Katrín Jakobsdóttir forsætisráðherra grínaðist með það þegar hún tók á móti forseta Litháen í Stjórnarráðinu í morgun að það væri hennar fangelsi. Húsið var frá byggingu til ársins 1813 tugthúsið í Reykjavík.
„This is an old jail, now it's my jail,“ sagði Katrín þegar hún tók á móti Gitanas Nauséda, forseta Litháens, rétt fyrir klukkan ellefu í morgun í aðdraganda leiðtogafundar Evrópuráðsins í Hörpu.
„Og þú ert fangi hér, allavega þar til kjörtímabilinu lýkur,“ svaraði Nauséda.
Heyra má orðaskiptin í klippunni hér að neðan.
Verið er að fremja árásir á íslenska vefi að sögn aðstoðaryfirlögregluþjóns hjá greiningardeild ríkislögreglustjóra. Embættið telur sig hafa hugmynd um hvaðan árásirnar koma en ekkert hefur fengist staðfest.
Vefur Alþingis liggur niðri. Ragna Árnadóttir, skrifstofustjóri Alþingis, staðfestir í samtali við fréttastofu að bæði vefur þingsins og innri vefurinn liggi niðri sem stendur.
