Í tilkynningu segir að Hildur Árnadóttir, stjórnarformaður Íslandsstofu, muni setja fundinn, en að því loknu muni Guðlaugur Þór Þórðarson, utanríkis- og þróunarsamvinnuráðherra flytja ávarp, auk þess að Pétur Þ. Óskarsson, framkvæmdastjóri Íslandsstofu, muni fjalla um Beggja skauta byr.
Þá munu Anna Hallberg, ráðherra utanríkisviðskipta Svíþjóðar og samstarfsráðherra Norðurlanda og Fredrik Fexe, framkvæmdastjóri, Business Sweden, fjalla um samstarf á alþjóðamörkuðum. Einnig munu raddir atvinnulífsins hljóma um stöðu og horfur fjölbreyttra íslenskra útflutningsgreina.
Eliza Reid forsetafrú stýrir fundinum.
Hægt er að fylgjast með útsendingunni að neðan.
