„Sem samfélag erum við að vakna“ Aron Guðmundsson skrifar 15. september 2024 09:59 Helena Sverrisdóttir, körfuboltagoðsögn, stendur fyrir afar áhugaverðum og skemmtilegum viðburði í Minigarðinum í kvöld. Vísir/Arnar „Við finnum meðbyr," segir Helena Sverrisdóttir, ein allra besta körfuboltakona Íslands frá upphafi, sem ásamt Silju Úlfarsdóttur stendur fyrir áhorfspartýi í Minigarðinum í kvöld sem hefur vakið mikla athygli. Þar verður horft á leik Indiana Fever og Dallas Wings í WNBA deildinni í körfubolta en Caitlin Clark, stórstjarna deildarinnar, leikur með Indiana Fever. Þó svo að yfirlýst markmið viðburðarins sé að hafa gaman og skemmta sér saman vilja þær stöllur einnig með þessu vekja athygli á kvennaíþróttum og taka þátt í þeim meðbyr sem einkennir þær um þessar mundir. WNBA deildin hefur ekki farið varhluta af þeim vinsældum. Vinsældir deildarinnar hafa aukist gífurlega og dæmi um að áhorf hafi aukist um 170% og sömuleiðis hefur aðsókn á leiki deildarinnar aukist til muna og er það leikmönnum á borð við Caitlin Clark og Angel Reese ekki síst að þakka. „Þær tvær hafa kannski svolítið borið uppi þessa brjáluðu aukningu á áhorfi og vinsældum,“ segir Helena, sem stendur fyrir áhorfspartýinu í Minigarðinum í kvöld ásamt Silju, í samtali við íþróttadeild Stöðvar 2. „En þessi bylgja er svo sem ekki bara að eiga sér stað núna í sumar. Þetta hefur verið að gerast hægt og rólega en svona sérstaklega síðustu tvö til þrjú ár hefur maður fundið vel fyrir því að það er verið að setja pening í kvennaíþróttirnar. Fólk sér að með því að setja fjármuni í þetta, samhliða því að umfjöllun er aukin, þá allt í einu gerast bara frábærir hlutir.“ Frábært framtak hjá þeim Helenu og Silju. Hugmynd sem kviknaði eftir spjall þeirra í íþróttahlaðvarpi Silju sem ber nafnið Klefinn og hægt er að finna á öllum helstu hlaðvarpsveitum. Aukning á vinsældum kvennaíþrótta gætir víðs vegar um heim. Ekki bara í WNBA deildinni í Bandaríkjunum. Og vinsælda aukningin er ekki bara aukinni fjárfestingu að þakka. „Þetta helst allt í hendur og er ekki bara einhver einn hlutur sem þarf að gera. Sem samfélag erum við að vakna og átta okkur á því að konur geti líka spilað íþróttir og eigi skilið þessa fjárfestingu sem við höfum séð í karlaboltanum.“ Clark og Reese eru mættar til þess að láta til sín taka í WNBA deildinni. Áhrifum þeirra gætir bæði innan sem og utan vallarVísir/Getty Auk þess að horfa saman á leikinn í Minigarðinum mun Helena sjálf, sem státar af afar sigursælum félagsliða- og landsliðsferli í körfubolta, fara yfir lið Indiana Fever og Dallas Wings sem mætast í kvöld sem og rýna í leikinn ásamt landsliðskonunum Þóru Kristínu Jónsdóttur og Söru Rún Hinriksdóttur. Viðtökurnar við viðburðinum hafa farið fram úr öllum væntingum og ljóst að þétt setið verður í Minigarðinum í kvöld. „Maður finnur fyrir samstöðunni. Stelpur, konur, stelpupabbar. Allt þetta fólk hefur verið að leita að einhverjum svona viðburði og vonandi verður þetta bara fyrsti viðburðurinn af mörgum þar sem að við erum að stíga saman í þá átt að lyfta þessu á næsta stig.“ Áhugasamir geta bókað sér borð á viðburðinn í Minigarðinum í kvöld hér. Caitlin Clark áhrifin WNBA deildin í körfubolta er spiluð yfir sumartímann í Bandaríkjunum og klárast núna í október. Caitlin Clark og Angel Reese eru í Háskólaboltanum í fyrra sem varð gríðarlega vinsæll ekki síst vegna hæfileika þessara tveggja leikmanna og rígsins sem að myndaðist á milli þeirra innan vallar. „Það sem að gerist svo er að þær báðar eru valdar í nýliðavali WNBA deildarinnar sem byrjaði skömmu eftir að tímabilið í háskólaboltanum kláraðist. Þar með færði allt fólkið, sem hafði fylgt þeim í háskólaboltanum, sig yfir á WNBA deildina og fór að fylgja þeim þar. Þetta eru frábærir nýliðar sem koma inn af miklum krafti og eru að setja alls konar met. En það má samt sem áður ekki gleymast að fyrir er fullt af mjög góðum körfuboltakonum í þessari deild þó svo að Clark og Reese komið með þetta áhorf með sér. Caitlin Clark og Angel Reese háðu harða baráttu í háskólaboltanum í Bandaríkjunum áður en þær settu sitt mark heldur betur á WNBA deildina þar í landiVísir/Getty Caitlin Clark er stelpa sem kemur úr Iowa skólanum í Bandaríkjunum. Skóli sem er ekkert endilega sá stærsti körfuboltalega séð en hefur alltaf verið ágætur. Hún er að taka þrista frá miðju, kemur með skemmtilegar hreyfingar og hefur einhvern veginn þau áhrif að hrífa fólk með sér. Sama gildir um Angel Reese sem er þó allt öðruvísi leikmaður. Á meðan að Caitlin er að skjóta þristum og gefa stoðsendingar þá er Angel í fráköstunum og keyrir inn að körfunni og klárar skotin þar. WNBA deildin hefur verið til staðar í mörg ár en áhuginn núna er bara allt annar.“ Bandaríkin WNBA Körfubolti Mest lesið Snéru heim eins og rokkstjörnur og komust á súluna á Astró Fótbolti Köstuðu blysum en segja hina hafa hrækt og hellt bjór á leikmenn Handbolti Haaland yfirgaf völlinn á hækjum og í spelku Fótbolti Lýsa miklum áhuga Arsenal á manninum sem Man. Utd þráir Enski boltinn Hópslagsmál í NBA og sjö hent úr húsi Körfubolti Hafa engar áhyggjur af hugarfari Njarðvíkinga Körfubolti Búinn að skora gegn öllum en bíður enn eftir titli Fótbolti Dagskráin í dag: Úrslitakeppnin af stað Sport Vill hópfjármögnun fyrir Antony Fótbolti Tryggvi með rifu í vöðva og verður frá næstu vikur Körfubolti Fleiri fréttir Hópslagsmál í NBA og sjö hent úr húsi Hafa engar áhyggjur af hugarfari Njarðvíkinga Tryggvi með rifu í vöðva og verður frá næstu vikur Svefnlítill Emil sagði stopp en var stressaður fyrir kveðjustundinni Eini þjálfarinn sem hefur orðið deildarmeistari og dottið strax út „Flotti fíni Garðabær á móti Breiðholtinu“ „Trúi á fyrirgefningu og að fólk eigi að fá annað tækifæri“ Sjáðu fimm bestu tilþrifin og kjóstu Sabonis ekki með Litháen á EM Ráku sigursælasta þjálfarann rétt fyrir úrslitakeppnina Voru fimm stigum undir þegar 12,6 sekúndur voru eftir en unnu samt Þóra og Ægir best en engin verðlaun í Skagafjörð Þau bestu verðlaunuð á lokahófi KKÍ Miðasalan á EM er hafin Martin um EM dráttinn: „Yrðu algjör forréttindi að mæta þeim á vellinum“ „Verður gott að fá meiri frítíma en mun sakna strákanna“ Kjartan Atli: Undirbúningurinn fyrir úrslitakeppnina byrjar strax uppi á hóteli „Er ekki alveg eins gott að byrja á þeim?“ „Heimavöllurinn gefur þér ekki neina sigra“ Baldur: Ég reikna með að hinir leikirnir séu löngu búnir „Verð áfram nema Jóhanna reki mig“ „Málum alla staði sem við spilum á bláa og hvíta“ „Ætlum ekki að vera farþegar í úrslitakeppinni“ Uppgjörið: Þór - Keflavík 114-119 | Keflvíkingar tryggðu sér sæti í úrslitakeppninni Uppgjörið: Stjarnan - Njarðvík 103-110 | Tókst ekki að stela öðru sætinu Uppgjörið: Tindastóll - Valur 88-74 | Tindastóll er deildarmeistari Uppgjörið: Grindavík - KR 86-83 | Tímabilinu lokið hjá KR en Grindavík mætir Val Leik lokið: Haukar - ÍR 80-91 | ÍR-ingar tryggðu sér sjöunda sætið Uppgjörið: Höttur - Álftanes 99-95 | Höttur kvaddi úrvalsdeildina með sigri „Mikil spenna á öllum vígstöðvum“ Sjá meira
Þó svo að yfirlýst markmið viðburðarins sé að hafa gaman og skemmta sér saman vilja þær stöllur einnig með þessu vekja athygli á kvennaíþróttum og taka þátt í þeim meðbyr sem einkennir þær um þessar mundir. WNBA deildin hefur ekki farið varhluta af þeim vinsældum. Vinsældir deildarinnar hafa aukist gífurlega og dæmi um að áhorf hafi aukist um 170% og sömuleiðis hefur aðsókn á leiki deildarinnar aukist til muna og er það leikmönnum á borð við Caitlin Clark og Angel Reese ekki síst að þakka. „Þær tvær hafa kannski svolítið borið uppi þessa brjáluðu aukningu á áhorfi og vinsældum,“ segir Helena, sem stendur fyrir áhorfspartýinu í Minigarðinum í kvöld ásamt Silju, í samtali við íþróttadeild Stöðvar 2. „En þessi bylgja er svo sem ekki bara að eiga sér stað núna í sumar. Þetta hefur verið að gerast hægt og rólega en svona sérstaklega síðustu tvö til þrjú ár hefur maður fundið vel fyrir því að það er verið að setja pening í kvennaíþróttirnar. Fólk sér að með því að setja fjármuni í þetta, samhliða því að umfjöllun er aukin, þá allt í einu gerast bara frábærir hlutir.“ Frábært framtak hjá þeim Helenu og Silju. Hugmynd sem kviknaði eftir spjall þeirra í íþróttahlaðvarpi Silju sem ber nafnið Klefinn og hægt er að finna á öllum helstu hlaðvarpsveitum. Aukning á vinsældum kvennaíþrótta gætir víðs vegar um heim. Ekki bara í WNBA deildinni í Bandaríkjunum. Og vinsælda aukningin er ekki bara aukinni fjárfestingu að þakka. „Þetta helst allt í hendur og er ekki bara einhver einn hlutur sem þarf að gera. Sem samfélag erum við að vakna og átta okkur á því að konur geti líka spilað íþróttir og eigi skilið þessa fjárfestingu sem við höfum séð í karlaboltanum.“ Clark og Reese eru mættar til þess að láta til sín taka í WNBA deildinni. Áhrifum þeirra gætir bæði innan sem og utan vallarVísir/Getty Auk þess að horfa saman á leikinn í Minigarðinum mun Helena sjálf, sem státar af afar sigursælum félagsliða- og landsliðsferli í körfubolta, fara yfir lið Indiana Fever og Dallas Wings sem mætast í kvöld sem og rýna í leikinn ásamt landsliðskonunum Þóru Kristínu Jónsdóttur og Söru Rún Hinriksdóttur. Viðtökurnar við viðburðinum hafa farið fram úr öllum væntingum og ljóst að þétt setið verður í Minigarðinum í kvöld. „Maður finnur fyrir samstöðunni. Stelpur, konur, stelpupabbar. Allt þetta fólk hefur verið að leita að einhverjum svona viðburði og vonandi verður þetta bara fyrsti viðburðurinn af mörgum þar sem að við erum að stíga saman í þá átt að lyfta þessu á næsta stig.“ Áhugasamir geta bókað sér borð á viðburðinn í Minigarðinum í kvöld hér. Caitlin Clark áhrifin WNBA deildin í körfubolta er spiluð yfir sumartímann í Bandaríkjunum og klárast núna í október. Caitlin Clark og Angel Reese eru í Háskólaboltanum í fyrra sem varð gríðarlega vinsæll ekki síst vegna hæfileika þessara tveggja leikmanna og rígsins sem að myndaðist á milli þeirra innan vallar. „Það sem að gerist svo er að þær báðar eru valdar í nýliðavali WNBA deildarinnar sem byrjaði skömmu eftir að tímabilið í háskólaboltanum kláraðist. Þar með færði allt fólkið, sem hafði fylgt þeim í háskólaboltanum, sig yfir á WNBA deildina og fór að fylgja þeim þar. Þetta eru frábærir nýliðar sem koma inn af miklum krafti og eru að setja alls konar met. En það má samt sem áður ekki gleymast að fyrir er fullt af mjög góðum körfuboltakonum í þessari deild þó svo að Clark og Reese komið með þetta áhorf með sér. Caitlin Clark og Angel Reese háðu harða baráttu í háskólaboltanum í Bandaríkjunum áður en þær settu sitt mark heldur betur á WNBA deildina þar í landiVísir/Getty Caitlin Clark er stelpa sem kemur úr Iowa skólanum í Bandaríkjunum. Skóli sem er ekkert endilega sá stærsti körfuboltalega séð en hefur alltaf verið ágætur. Hún er að taka þrista frá miðju, kemur með skemmtilegar hreyfingar og hefur einhvern veginn þau áhrif að hrífa fólk með sér. Sama gildir um Angel Reese sem er þó allt öðruvísi leikmaður. Á meðan að Caitlin er að skjóta þristum og gefa stoðsendingar þá er Angel í fráköstunum og keyrir inn að körfunni og klárar skotin þar. WNBA deildin hefur verið til staðar í mörg ár en áhuginn núna er bara allt annar.“
Bandaríkin WNBA Körfubolti Mest lesið Snéru heim eins og rokkstjörnur og komust á súluna á Astró Fótbolti Köstuðu blysum en segja hina hafa hrækt og hellt bjór á leikmenn Handbolti Haaland yfirgaf völlinn á hækjum og í spelku Fótbolti Lýsa miklum áhuga Arsenal á manninum sem Man. Utd þráir Enski boltinn Hópslagsmál í NBA og sjö hent úr húsi Körfubolti Hafa engar áhyggjur af hugarfari Njarðvíkinga Körfubolti Búinn að skora gegn öllum en bíður enn eftir titli Fótbolti Dagskráin í dag: Úrslitakeppnin af stað Sport Vill hópfjármögnun fyrir Antony Fótbolti Tryggvi með rifu í vöðva og verður frá næstu vikur Körfubolti Fleiri fréttir Hópslagsmál í NBA og sjö hent úr húsi Hafa engar áhyggjur af hugarfari Njarðvíkinga Tryggvi með rifu í vöðva og verður frá næstu vikur Svefnlítill Emil sagði stopp en var stressaður fyrir kveðjustundinni Eini þjálfarinn sem hefur orðið deildarmeistari og dottið strax út „Flotti fíni Garðabær á móti Breiðholtinu“ „Trúi á fyrirgefningu og að fólk eigi að fá annað tækifæri“ Sjáðu fimm bestu tilþrifin og kjóstu Sabonis ekki með Litháen á EM Ráku sigursælasta þjálfarann rétt fyrir úrslitakeppnina Voru fimm stigum undir þegar 12,6 sekúndur voru eftir en unnu samt Þóra og Ægir best en engin verðlaun í Skagafjörð Þau bestu verðlaunuð á lokahófi KKÍ Miðasalan á EM er hafin Martin um EM dráttinn: „Yrðu algjör forréttindi að mæta þeim á vellinum“ „Verður gott að fá meiri frítíma en mun sakna strákanna“ Kjartan Atli: Undirbúningurinn fyrir úrslitakeppnina byrjar strax uppi á hóteli „Er ekki alveg eins gott að byrja á þeim?“ „Heimavöllurinn gefur þér ekki neina sigra“ Baldur: Ég reikna með að hinir leikirnir séu löngu búnir „Verð áfram nema Jóhanna reki mig“ „Málum alla staði sem við spilum á bláa og hvíta“ „Ætlum ekki að vera farþegar í úrslitakeppinni“ Uppgjörið: Þór - Keflavík 114-119 | Keflvíkingar tryggðu sér sæti í úrslitakeppninni Uppgjörið: Stjarnan - Njarðvík 103-110 | Tókst ekki að stela öðru sætinu Uppgjörið: Tindastóll - Valur 88-74 | Tindastóll er deildarmeistari Uppgjörið: Grindavík - KR 86-83 | Tímabilinu lokið hjá KR en Grindavík mætir Val Leik lokið: Haukar - ÍR 80-91 | ÍR-ingar tryggðu sér sjöunda sætið Uppgjörið: Höttur - Álftanes 99-95 | Höttur kvaddi úrvalsdeildina með sigri „Mikil spenna á öllum vígstöðvum“ Sjá meira