott pláss fyrir aftursætisfarþega. Hurðarhúnar bílsins eru vart sýnilegir og spretta fram við snertingu. Engin tilviljun er að BMW kynni þennan bíl í Kína en hann er hugsaður fyrir yngri kynslóð íbúa þar. Innanrými bílsins er hannað utanum ökumanninn, en einnig er vel hugað að rými fyrir aftursætisfarþega þó bíllinn sé ekki stór. Bíllinn er ríkulega búinn og mikið vandað til efnisvals. Nappa leður er í innréttingunni og viður og rispað ál að auki, svo hér er ekki á ferðinni neinn verkamannabíll. Bíllinn er með glerþaki og akstursupplýsingum er varpað uppá framrúðuna, auk þess sem upplýsingaskjár bílsins er óvenju stór, eða 8,8 tommur. Samkvæmt þessari lýsingu á bílnum á hann fullt eins erindi á markaði í Bandaríkjunum og Evrópu, þó svo honum verði að fyrstu beint að kínverskum kaupendum. Tilraunabíllinn séður frá annarri hlið.
Mest lesið Sánuferðir hafi svipuð áhrif á hjartað og líkamsrækt Innlent Segir ríkið bera ábyrgð í máli mannsins á Hverfisgötu Innlent Dæmdur fyrir brot gegn fimmtán börnum í viðbót Innlent Samþykktu fangaskipti á næstu dögum Erlent Keilusambandið sakað um djúpstæða spillingu Innlent „Ekkert nema gott að segja fyrir gróðurinn og sálarlíf landsmanna“ Veður Sýknaðir af ákæru fyrir að brjótast inn í eigið hús Innlent Láta heiladauða konu ganga áfram með fóstur vegna þungunarrofsbanns Erlent Hefur áhyggjur af öryggi skólabarna í Laugardal Innlent Tugmilljóna gjaldþrot meðhöndlarans Innlent