Eyþór Rúnarsson, matreiðslumeistari og þáttastjórnandi Eldhússins hans Eyþórs á Stöð 2 bjó til ómótstæðilega heilsteikta önd með sveppa og trönuberjafyllingu ásamt ljúffengri sósu og kartöflum í hátíðarbúning.
Heilsteikt önd með sveppa og trönuberjafyllingu
- 1 stk aliönd
Pækill
- 9 lítrar vatn
- 360 gr salt
- 30 stk piparkorn
- 30 stk kórianderfræ
- 6 stk kardimommur
- 6 stk lárviðarlauf
- 6 stk kanilstangir
- 6 stk anisstjörnur
Sjóðið allt saman og kælið. Setjið öndina út í og látið hana standa í pæklinum í 20 tíma.
Takið öndina úr pæklinum setjið hana á bakka með grind í botninn og látið hana standi í kælinum í 1 sólarhring.
Fylling
- 4 hvítar brauðsneiðar (skerið skorpuna utan af)
- 1 stk lítill skalottlaukur
- 1stk portóbellósveppur
- ½ meðalstór nípa
- 1 box sveppir
- 4 msk þurrkuð trönuber
- ½ hvítlauksgeiri - fínt rifinn
- 2 egg
- ½ peli rjómi
- 100 gr smjör
- 4 msk hlynsíróp
- 1 stk sítróna
Skrælið og skerið brauðið, skallotlauk, portóbellosveppinn, nípuna og sveppina niður í fallega bita og setjið í skál.
Bætið trönuberjunum, hvítlauknum, eggjunum og rjómanum út í og kryddið með saltinu og piparnum. Bræðið smjörið og hellið yfir blönduna.
Fyllið öndina og setjið hana í 150 gráðu heitan ofninn og eldið í ca 3 tíma. Ausið fitunni sem kemur af öndinni yfir á ca 30 mínútna fresti.
Þegar tveir og hálfur tími eru liðnir penslið þið öndina með maple sírópinu og svo eldið þið öndina í 30 min í viðbót og penslið hana tvisvar sinnum á þeim tíma.
Andasósa
- 1 stk andaháls
- 3 stk laukar skrældur og gróft skorinn
- 6 stk hvítlauksgeirar
- 1 stk lárviðarlauf
- 4 sellerístilkar gróft skornir
- ½ flaska rauðvín
- 50 ml balsamic edik
- 50 ml hlynsíróp
- 1 liter kjúklingasoð
- 500 ml vatn
- kjötið úr 1 appelsínu
- 150 gr smjör skorið í teninga
- safi úr 1 appelsínu
- ólífuolía til steikingar
- sjávarsalt
- svartur pipar úr kvörn
Hitið stóran pott með olíu í og setjið andahálsinn laukinn, hvítlaukinn og selleríið í hann og steikið þar til allt er orðið gullin brúnt.
Hellið því næst rauðvínsedikinu út í og látið það sjóða niður um helming. Bætið svo rauðvíninu og látið það sjóða niður um helming líka. Setjið svo maple sírópið, kjúklingasoðið, appelsínuna og vatnið út í og látið sjóða við vægan hita í 1 klst.
Sigtið soðið yfir í annan pott og látið það sjóða þar til það fer að þykkna. Bætið smjörinu smá saman út í og smakkið til með salti og appelsínusafanum.
Stökkar kartöflur með appelsínuberki og hvítlauk
- 600 gr kartöflusmælki
- 3 msk andafita
- 2 greinar timian
- 3 hvítlauksgeirar
- Sjávarsalt
- Svartur pipar úr kvörn
- Ratte kartöflur
Skerið kartöflurnar í 6-8 bita fer eftir stærð og setjið þær í skál. Hitið andafituna upp og hellið henni yfir kartöflurnar.
Skerið hvítlaukinn gróft niður, rífið laufin af timianinu og setjið bæði út í skálina. Blandið öllu saman og kryddið með saltinu og piparnum. Setjið inn í 150 gráðu heitan ofninn í 45 mín.
