Meirihluti mongólska þingsins samþykkti í gær að víkja forsætisráðherranum Jargaltulgyn Erdenebat og ríkisstjórn hans frá völdum. Þetta er gert í kjölfar ásakana um valdamisnotkun og spillingu.
Washington Post segir að 42 af 73 þingmönnum hafi greitt atkvæði með tillögunni sem samþykkt var rúmu ári eftir þingkosningar í landinu þar sem Mogólski þjóðarflokkurinn (MPP) vann stórsigur.
Meirihluti þingflokks MPP greiddi akvæði með því að víkja Erdenebat úr embætti, en flokkurinn þarf að tilnefna nýjan forsætisráðherra innan 45 daga.
