Thelma Björg Björnsdóttir heldur áfram að gera það gott á Evrópumeistaramóti fatlaðra í sundi sem fer fram í Eindhoven þessa dagana.
Í dag hafnaði Thelma í 6. sæti í 200m fjórsundi og setti um leið tvö Íslandsmet. Hún kom í mark á 3:40,19 mínútum sem er nýtt Íslandsmet og hún setti einnig Íslandsmet með því að synda fyrstu ferðina í 50m flugsundi á 47,69 sekúndum.
Thelma verður áfram í sviðsljósinu á morgun þegar hún keppir í 100m skriðsundi. Kolbrún Alda Sveinsdóttir, Aníta Ósk Hrafnsdóttir og Jón Arnór Sverrisson keppa sömuleiðis á morgun í 200m skriðsundi.
