Sætkartöflusæla með pistasíum og trönuberjum

Kartöflur eru eitt vinsælasta hráefnið á Íslandi og hægt að nota á marga vegu. Hérna er meistarakokkurinn Eyþór Rúnarsson búinn að búa til uppskrift af sætkartöfluköku sem svíkur engann.

Sæludeig

450 gr smjör (við stofu hita)

325 gr hveiti

325 gr haframjöl

235 gr hrásykur

2 tsk lyftiduft

1 tsk vanilludropar

Setjið allt saman í hærivél og vinnið saman í 2 mín

Karamellusósa 

½ líter rjómi

165 gr púðursykur

¾ tsk salt

1 msk vanilla

Setjið allt saman í pott og sjóðið í ca. 35-45 mín. eða þar til að sósan fer að þykkna.

 Fylling

1 stk bökuð sæt kartafla

1 lime (börkur)

1 tsk salt

Karamellusósa eftir smekk

50 gr pistasíur gróft skornar

50 gr þurrkuð trönuber

Takið ca. 600 gr af deiginu og setjið í botninn og upp á kanta í kökuforminu. Smyrjið vel af karamellusósu yfir botninn. Setjið sætu kartöfluna í skál með lime berkinum og saltinu og stappið allt saman þar til kartaflan er orðin að mús. Smyrjið músinni yfir karamelluna og dreifið svo trönuberjunum og pistasíunum yfir músina. Takið ca. 150 gr. af deiginu og myljið yfir kökuna og dreifið svo karamellusósu yfir allt. Setjið inn í 180 gráðu heitan ofninn í 35 mín. Látið kökuna kólna við stofuhita í ca. 45 mín og takið úr forminu.