Fyrsta lagið af væntanlegri plötu Tunglleysu

Ritstjórn Albúmm.is skrifar 2. maí 2021 16:00

Hljómsveitin Tunglleysa er skipuð þeim Þorkatli Atlasyni tónskáldi, gítarleikara og Pan Thorarensen tónlistarmanni. Sortufen er fyrsta lagið af væntanlegri plötu þeirra sem er gefin út af Reykjavík Record shop í september.

Lagið er sungið af Mari Kalkun, söngkonu og tónskáldi frá Eistlandi. Hún var valin tónlistarmaður ársins í Eistlandi 2020 og hefur vakið athygli víða fyrir tónlist sína. Annar gestalistamaður er svisslendingurinn Claudio Puntin sem leikur á klarinett og rafhljóð.

Albert Finnbogason sá um hljóðblöndun og Arnold Kasar tónjafnaði. Hér fyrir neðan er hægt að sjá glænýtt myndband við lagið en það er Steinn Thorkelsson sem á heiðurinn af því.

Hægt er að fylgjast með Tunglleysu á Facebook og Instagram.

Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband í [email protected].

Tónlist