„Það var mjög gott að það var ekki leikur í dag,“ sagði Hlynur Bæringsson, fyrirliði íslenska körfuboltalandsliðsins, en íslenska landsliðið átti hvíldardag í gær þar sem strákarnir söfnuðu orku fyrir lokaátökin í Berlín. Fram undan eru síðan þrír erfiðir leikir á þremur dögum.
„Það er mjög mikil orka sem fer í þetta og ég get ekkert neitað því. Það er gríðarlega erfitt enda margar mínútur og þungir karlar,“ segir Hlynur sem er að berjast við miklu hærri menn undir körfunum.
Hlynur hefur skorað sex af átta körfum sínum í mótinu fyrir utan þriggja stiga línuna og er önnur mesta langskytta riðilsins til þessa. „Takmarkið hjá mér á þessu móti var að geta verið aðeins fyrir utan á móti þessum sleggjum sem vilja það helst ekki,“ segir Hlynur en aðeins liðsfélagi hans, Haukur Helgi Pálsson, hefur skorað jafn marga þrista í riðlinum í Berlín. Þeir eru báðir með sex þrista og 55 prósent nýtingu.
Íslenska liðið fór í jóga á miðju gólfinu í Mercedens-Benz höllinni í gær. „Það er mjög þægilegt að ná því að kúpla sig frá umheiminum í smá stund. Það er mjög gott að hreinsa hugann. Þetta var mjög hugguleg stund,“ segir Hlynur.
„Ég held að Serbar séu mjög líklegir til að vinna þetta mót enda voru þeir í öðru sæti á HM í fyrra,“ segir Hlynur um mótherja dagsins. „Við verðum bara að vera stoltir og vera á fullu á móti þeim allan tímann. Það koma erfiðir tímar í þessum leik og það eru meiri líkur en minni að þeir nái einhverjum góðum spretti. Þá verðum við að vera sterkir því ef þeir finna lyktina af blóði þá keyra þeir yfir liðin,“ segir Hlynur.
Hreinsuðu hugann úti á miðju keppnisgólfi
Tengdar fréttir
Jón Arnór: Gleymdi því af því ég var svo fúll og leiðinlegur
Jón Arnór Stefánsson og liðsfélagar hans í íslenska körfuboltalandsliðinu stóðu sig frábærlega í gærkvöldi þrátt fyrir tapið á móti Ítölum.
Íslenska landsliðið slappaði algjörlega af á æfingu í dag | Fóru í jóga
Íslenska körfuboltalandsliðið fékk tækifæri til að slaka vel á þegar liðið var á æfingu í Mercedens Benz höllinni í Berlín.
Jón Arnór: Við pabbi förum bókað til Frakklands á næsta ári
Besti körfuboltamaður þjóðarinnar segist vera að rifna úr stolti eftir árangur fótboltalandsliðsins í gær.
Logi: Vöðum bara óhræddir í Serbana
Logi Gunnarsson og félagar í íslenska körfuboltalandsliðinu hafa staðið sig vel í tveimur fyrstu leikjum sínum á Evrópumótinu í körfubolta.
Haukur Helgi: Sárabót eftir tapið að fótboltaliðið vann
Haukur Helgi Pálsson segir ekki séns að Ísland tapi aftur með 50 stigum gegn Serbíu.
Vítanýtingin svíður | Ísland með eina lélegustu vítanýtinguna á EM
Íslenska körfuboltalandsliðið hefur staðið sig frábærlega í fyrstu tveimur leikjum sínum á Evrópumótinu í körfubolta í Berlín en það er helst á einum stað þar sem hægt er að gagnrýna íslensku strákana.
Hundrað þristar hjá Jóni Arnóri
Jón Arnór Stefánsson varð í gær þriðji leikmaður landsliðsins til að setja hundrað þriggja stiga körfur í búningi íslenska landsliðsins.
Helgi Már: Við ætlum að vinna leiki hérna
Íslenska körfuboltalandsliðið hefur tapað tveimur fyrstu leikjum sínum á Evrópumótinu í körfubolta en í bæði skiptin voru þetta naum töp á móti stórþjóðunum Þýskalandi og Ítalíu.
Jón Arnór í 9. sæti í stigum og í 3. sæti í stoðsendingum
Jón Arnór Stefánsson er meðal efstu manna í stigum og stoðsendingum eftir tvær fyrstu umferðir riðlakeppninnar á Evrópumótinu í körfubolta.
Jakob: Aldrei verið í þessu hlutverki að koma inn á áður
Stórskytta íslenska liðsins vanari því að vera byrjunarliðsmaður en koma inn með kraft af bekknum.
Áttum aftur möguleika að vinna gegn Ítalíu
Íslenska körfuboltalandsliðið hefur unnið hug og hjörtu margra með frammistöðu sinni í fyrstu tveimur leikjum sínum á Evrópumótinu í Berlín þrátt fyrir tvö naum töp. Liðið stóð vel í hárinu á Þýskalandi og Ítalíu í fyrstu tveimur leikjum liðsins.
Bara tveir leikmenn á EM með fleiri þrista en Hlynur og Haukur
Ísland á tvo leikmenn meðal efstu manna í skoruðum þriggja stiga körfum eftir tvær fyrstu umferðirnar í riðlakeppni Evrópumótsins í körfubolta.
Kallaður prófessorinn og á leið í NBA en fyrst er það Ísland á morgun
Nemanja Bjelica er orðinn stærsta stjarna serbneska landsliðsins í körfubolta en þessi frábæri leikmaður hefur farið á kostum í fyrstu leikjum liðsins á Evrópumótinu í Berlín.
Fór í ísbað eftir leikinn
Jón Arnór Stefánsson er í risastóru hlutverki hjá íslenska landsliðinu á Evrópumótinu og það er mikið álag á besta leikmanni liðsins.
