Lögregluyfirvöld í Bretlandi hafa staðfest að 18 ára maður hefur verið handtekinn í tengslum við sprengjuárás sem gerð var í Parsons Green neðanjarðarlestarstöðinni í Lundúnum í gær.
Maðurinn var handtekinn í Dover og er nú í haldi lögreglu.
Uppfært kl. 10:45
Maðurinn sem handtekinn var í tengslum við árásina hefur ekki verið nafngreindur enn. Hann var handtekinn af lögreglu í Kent-umdæmi. Maðurinn er í haldi á lögreglustöð í Dover en verður fluttur til Lundúna síðar í dag.
Viðbúnaðarstig var hækkað í kjölfar árásarinnar og hafa lögregluyfirvöld í Lundúnum tilkynnt að það verði ekki lækkað aftur þrátt fyrir handtökuna.
The Guardian greindi frá því í morgun að grunur leiki á að sprengjan sem notuð var í árásinni hafi innihaldið efni sem kallast TATP sem gengur einnig undir nafninu „Móðir Satans“. Um er að ræða sama efni og var notað í hryðjuverkaárásunum í borginni þann 7. júlí 2005 sem urðu 52 að bana.
18 ára maður handtekinn vegna árásarinnar í Lundúnum
Tengdar fréttir
Hundruð lögregluþjóna leita að árásarmanninum
Fregnir hafa borist að búið sé að bera kennsl á hann með upptökum úr öryggismyndavélum.
Sprenging í lestarkerfi London
Lögreglan telur að um hryðjuverk hafi verið að ræða, en enginn dó í árásinni.
