Sala stjórnarmanns á bréfum í Icelandair Group á föstudag er harðlega gagnrýnd af Svanhildi Nönnu Vigfúsdóttur fjárfesti. Þetta kemur fram í aðsendri grein sem birtist í Markaðnum í dag.
Svanhildur segir í harðorðri grein að sala Katrínar Olgu Jóhannesdóttur á bréfum í félaginu skömmu áður en uppgjörstímabili lauk sé til marks um að hún láti eigin hagsmuni ganga fyrir hagsmunum fyrirtækisins.
Greinina má lesa hér: Ábyrgð stjórnarmanna
Svanhildur segir að salan sé til marks um að góðir stjórnarhættir séu ekki hafðir að leiðarljósi og Katrín Olga eigi að vita betur en svo að selja á síðasta degi uppgjörstímabils.
Fréttin birtist fyrst í Fréttablaðinu.
Gagnrýnir sölu á bréfum stjórnarmanns í Icelandair
Tengdar fréttir
Ábyrgð stjórnarmanna
Mér, sem hluthafa í Icelandair hf. og fjárfesti á íslenskum hlutabréfamarkaði, finnst ég geta gert þá kröfu að fólk sem tekur sæti í stjórnum skráðra íslenskra fyrirtækja og fer þar meðal annars fyrir öðrum hagsmunum en sínum eigin, viti betur en svo að selja, í félagi þar sem það situr í stjórn, á síðasta degi ársfjórðungsins, það eru ekki góðir stjórnarhættir.
Bréfin hríðféllu eftir sölu Olgu
Gengi hlutabréfa í Icelandair Group lækkaði um 4,89 prósent í kjölfar þess að Katrín Olga Jóhannesdóttir, athafnakona og stjórnarmaður Icelandair Group, seldi 400 þúsund hluti í félaginu.
Stjórnarmaður selur í Icelandair: Hlutabréfin taka dýfu
Gengi hlutabréfa í Icelandair Group hafa lækkað um 4,68 prósent í dag í 908 milljón króna viðskiptum.
Tuttugu milljarðar þurrkuðust út af markaðnum í dag
Miklar lækkanir voru á hlutabréfamarkaði í dag.
