Reuters hefur eftir heimildum sýrlenskra ríkismiðla að skotmark árásanna hafi verið rannsóknarmiðstöð hersins fyrir efnavopn. Þá hafi þrettán særst í árásinni, þar af nokkrir alvarlega. Fram kemur að Ísraelsher beri ábyrgð á árásunum en það hefur enn ekki verið staðfest.
Talið er að teymi íranskra hernaðarsérfræðinga sem tengjast vopnaframleiðslu hafi haldið til í miðstöðinni.
Frá upphafi stríðs í október í fyrra hefur Ísrael aukið við árásir á vígasveitir Írana í Sýrlandi. Þá hefur Ísraelsher gert árásir á loftvarnir og vígasveitir sýrlenska hersins.
