Danir höfðu yfirhöndina mest allan fyrri hálfleikinn, en áttu í stökustu vandræðum með að hrista þær brasilísku af sér. Mestur varð munurinn þrjú mörk, en þegar flautað var tik hálfleiks var staðan 14-13, dönsku stelpunum í vil.
Danska liðið hafði áfram yfirhöndina í seinni hálfleik og hægt og bítandi juku þær forskot sitt. Undir lok leiksins var munurinn orðinn sex mörk og brekkan orðin of brött fyrir brasilíska liðið. Danir unnu að lokum fimm marka sigur, 30-25, og tryggðu sér um leið sæti í undanúrslitum heimsmeistaramótsins þar sem þær mæta annað hvort Frökkum eða Svíum.