Bjór í búðir óttar guðmundsson skrifar 25. febrúar 2017 10:00 Takmarkað aðgengi að áfengi á Íslandi er mikið vandamál. Núverandi fyrirkomulag byggir á þeirri skoðun að neyslan aukist með auknu framboði og frjálsræði. Margir hafa þurft að neita sér um hvítvín með þriðjudags-ýsunni eða rauðvín með miðvikudags-kássunni af því að þeir komust ekki í ríkið fyrir lokun. Knattspyrnuáhugamenn hafa setið bjórlausir yfir skemmtilegum mánudagsleikjum. Íslenskir ferðalangar í útlöndum hafa notið þess að geta keypt sér pela af vodka eða pott af bjór í vegasjoppu eða matvöruverslun. Þetta hefur stuðlað að sérlega siðfágaðri umgengni við áfengi á erlendri grund eins og allir leiðsögumenn íslenskra ferðalanga geta vitnað um. Nú eru bjartari tímar í nánd. Þingmenn vilja hverfa frá skandinavískri aðhaldsstefnu og gefa áfengissöluna frjálsa í öllum matvöruverslunum. Drykkjan gæti mögulega aukist og þau vandamál sem af henni hljótast. En það er ljós í mykrinu. Hvergi á nágrannalöndunum er viðlíka framboð af meðferð fyrir alkóhólista og aðra fíkla og á Íslandi. SÁÁ, Landspítalinn, Samhjálp og Krýsuvíkursamtökin reka öll ágæt meðferðarheimili. Liðlega 160 legurými eru eyrnamerkt þessum hópi sjúklinga auk öflugra göngudeilda og fjölmargra AA-funda. Þetta er meiri meðferð en boðið er uppá í Kaupmannahöfn, Berlín eða París, þar sem mannfjöldinn er talsvert meiri. Gríðarlegar framfarir hafa átt sér stað í lifrar- og brisígræðslum ef þessi líffæri skyldu skemmast. Nú þarf ekkert íslensk heimili nokkru sinni að neita sér um áfengi vegna íhaldssemi stjórnvalda. Íslenska heilbrigðisferðarkerfið er það öflugasta í heimi og getur áreynslulaust leyst öll áfengistengd vandamál. Auðvitað reddast þetta allt. Viltu birta grein á Vísi? Sendu okkur póst. Senda grein Óttar Guðmundsson Mest lesið Kveðjur úr Grafarvogi til þeirra sem kasta steinum úr glerhúsi Davíð Már Sigurðsson Skoðun Hvað er „furry“ annars? Jóhanna Jódís Antonsdóttir Skoðun Að undirbúa börnin okkar fyrir heim sem er að hverfa Halldóra Mogensen Skoðun Opið bréf til fjármálaráðherra, Daða Más Kristóferssonar Íris Róbertsdóttir Skoðun Það sem er ósagt varðandi vinnubrögð hjá Háskólanum á Akureyri Þóra Sigurðardóttir Skoðun Leiðsöguhundurinn Gaur gerir mig að betri manneskju Þorkell J. Steindal Skoðun Sjúklingur settur í fangaklefa Arnar Þór Jónsson Skoðun Ég kalla hann Isildur; mentorinn minn er gervigreind Björgmundur Guðmundsson Skoðun Fimmtíu ár frá lokum Víetnamstríðsins Finnur Th. Eiríksson Skoðun Hollar skólamáltíðir fyrir loftslagið og líðan barna Laufey Steingrímsdóttir,Anna Sigríður Ólafsdóttir Skoðun
Takmarkað aðgengi að áfengi á Íslandi er mikið vandamál. Núverandi fyrirkomulag byggir á þeirri skoðun að neyslan aukist með auknu framboði og frjálsræði. Margir hafa þurft að neita sér um hvítvín með þriðjudags-ýsunni eða rauðvín með miðvikudags-kássunni af því að þeir komust ekki í ríkið fyrir lokun. Knattspyrnuáhugamenn hafa setið bjórlausir yfir skemmtilegum mánudagsleikjum. Íslenskir ferðalangar í útlöndum hafa notið þess að geta keypt sér pela af vodka eða pott af bjór í vegasjoppu eða matvöruverslun. Þetta hefur stuðlað að sérlega siðfágaðri umgengni við áfengi á erlendri grund eins og allir leiðsögumenn íslenskra ferðalanga geta vitnað um. Nú eru bjartari tímar í nánd. Þingmenn vilja hverfa frá skandinavískri aðhaldsstefnu og gefa áfengissöluna frjálsa í öllum matvöruverslunum. Drykkjan gæti mögulega aukist og þau vandamál sem af henni hljótast. En það er ljós í mykrinu. Hvergi á nágrannalöndunum er viðlíka framboð af meðferð fyrir alkóhólista og aðra fíkla og á Íslandi. SÁÁ, Landspítalinn, Samhjálp og Krýsuvíkursamtökin reka öll ágæt meðferðarheimili. Liðlega 160 legurými eru eyrnamerkt þessum hópi sjúklinga auk öflugra göngudeilda og fjölmargra AA-funda. Þetta er meiri meðferð en boðið er uppá í Kaupmannahöfn, Berlín eða París, þar sem mannfjöldinn er talsvert meiri. Gríðarlegar framfarir hafa átt sér stað í lifrar- og brisígræðslum ef þessi líffæri skyldu skemmast. Nú þarf ekkert íslensk heimili nokkru sinni að neita sér um áfengi vegna íhaldssemi stjórnvalda. Íslenska heilbrigðisferðarkerfið er það öflugasta í heimi og getur áreynslulaust leyst öll áfengistengd vandamál. Auðvitað reddast þetta allt.
Hollar skólamáltíðir fyrir loftslagið og líðan barna Laufey Steingrímsdóttir,Anna Sigríður Ólafsdóttir Skoðun
Hollar skólamáltíðir fyrir loftslagið og líðan barna Laufey Steingrímsdóttir,Anna Sigríður Ólafsdóttir Skoðun