Stöð 2 Sport
Við hefjum leik klukkan 11.20 þegar leikur Íslandsmeistara Breiðabliks og Stjörnunnar fer fram í Lengjubikar kvenna. Verður einkar forvitnilegt að sjá hvernig Blikar koma undan vetri en miklar breytingar hafa orðið á leikmannahópi liðsins sem og þjálfarateyminu.
Klukkan 14.20 er komið að slagnum um Hafnafjörðinn. Hvort liðið fær stigin tvö og montréttinn er FH tekur á móti Haukum í Olís-deild kvenna. FH er enn án stiga á botni deildarinnar á meðan Haukar eru í 6. sæti með sjö stig. Það mun þó eflaust engu skipta í kvöld þar sem staða í deild á það til að fjúka út um gluggann í svona leikjum.
Að þeim leik loknum höldum við í Safamýrina þar sem Fram tekur á móti Val í sannkölluðum stórveldaslag í Olís deild kvenna. Fram trónir á toppi deildarinnar með 12 stig, líkt og KA/Þór en Valur kemur þar á eftir og getur því farið í toppsætið með sigri.
Allavega tímabundið en KA/Þór heimsækir Stjörnuna síðar í dag.
Stöð 2 Sport 2
Við hefðum daginn í Skírisskógi þar sem Nottingham Forest taka á móti Bournemouth klukkan 13.25. Síðarnefnda liðið sló Burnley út úr FA-bikarnum á dögunum og hefur náð vopnum sínum eftir að Harry Redknapp var ráðinn inn til að hjálpa Jonathan Woodgate að stýra liðinu. Það má því reikna með hörku leik en Forest eru smá eins og konfektkassi, veist aldrei hvað þú færð.
Klukkan 15.50 til 21.00 er svo spænski konungsbikarinn í körfubolta á dagskrá. Um er að ræða undanúrslitaleiki keppninnar.
Ef það er ekki nóg af körfubolta þá er leikur Phoenix Suns og Philadlephia 76ers í NBA-deildinni á dagskrá klukkan 21.00.
Stöð 2 Sport 3
Klukkan 15.50 er komið að leik Íslandsmeistara Vals og KA í Lengjubikar karla í knattspyrnu en leikið er á Akureyri. KA menn hafa styrkt lið sitt til muna undanfarið og verður forvitnilegt að sjá hvernig þeim gengur gegn Valsmönnum sem hafa einnig sótt mann og annan.
Bæði lið ætla sér stóra hluti í sumar.
Stöð 2 Sport 4
Topplið spænsku úrvalsdeildarinnar – Atlético Madrid – heimsækir Granada klukkan 14.00 í dag. Sigur þýðir að liðið er með þægilega forystu á toppi deildarinnar en tap gæti hleypt Barcelona og Real Madrid aftur inn í myndina.
Klukkan 17.50 er komið að stórleik Napoli og Juventus í ítölsku úrvalsdeildinni. Bæði lið þurfa á sigri að halda til að halda í við topplið deildarinnar, AC og Inter Milan. Sigur hjá Napoli þýðir að liðið fer upp í 4. sæti en vinni Juventus þá verður það aðeins fjórum stigum á eftir toppliði AC Milan.
Til að krydda þetta einn meira þá voru þeir Rino Gattuso [þjálfari Napoli] og Andrea Pirlo [þjálfari Juventus] samherjar hjá einkar sigursælu liði AC Milan í upphafi þessarar aldar.
Ef það var ekki nóg þá er leikur Barcelona og Alavés á dagskrá klukkan 20.50. Börsungar halda í vonina um að Atlético tapi svo þeir geti minnkað forystu þeirra á toppi deildarinnar.
Stöð 2 Golf
Klukkan 19.00 er AT&T Pebble Beach Pro-AM á dagskrá en mótið er hluti af PGA-mótaröðinni.
