Vilhjálmur Árnason formaður stjórnskipunar- og eftirlitsnefndar Alþingis segir að nokkrir þingmenn hafi komið að máli við hann um að mál Ásthildar Lóu Þórsdóttur fráfarandi mennta- og barnamálaráðherra verði tekið fyrir í nefndinni. Skoða verði aðkomu forsætisráðuneytisins og meintan trúnaðarbrest.
Við ræðum við íbúa á völlunum í Hafnarfirði, sem hefur síðustu mánuði barist gegn uppbyggingu Carbfix í Straumsvík. Hann segist hafa fellt tár þegar fregnir bárust af því í gær að hætt hafi verið við verkefnið.
Það er mikið um að vera í sportinu. Við heyrum af bikarúrslitum í körfuboltanum, bæði karla- og kvennamegin og farið verður yfir bardaga Gunnars Nelson í Lundúnum í kvöld. Við heyrum svo í okkar manni Aroni Guðmundssyni sem er staddur með karlalandsliðinu í fótbolta úti á Spáni.
Þetta og margt fleira í hádegisfréttum á Bylgjunni klukkan tólf.
