Sundkonan Hrafnhildur Lúthersdóttir komast áfram í undanúrslitin í 50 metra bringusundi á Evrópumeistaramótinu í sundi í 50 metra laug en Hrafnhildur náði öðrum besta tímanum í undanrásunum í morgun.
Sjá einnig:Hrafnhildur vann aftur til verðlauna á EM
Hrafnhildur hefur byrjað mótið af miklum krafti en hún fylgdi eftir silfurmedalíunni á miðvikudaginn í 100 metra bringusundi með bronsverðlaunum í gær í 200 metra bringusundi.
Hrafnhildur náði öðrum besta tíma undanrásanna af fjörutíu keppendum þegar hún kom í mark á 30,94 sekúndum.
Var Hrafnhildur aðeins fjórum sekúndubrotum frá Íslandsmeti hennar í greininni, 30,94 sekúndu.
Undanúrslitasundið fer fram seinna í dag en úrslitasundið fer fram á morgun en þar gæti Hrafnhildur krækt í þriðju verðlaun sín á mótinu.
