Jordan Pickford var hetja dagsins þegar Englendingar slógu Kólumbíu út í 16-liða úrslitum á HM í Rússlandi. Pickford varði vítaspyrnu frá Carlos Bacca í vítaspyrnukeppninni og hélt Englendingum í keppni.
Pickford undirbjó sig vel fyrir leikinn og mögulega vítaspyrnukeppni, en til þess að tryggja að honum myndi ganga vel fékk hann „svindlmiða“ á vatnsflösku fyrir vítaspyrnukeppnina.
Á flöskunni stóð hvar helstu spyrnumenn Kólumbíu settu boltann oftast þegar þeir tækju vítaspyrnur
Pickford sagði í viðtali eftir leikinn við Kólumbíu að aðeins Radamel Falcao hafi komið sér á óvart með spyrnu sinni.
Englendingar mæta Svíum í 8-liða úrslitunum á laugardag.
Pickford fékk svindlmiða á vatnsflösku
Tengdar fréttir
Englendingar unnu loks í vítaspyrnukeppni
Englendingar unnu vítaspyrnukeppni á HM í fyrsta skipti í sögunni og unnu leik í útsláttarkeppni í fyrsta skipti í tólf ár þegar þeir mættu Kólumbíu í 16-liða úrslitum á HM í Rússlandi.
Fyrsti enski markvörðurinn til að vinna vítakeppni í 22 ár: Bara Falcao kom mér á óvart
Jordan Pickford, markvörður Everton og enska landsliðsins, endaði í gær meira en tuttugu ára bið ensks landsliðsmarkvarðar eftir því að vinna vítakeppni á stórmóti.
Pickford: Vissum við myndum vinna þótt við færum í vítakeppni
England vann sína fyrstu vítaspyrnukeppni á HM í sögunni í kvöld. Jordan Pickford var hetja dagsins er hann varði frá Carlos Bacca í síðustu spyrnu Kólumbíu. Eric Dier skoraði svo úr síðustu spyrnu Englendinga og tryggði sigurinn.
Henderson: Pickford á inni hjá mér það sem eftir er
Jordan Henderson segir nafna sinn Jordan Pickford eiga inni hjá sér það sem eftir er fyrir að verja vítaspyrnu í vítaspyrnukeppni Englendinga og Kólumbíu. Henderson misnotaði sína spyrnu í keppninni.
