Halda hátíð þjóðlegra lista Gunnþóra Gunnarsdóttir skrifar 15. júní 2016 10:30 Guðrún fyrir utan Deigluna í Listagilinu þar sem tónleikar verða haldnir síðdegis og á kvöldin. Vísir/Auðunn Vaka er hátíð þjóðlegra lista, hingað koma erlendir listamenn til að miðla okkur af sínum arfi og hvetja okkur til dáða, jafnvel fólk með meistaragráður í þjóðlagatónlist sinna landa,“ segir Guðrún Ingimundardóttir, listrænn stjórnandi Vöku, fjögurra daga hátíðar sem byrjar í dag á Akureyri. Hún tekur fram að Chris Foster tónlistarmaður sé með henni í undirbúningnum. Átta tónleikar, níu námskeið í söng, hljóðfæraleik og dansi, þrjár samspilsstundir og málstofa verða á dagskrá Vöku og Guðrún segir gestum gefast tækifæri til að kynnast hefðbundinni tónlist frá Íslandi, Noregi, Samalandi, Bandaríkjunum og Bretlandi. Guðrún er Húsvíkingur en hefur verið búsett á Siglufirði frá 2009 er hún flutti til landsins frá Bandaríkjunum, nýbakaður doktor í tónlistarmannfræði. Hún er líka söngkona og kennir tónlist á Siglufirði, auk þess að vinna ýmis verkefni sem tengjast þjóðlögum, í samvinnu við hin Norðurlöndin, Þjóðlagasetrið á Siglufirði og þjóðlagahátíðina þar. Svo er hún formaður Landssamtaka kvæðamanna sem nefnast Stemmur og hefur kennt fólki að kveða í tónlistarskólanum á Siglufirði. „Ég hef verið með sjö nemendur og þeir eru ansi fínir kvæðamenn. Að kveða er öðruvísi raddbeiting og önnur túlkun en í söng, en ég kenni líka klassískan söng og popp.“Kveðskaparhefðin Vaka er að vissu leyti hátíð kvæðamanna, að sögn Guðrúnar. Á laugardeginum verður sviðssetning á Tristansrímum Sigurðar Breiðfjörð sem fluttar verða af kvæðamönnum Gefjunar, Iðunnar og Rímu. Að vísu styttar úr 1.000 erindum í 300. „Við höfum ekki tíma til að flytja bálkinn fjögur kvöld í röð eins og gert var í gamla daga en við viljum að fólk geti heyrt rímur fluttar með gömlu lögunum. Svo syngjum við líka tvísöngva, nokkuð sem hefur verið týnt og gleymt á Íslandi,“ segir Guðrún sem sjálf er að gefa út kver með nótum að sextán tvísöngvum og disk með. Guðrún stofnaði fyrirtækið Þjóðlist árið 2011 og segir tilgang þess að vernda þjóðlagatónlist Íslendinga og dansa. „Músíkin okkar er svolítið öðruvísi en annarra þjóða og það er nauðsynlegt að við berum virðingu fyrir henni,“ segir hún. „Við vorum nýlenduþjóð og okkar nýlenduherrar töluðu niður til íslenskra hefða, Okkar dans þótti ekki flottur og kveðskapartónlistin var kveðin niður. Það sést glöggt þegar skyggnst er í skýrslur sem prestar sendu til Danmerkur á sínum tíma. „Engin tónlist er stunduð í sveitinni en þar eru nokkrir kvæðamenn.“ „Engin hljóðfæri í sveitinni en nokkur langspil.“ – eru meðal setninga þar. Það var ekki alþýðan sem skráði söguna heldur embættismenn sem sigtuðu út hvað Dönum þótti merkilegt og hvað ekki. En við þurfum ekki að skammast okkar fyrir okkar tónlist þó einhverjir hafi gert það fyrir 200 árum.“ Greinin birtist fyrst í Fréttablaðinu 15. júní 2016. Menning Mest lesið Einar og Milla eiga von á barni Lífið Setja markið á 29. sætið Lífið Lifðu af tvö flugslys sama daginn á Mosfellsheiði Lífið Lærði mikið af öllu hatrinu Lífið Tveggja barna miðaldra móðir sem er sjúk í strákinn Gagnrýni Þjóðin tjáir sig: Fáránlegt fyrirkomulag, stjörnutúlkar og skortur á menningarlæsi Lífið „Jákvæð líkamsímynd bjargaði lífi mínu“ Lífið Myndaveisla: Spennustigið óbærilegt þegar VÆB unnu Söngvakeppnina Lífið Snúist ekkert um hvort börnin eigi íslenska eða erlenda foreldra Lífið „Trylltur þynnkuborgari“ slær í gegn á Íslandi og í Svíþjóð Lífið Fleiri fréttir Tvíburabræður með myndlistarsýningu „Hvenær er hægt að leita í óskilamun hjá ykkur?“ Uglumorð, auglýsingar og dauði internetsins Brynhildur hættir í Borgarleikhúsinu Mótsvar til að lifa af andlega og sökkva ekki í hyldýpið Líf og fjör meðal guða og manna Dægradvöl Benedikts meinfýsið rant biturs manns Kennir Instagram mökum að taka almennilegar myndir Úr drullumalli og nornaseiði í listnám í Bandaríkjunum Hryllingsleikrit um árið án sumars en þó ekki 2024 Margar milljónir í menninguna Halli með nýtt hlaðvarp: Getur loksins verið í augnhæð með fólki Skiluðu tillögum um uppbyggingu Jónasarstofu í Öxnadal Fullt út úr dyrum á sjóðheitri ljósmyndasýningu Ætla að halda Lífskviðuna þrátt fyrir andlát Ásgeirs í nótt Katrín dustar rykið af visku sinni Anna Rós hlaut Ljóðstaf Jóns úr Vör Létu sig ekki vanta á frumsýningu Ungfrú Íslands Bókamarkaðurinn færir sig um set Troðfullt hús og standandi lófaklapp „Persónan Elmar er alls ekki Helgi“ Skrumskæld mynd af Helga Skúla í Vigdísarþáttum Ætlar aldrei aftur til Tenerife: „Þetta er hræðilegur staður“ Metsölulisti bókaútgefenda sé „ómarktækur“ Þetta voru mest seldu bækur ársins 2024 Af hverju er þessi kona á öllum auglýsingaskiltum? Sjá meira
Vaka er hátíð þjóðlegra lista, hingað koma erlendir listamenn til að miðla okkur af sínum arfi og hvetja okkur til dáða, jafnvel fólk með meistaragráður í þjóðlagatónlist sinna landa,“ segir Guðrún Ingimundardóttir, listrænn stjórnandi Vöku, fjögurra daga hátíðar sem byrjar í dag á Akureyri. Hún tekur fram að Chris Foster tónlistarmaður sé með henni í undirbúningnum. Átta tónleikar, níu námskeið í söng, hljóðfæraleik og dansi, þrjár samspilsstundir og málstofa verða á dagskrá Vöku og Guðrún segir gestum gefast tækifæri til að kynnast hefðbundinni tónlist frá Íslandi, Noregi, Samalandi, Bandaríkjunum og Bretlandi. Guðrún er Húsvíkingur en hefur verið búsett á Siglufirði frá 2009 er hún flutti til landsins frá Bandaríkjunum, nýbakaður doktor í tónlistarmannfræði. Hún er líka söngkona og kennir tónlist á Siglufirði, auk þess að vinna ýmis verkefni sem tengjast þjóðlögum, í samvinnu við hin Norðurlöndin, Þjóðlagasetrið á Siglufirði og þjóðlagahátíðina þar. Svo er hún formaður Landssamtaka kvæðamanna sem nefnast Stemmur og hefur kennt fólki að kveða í tónlistarskólanum á Siglufirði. „Ég hef verið með sjö nemendur og þeir eru ansi fínir kvæðamenn. Að kveða er öðruvísi raddbeiting og önnur túlkun en í söng, en ég kenni líka klassískan söng og popp.“Kveðskaparhefðin Vaka er að vissu leyti hátíð kvæðamanna, að sögn Guðrúnar. Á laugardeginum verður sviðssetning á Tristansrímum Sigurðar Breiðfjörð sem fluttar verða af kvæðamönnum Gefjunar, Iðunnar og Rímu. Að vísu styttar úr 1.000 erindum í 300. „Við höfum ekki tíma til að flytja bálkinn fjögur kvöld í röð eins og gert var í gamla daga en við viljum að fólk geti heyrt rímur fluttar með gömlu lögunum. Svo syngjum við líka tvísöngva, nokkuð sem hefur verið týnt og gleymt á Íslandi,“ segir Guðrún sem sjálf er að gefa út kver með nótum að sextán tvísöngvum og disk með. Guðrún stofnaði fyrirtækið Þjóðlist árið 2011 og segir tilgang þess að vernda þjóðlagatónlist Íslendinga og dansa. „Músíkin okkar er svolítið öðruvísi en annarra þjóða og það er nauðsynlegt að við berum virðingu fyrir henni,“ segir hún. „Við vorum nýlenduþjóð og okkar nýlenduherrar töluðu niður til íslenskra hefða, Okkar dans þótti ekki flottur og kveðskapartónlistin var kveðin niður. Það sést glöggt þegar skyggnst er í skýrslur sem prestar sendu til Danmerkur á sínum tíma. „Engin tónlist er stunduð í sveitinni en þar eru nokkrir kvæðamenn.“ „Engin hljóðfæri í sveitinni en nokkur langspil.“ – eru meðal setninga þar. Það var ekki alþýðan sem skráði söguna heldur embættismenn sem sigtuðu út hvað Dönum þótti merkilegt og hvað ekki. En við þurfum ekki að skammast okkar fyrir okkar tónlist þó einhverjir hafi gert það fyrir 200 árum.“ Greinin birtist fyrst í Fréttablaðinu 15. júní 2016.
Menning Mest lesið Einar og Milla eiga von á barni Lífið Setja markið á 29. sætið Lífið Lifðu af tvö flugslys sama daginn á Mosfellsheiði Lífið Lærði mikið af öllu hatrinu Lífið Tveggja barna miðaldra móðir sem er sjúk í strákinn Gagnrýni Þjóðin tjáir sig: Fáránlegt fyrirkomulag, stjörnutúlkar og skortur á menningarlæsi Lífið „Jákvæð líkamsímynd bjargaði lífi mínu“ Lífið Myndaveisla: Spennustigið óbærilegt þegar VÆB unnu Söngvakeppnina Lífið Snúist ekkert um hvort börnin eigi íslenska eða erlenda foreldra Lífið „Trylltur þynnkuborgari“ slær í gegn á Íslandi og í Svíþjóð Lífið Fleiri fréttir Tvíburabræður með myndlistarsýningu „Hvenær er hægt að leita í óskilamun hjá ykkur?“ Uglumorð, auglýsingar og dauði internetsins Brynhildur hættir í Borgarleikhúsinu Mótsvar til að lifa af andlega og sökkva ekki í hyldýpið Líf og fjör meðal guða og manna Dægradvöl Benedikts meinfýsið rant biturs manns Kennir Instagram mökum að taka almennilegar myndir Úr drullumalli og nornaseiði í listnám í Bandaríkjunum Hryllingsleikrit um árið án sumars en þó ekki 2024 Margar milljónir í menninguna Halli með nýtt hlaðvarp: Getur loksins verið í augnhæð með fólki Skiluðu tillögum um uppbyggingu Jónasarstofu í Öxnadal Fullt út úr dyrum á sjóðheitri ljósmyndasýningu Ætla að halda Lífskviðuna þrátt fyrir andlát Ásgeirs í nótt Katrín dustar rykið af visku sinni Anna Rós hlaut Ljóðstaf Jóns úr Vör Létu sig ekki vanta á frumsýningu Ungfrú Íslands Bókamarkaðurinn færir sig um set Troðfullt hús og standandi lófaklapp „Persónan Elmar er alls ekki Helgi“ Skrumskæld mynd af Helga Skúla í Vigdísarþáttum Ætlar aldrei aftur til Tenerife: „Þetta er hræðilegur staður“ Metsölulisti bókaútgefenda sé „ómarktækur“ Þetta voru mest seldu bækur ársins 2024 Af hverju er þessi kona á öllum auglýsingaskiltum? Sjá meira