Ný fluga nefnd eftir Zelensky

Sigvaldi Lárusson var við opnun á Tungulæk ásamt félögum sínum með nýrtt vopn í sjóbirtinginn en það er fluga sem er hnýtt, eins og myndin ber með sér, með litum fána Úkraníu og nafið ber flugan af líklega frægasta samtímamanni landsins um þessar mundir. Sigvaldi sendi okkur smá skeyti af þessari góðu ferð:

"Félagi minn í Keflavík hann Júlíus Gunnlaugsson hefur í gegnum árin hnýtt fyrir mig flugur og kíkti ég á hann um daginn og týndi í box fyrir þessa ferð í Tungulækinn. Á borðinu hjá honum var gul og blá fluga….við kveiktum á perunni á sama tíma…sömu litir og eru í þjôðfána Úkraínu. Við skírðum fluguna Zelensky eftir forseta Úkraínu.

Það var ekki að spyrja að því að um leið og hún lenti í Holunni þá var allt í keng og Einarsson kominn á undirlínuna, á hinum endanum reyndist vera 70 cm rígvænn birtingur með Zelenskyy í skoltinum. Annar minni fylgdi svo í kjölfarið í næsta kasti.

Splæsi hér með myndum af Zelenskyy og aflanum."

Við þökkum Sigvalda kærlega fyrir þetta og hvetjum ykkur endilega til að deila með okkur sögum og fréttum af veiðiferðunum ykkar. Þið getið sent mér póst á [email protected] og við tökum öllum veiðifréttum fagnandi.