Ítalskur ferðamaður á þrítugsaldri, sem fannst meðvitundarlaus á Nesjavallavegi eftir miðjan dag í gær, hefur verið úrskurðaður látinn á sjúkrahúsi í Reykjavík.
Þetta kemur fram í frétt á vef lögreglunnar.
„Maðurinn virðist hafa fallið af reiðhjóli sínu á leið sinni um Nesjavallaveg vestan Dyrafjalla og hlotið við það alvarlega höfuðáverka.
Lögregla óskar þess að þeir sem geta gefið upplýsingar um ferðir mannsins um Nesjavallaveg í gær hafi samband í síma 444 2000 eða í tölvupósti á netfanginu sudurland@logreglan.is
Ekki er unnt að gefa upplýsingar um nafn hans að svo stöddu,“ segir í tilkynningunni.
Ítalskur ferðamaður á reiðhjóli lést
Tengdar fréttir
Fannst alvarlega slasaður á Nesjavallavegi
Hjólreiðamaður er alvarlega slasaður og var fluttur á slysadeild eftir að hann fannst meðvitundarlaus á Nesjavallavegi um klukkan 14 í dag.
Tæknideild lögreglu útilokar að ekið hafi verið á hjólreiðamanninn sem fannst meðvitundarlaus
Hjólreiðamaðurinn er alvarlega slasaður.
