Paris Saint-Germain reyndist of stór biti fyrir Breiðablik í lokaleik liðanna í Meistaradeild Evrópu kvenna. Liðin mættust í París í kvöl, en lokatölur urðu 6-0.
Ramona Bachmann kom heimakonum yfir strax á tíundu mínútu áður en Jordyn Huitema breytti stöðunni í 2-0 á lokamínútu fyrri hálfleiks.
Kadidiatou Diani skoraði þriðja mark Parísarliðsins eftir klukkutíma leik og Sandy Baltimore það fjórða níu mínútum síðar.
Luana skoraði kom heimakonum í 5-0 rúmum fimm mínútum fyrir leikslok, en Jordyn Huitema gulltryggði 6-0 sigur PSG í uppbótartíma.
Parísarliðið endar í efsta sæti B-riðils með fullt hús stiga, en liðið skoraði 25 mörk og fékk ekki eitt einasta á sig. Breiðablik endar hins vegar í fjórða og neðsta sæti með eitt stig.
Leikurinn var í beinni útsendingu DAZN á Youtube og hér að neðan má horfa á útsendinguna.
