38 á land á fyrsta degi í Langá á Mýrum Karl Lúðvíksson skrifar 22. júní 2017 09:00 Sigurjón með lax úr opnun Langár í gær. Mynd: Addi Fannar Það lá í loftinu að opnunin í Langá á Mýrum gæti orðið spennandi en ég held að engin hafi átt von á svona góðum degi. Alls var tíu löxum landað fyrir klukkan átta í gærmorgun en það var bara rétt byrjunin á deginum sem endaði í 38 löxum og þar af meirihlutinn laxar 70-80 sm sem eru fáheyrð hlutföll í Langá sem yfirleitt er þekkt fyrir að vera smálaxaá. Gangan núna er í sömu hlutföllum um 50% lax yfir 70 sm og það hafa margir yfir 80 sm farið í gegnum teljarann við Skugga. Hann stóð í 336 löxum í fyrradag og vatnið í ánni er ekki of mikið þannig að það fer alltaf einhver hluti göngunnar upp fossinn sjálfan. Það var líf á víða í ánni alveg upp að Sveðjufossi og í sumum hyljum lágu 20-30 laxar en þess ber að geta að ellefu laxar eru þegar farnir í gegnum teljarann við Sveðjufoss sem er upphafspunktur veiðisvæðisins sem í daglegu tali er kallað "Fjallið". Þetta er mögnuð byrjun og það verður fylgst vel með tölum úr laxateljaranum við Skugga næstu daga til að sjá hvað næstu straumar skila en byrjunin lofar góðu. Mest lesið Veiðimenn óhressir með hækkun í Veiðivötnum Veiði Hver er besta haustflugan í laxinn? Veiði Helmingi meiri laxveiði en í fyrra Veiði Náðu 13 löxum í Brennunni á einum degi Veiði Laugardalsá langt undir meðaltalsveiði Veiði „Stórfiskar kafa víða um vatnamótin" Veiði Fékk eftirminnilegasta fiskinn einn uppi í gljúfri Veiði Laxinn hefur gefið sig í Tungufljóti Veiði Vefsalan opnar í dag hjá SVFR Veiði I hope I got the right one! Veiði
Það lá í loftinu að opnunin í Langá á Mýrum gæti orðið spennandi en ég held að engin hafi átt von á svona góðum degi. Alls var tíu löxum landað fyrir klukkan átta í gærmorgun en það var bara rétt byrjunin á deginum sem endaði í 38 löxum og þar af meirihlutinn laxar 70-80 sm sem eru fáheyrð hlutföll í Langá sem yfirleitt er þekkt fyrir að vera smálaxaá. Gangan núna er í sömu hlutföllum um 50% lax yfir 70 sm og það hafa margir yfir 80 sm farið í gegnum teljarann við Skugga. Hann stóð í 336 löxum í fyrradag og vatnið í ánni er ekki of mikið þannig að það fer alltaf einhver hluti göngunnar upp fossinn sjálfan. Það var líf á víða í ánni alveg upp að Sveðjufossi og í sumum hyljum lágu 20-30 laxar en þess ber að geta að ellefu laxar eru þegar farnir í gegnum teljarann við Sveðjufoss sem er upphafspunktur veiðisvæðisins sem í daglegu tali er kallað "Fjallið". Þetta er mögnuð byrjun og það verður fylgst vel með tölum úr laxateljaranum við Skugga næstu daga til að sjá hvað næstu straumar skila en byrjunin lofar góðu.
Mest lesið Veiðimenn óhressir með hækkun í Veiðivötnum Veiði Hver er besta haustflugan í laxinn? Veiði Helmingi meiri laxveiði en í fyrra Veiði Náðu 13 löxum í Brennunni á einum degi Veiði Laugardalsá langt undir meðaltalsveiði Veiði „Stórfiskar kafa víða um vatnamótin" Veiði Fékk eftirminnilegasta fiskinn einn uppi í gljúfri Veiði Laxinn hefur gefið sig í Tungufljóti Veiði Vefsalan opnar í dag hjá SVFR Veiði I hope I got the right one! Veiði