Uppskriftir

Heitur eplahleifur á köldum þriðju­degi

Dóra Júlía Agnarsdóttir skrifar
Jana deilir hér uppskrift af heitum eplahleifi.
Jana deilir hér uppskrift af heitum eplahleifi. SAMSETT

Á köldum dögum sem þessum má leita ýmissa leiða til þess að hlýja sér og myndu sumir segja að í eldhúsinu megi finna hlýjuna. Heilsukokkurinn Kristjana Steingrímsdóttir, jafnan þekkt sem Jana, er dugleg að deila ýmsum uppskriftum í heilsusamlegri kantinum en nýlegasta uppskriftin er heitur eplahleifur sem hún segir dásamlegan.

Hér má sjá uppskrift Jönu:

Kristjana Steingrímsdóttir, Jana, er dugleg að deila fjölbreyttum uppskriftum. Aðsend

„Heitur eplahleifur:

2 egg

1/2 bolli vanillu og kókos jógúrt

1/2 bolli vanillumjólk

1/3 bolli akasíhunang

1/4 bolli kókosolía

1 tsk vanilla

1 bolli möndlumjöl

2 bollar haframjöl

1 kúfuð msk kollagen duft

1 tsk lyftiduft

1/4 tsk matarsódi

Epla-toppur

3 lífræn epli skorin í litla teninga

1 msk akasíuhunang

10 döðlur skornar í bita

1 tsk kanill

Setjið á pönnu og hitið á miðlungshita í um 15 mínútur.

Hitið ofninn í 180 gráður.

Á meðan að eplin og döðlurnar eldast blandið þið öllum þurrefnum saman í skál og hrærið saman, því næst bætið þið blautu hráefnunum við þurru blönduna og hrærið vel saman. Hellið í brauðform og hellið epla toppnum þar ofan á.

Setjið hleifinn inn í ofn og bakið í um það bil 35-45 mínútur. Stingið prjóni inn að miðju til að athuga hvort að hleifurinn er tilbúinn. Þegar prjónninn kemur hreinn út er hleifurinn klár. Leyfið honum aðeins að kólna. 

Dásamlegur eplahleifur sem gott er að bera fram með þeyttum rjóma eða vanillu og kókos jógúrt.“

Hér má finna ýmsar aðrar uppskriftir frá Jönu. 

Matur Uppskriftir

Tengdar fréttir

Gul súpa fyrir gula viðvörun

Í kuldanum leitar fólk oft fjölbreyttra leiða til að fá hlýju í kroppinn, hvort sem það er með lögum af yfirhöfnum, einhverju heitu í magann eða öðru. Heilsukokkurinn Kristjana Steingrímsdóttir deildi nýverið súpuuppskrift sem svo skemmtilega vill til að er gul á litinn, í stíl við gula viðvörun dagsins. 

Heitustu trendin fyrir 2024

Nýtt ár er gengið í garð og með nýju ári koma hinar ýmsu tískubylgjur fram á margvíslegum sviðum. Lífið á Vísi fékk til sín fjölbreyttan hóp álitsgjafa úr ólíkum áttum til að spá fyrir um heitustu trendin fyrir 2024. 

Ljúffengur fiskréttur að hætti Hrefnu Sætran

Ofurkokkurinn Hrefna Sætran segir að hvítur fiskur sé ótrúlegt hráefni sem maður ætti að borða eins oft og maður getur. Hún deilir hér uppskrift af skotheldum fiskrétti. 



Mest lesið




×

Mest lesið


Tarot dagsins

Dragðu spil og sjáðu hvaða spádóm það geymir.