Lítur loksins vel út eftir tveggja vikna þrautagöngu Stefán Ó. Jónsson skrifar 10. júlí 2019 12:00 Aníta Katrín er á þriðja aldursári. Hún fór ásamt foreldrum sínum á Efstadal um miðjan júní þar sem hún borðaði ís og klappaði kálfum. Undanfarnar tvær vikur hefur hún legið þungt haldin á Landspítalnum vegna nýrnabilunar af völdum HUS. Áslaug Fjóla Magnúsdóttir Foreldrar Anítu Katrínar vona að hún komist heim til sín fyrir þriggja ára afmælisdaginn sinn í lok mánaðar. Aníta er eitt þeirra barna sem veiktist alvarlega eftir að hafa smitast af E. coli-bakteríu á Efstadal II í Bláskógabyggð. Hún hefur legið þungt haldin á Landspítalanum með nýrnabilun undanfarnar tvær vikur þar sem hún hefur sætt margvíslegum rannsóknum og inngripum. Botninum hefur þó verið náð, að sögn föður hennar, sem segir að staðan sé loksins farin að líta vel út eftir þrautagöngu síðustu vikna. Aníta Katrín heimsótti Bláskógabyggð ásamt foreldrum sínum, þeim Áslaugu Fjólu Magnúsdóttur og Ægi Þorleifssyni, um miðjan júnímánuð. Þau dvöldu alls tvær vikur í uppsveitum Árnessýslu í fellihýsi sínu og heilsaðist öllum vel meðan á ferðalaginu stóð. Fjölskyldan heimsótti Efstadal alls þrisvar sinnum í ferðinni, enda þar margt að sjá og gera. Þar fengu þau sér meðal annars ís og klöppuðu húsdýrum. Eins og Landlæknir greindi frá í morgun er það einmitt ísinn sem talinn er vera líklegasta smitleið E. coli bakteríunnar á Efstadal.Að sögn Ægis, föður Anítu, var það ekki fyrr en þau komu aftur heim til borgarinnar sem stúlkan tók að sýna einkenni þess að ekki væri allt í lagi. Þau hafi leitað á Læknavaktina þann 24. júní þar sem Aníta var í fyrstu greind með magakveisu auk þess sem foreldrarnir voru hvattir til að fara með stúlkuna á bráðamóttökuna ef ástand hennar versnaði.Á meðal þess sem boðið hefur verið upp á á Efstadal er að klappa kálfum en síðan E. coli-bakterían kom þar upp hefur það ekki verið í boði.Vísir/MHHGetur valdið óafturkræfum skaða Þau þurftu ekki að bíða lengi eftir að það gerðist. Strax um nóttina jukust magakramparnir sem urðu til þess að Aníta kastaði upp um morguninn. Foreldrarnir óku henni því á bráðamóttöku barna þar sem hún undirgekkst fyrstu rannsóknirnar. Þá hafi hún jafnframt fengið blóðugar hægðir sem sendar voru í ræktun, um leið og Aníta var sjálf send í einangrun. Ástand Anítu versnaði síðan hratt fyrstu helgina á spítalanum. Hún fékk heiftarlega magakrampa og tók að kasta upp galli. Hún varð náföl og reyndist hún vera kominn með háan hita. „Það var því tekin blóðprufa sem gaf til kynna að öll nýrnagildin voru komin upp um leið og blóðgildin hrundu,“ segir Ægir. Nýru Anítu höfðu hætt að starfa og hún því drifin á gjörgæslu. Það var þá sem þau fengu loks staðfestingu á því að veikindi hennar mætti rekja til eitrunar af völdum E. coli sýkingar. Umrædd sýking, sem kallast HUS, er alvarlegur fylgikvilli sem þó hrellir ekki alla þá sem smitast vegna E. coli. Helstu einkennin eru nýrnabilun og fækkun á blóðflögum, sem getur leitt til blæðinga. HUS getur valdið óafturkræfum skaða á nýrum og jafnvel dregið sjúklinginn til dauða.Mikill fjöldi ferðamanna heimsækir Efstadal, enda er þar margt að sjá og gera.Vísir/mhhHreinlæti ábótavant á Efstadal Ægir segir að nú virðist þó vera sem að erfiðasti hjallinn sé úr vegi. Þrátt fyrir að töluvert sé ennþá í land, til að mynda sé ekki komin endanlega niðurstaða um hvort nýrun muni aftur ná fullri virkni, verði ekki annað séð en að botninum sé náð. Þá sé aðeins hægt að spyrna sér upp. Hann segir fjölskylduna vera gríðarlega þakkláta starfsfólki Barnaspítalans sem hafi gert allt sem í þeirra valdi stóð til að bjarga Anítu. Auk þess séu þau auðmjúk fyrir alla umhyggjuna og hlýhuginn sem fjölskyldan hafi fengið á síðustu vikum. Á sama tíma setji þau spurningamerki við aðstöðuna í Efstadal. Fram til 4. júlí, þegar sóttvarnalæknir og Matvælastofnun gripu til ráðstafana á bænum, hafi fólk haft greiðan aðgang að nokkrum kálfum sem voru saman í lítilli stíu. Þar hafi þeir getað velt sér upp úr óhreinindum, með tilheyrandi smithættu, og börnum boðist að klappa þeim. Við þær aðstæður þurfi þó að huga betur að hreinlæti en gert var á þeim tíma sem þau voru á Efstadal. Til að mynda séu fá salerni á staðnum miðað við þann mikla ferðamannafjölda sem þangað kemur. Það sé því fagnaðarefni að hreinlætismálin hafi verið tekin í gegn á bænum eftir umfjöllun síðustu daga. Aníta mun fagna þriggja ára afmæli sínu í lok júlí og segir Ægir að þau voni að hægt verði að fagna því heima hjá sér. Blóðmagnið leyfi það þó ekki þessa stundina og því sé „smá verkefni eftir,“ og erfitt sé að áætla hvað bataferlið mun taka langan tíma. „Við vonum því að það verði engin bakslög,“ segir Ægir og bætir við. „Þetta lítur þó vel út eftir tveggja vikna þrautagöngu.“ Færslu Áslaugar, móður Anítu, um veikindin má sjá hér að neðan. Bláskógabyggð Dýr E.coli á Efstadal II Heilbrigðismál Tengdar fréttir Ís í Efstadal það eina sem börnin níu eiga sameiginlegt Sóttvarnalæknir og aðrir opinberir aðilar sem haft hafa til rannsóknar e.coli smit sem rekja má til ferðaþjónustubæjarins Efstadals II í Bláskógabyggð vilja árétta að ekki sé hægt að fullyrða að þau níu börn sem smituðust af e.coli á bænum hafi sýkst af umgengni við kálfa sem þar voru í stíu og hægt var að klappa. 10. júlí 2019 11:15 Uppspretta E. coli-hrinunnar á Efstadal II Landlæknir telur ljóst að níu af þeim 10 börnum sem veikst hafa með sýkingu af völdum E. coli bakteríu hafi gert það á ferðaþjónustubænum Efstadal II í Bláskógabyggð fyrir 10 dögum til þremur vikum síðan. 9. júlí 2019 13:20 Vill helst skríða undir sæng og fara að gráta Eigandi ferðaþjónustufyrirtækisins Efstadals tvö í Bláskógabyggð harmar e.coli-smit sem kom upp þar. 9. júlí 2019 18:30 Mest lesið Trump titlar sig konung Erlent Ætlar í stórfelldan niðurskurð hjá hernum Erlent Inga sagði hrútspungafýluna flæða úr Hádegismóum Innlent Traustið við frostmark Innlent Alvarlegt umferðarslys á Þingvallavegi Innlent Níu ofbeldismál innan íþróttahreyfingar til lögreglu í fyrra Innlent Allt tiltækt lið kallað út vegna elds í Hamborgarafabrikkunni Innlent Trump segir Rússa hafa öll spil á hendi Erlent Trump fetar í fótspor Breivik Erlent Markaðurinn hvorki „á valdi“ kaupenda né seljenda Innlent Fleiri fréttir Bein útsending: Tökum samtalið - Verndandi þættir í lífi barna og ungmenna Uppsagnarákvæði stendur í fólki Þurfi að leggja meira í skóla án aðgreiningar svo stefnan virki Segja loforð svikin í Skálafelli Mátti ekki kalla mann nauðgara með barnagirnd eftir allt saman Alvarlegt umferðarslys á Þingvallavegi Reynt til þrautar í Karphúsinu og Inga Sæland svarar fyrir sig í þinginu Inga sagði hrútspungafýluna flæða úr Hádegismóum Traustið við frostmark Markaðurinn hvorki „á valdi“ kaupenda né seljenda Níu ofbeldismál innan íþróttahreyfingar til lögreglu í fyrra Allt tiltækt lið kallað út vegna elds í Hamborgarafabrikkunni Fylkingar innan VR eftir afstöðu til Eflingar og Ragnars Þórs Ummæli Trumps lofi ekki góðu Fólk læri af reynslunni og geri kaupmála Jafnræðisreglan sé margbrotin í frumvarpi menntamálaráðherra Segja ekki um neitt „tilfinningaklám“ að ræða Fundi samninganefnda kennara frestað fram á morgun ASÍ fordæmir „siðlausa framgöngu“ í garð ræstingafólks Vill aukna fjölbreytni í lögregluna: „Okkar viðskiptavinir eru alls konar“ Leita til Íslands að nýjum stjóra eftir skrautlega uppsögn Afstaða Íslands skýr Krísufundur, veik von og óðir nammigrísir Slitlag lagt á síðasta kafla Grafningsvegar Friðjón sakar eiginmann Heiðu Bjargar um karlrembu Þrjú bítast um formannsstöðuna hjá Siðmennt Kristrún sækir neyðarfund Macron Rófustappan olli niðurgangi þorrablótsgesta Fleiri ótímabundin verkföll boðuð Fjórtán ára barn hafði mikla peninga af níðingi Sjá meira
Foreldrar Anítu Katrínar vona að hún komist heim til sín fyrir þriggja ára afmælisdaginn sinn í lok mánaðar. Aníta er eitt þeirra barna sem veiktist alvarlega eftir að hafa smitast af E. coli-bakteríu á Efstadal II í Bláskógabyggð. Hún hefur legið þungt haldin á Landspítalanum með nýrnabilun undanfarnar tvær vikur þar sem hún hefur sætt margvíslegum rannsóknum og inngripum. Botninum hefur þó verið náð, að sögn föður hennar, sem segir að staðan sé loksins farin að líta vel út eftir þrautagöngu síðustu vikna. Aníta Katrín heimsótti Bláskógabyggð ásamt foreldrum sínum, þeim Áslaugu Fjólu Magnúsdóttur og Ægi Þorleifssyni, um miðjan júnímánuð. Þau dvöldu alls tvær vikur í uppsveitum Árnessýslu í fellihýsi sínu og heilsaðist öllum vel meðan á ferðalaginu stóð. Fjölskyldan heimsótti Efstadal alls þrisvar sinnum í ferðinni, enda þar margt að sjá og gera. Þar fengu þau sér meðal annars ís og klöppuðu húsdýrum. Eins og Landlæknir greindi frá í morgun er það einmitt ísinn sem talinn er vera líklegasta smitleið E. coli bakteríunnar á Efstadal.Að sögn Ægis, föður Anítu, var það ekki fyrr en þau komu aftur heim til borgarinnar sem stúlkan tók að sýna einkenni þess að ekki væri allt í lagi. Þau hafi leitað á Læknavaktina þann 24. júní þar sem Aníta var í fyrstu greind með magakveisu auk þess sem foreldrarnir voru hvattir til að fara með stúlkuna á bráðamóttökuna ef ástand hennar versnaði.Á meðal þess sem boðið hefur verið upp á á Efstadal er að klappa kálfum en síðan E. coli-bakterían kom þar upp hefur það ekki verið í boði.Vísir/MHHGetur valdið óafturkræfum skaða Þau þurftu ekki að bíða lengi eftir að það gerðist. Strax um nóttina jukust magakramparnir sem urðu til þess að Aníta kastaði upp um morguninn. Foreldrarnir óku henni því á bráðamóttöku barna þar sem hún undirgekkst fyrstu rannsóknirnar. Þá hafi hún jafnframt fengið blóðugar hægðir sem sendar voru í ræktun, um leið og Aníta var sjálf send í einangrun. Ástand Anítu versnaði síðan hratt fyrstu helgina á spítalanum. Hún fékk heiftarlega magakrampa og tók að kasta upp galli. Hún varð náföl og reyndist hún vera kominn með háan hita. „Það var því tekin blóðprufa sem gaf til kynna að öll nýrnagildin voru komin upp um leið og blóðgildin hrundu,“ segir Ægir. Nýru Anítu höfðu hætt að starfa og hún því drifin á gjörgæslu. Það var þá sem þau fengu loks staðfestingu á því að veikindi hennar mætti rekja til eitrunar af völdum E. coli sýkingar. Umrædd sýking, sem kallast HUS, er alvarlegur fylgikvilli sem þó hrellir ekki alla þá sem smitast vegna E. coli. Helstu einkennin eru nýrnabilun og fækkun á blóðflögum, sem getur leitt til blæðinga. HUS getur valdið óafturkræfum skaða á nýrum og jafnvel dregið sjúklinginn til dauða.Mikill fjöldi ferðamanna heimsækir Efstadal, enda er þar margt að sjá og gera.Vísir/mhhHreinlæti ábótavant á Efstadal Ægir segir að nú virðist þó vera sem að erfiðasti hjallinn sé úr vegi. Þrátt fyrir að töluvert sé ennþá í land, til að mynda sé ekki komin endanlega niðurstaða um hvort nýrun muni aftur ná fullri virkni, verði ekki annað séð en að botninum sé náð. Þá sé aðeins hægt að spyrna sér upp. Hann segir fjölskylduna vera gríðarlega þakkláta starfsfólki Barnaspítalans sem hafi gert allt sem í þeirra valdi stóð til að bjarga Anítu. Auk þess séu þau auðmjúk fyrir alla umhyggjuna og hlýhuginn sem fjölskyldan hafi fengið á síðustu vikum. Á sama tíma setji þau spurningamerki við aðstöðuna í Efstadal. Fram til 4. júlí, þegar sóttvarnalæknir og Matvælastofnun gripu til ráðstafana á bænum, hafi fólk haft greiðan aðgang að nokkrum kálfum sem voru saman í lítilli stíu. Þar hafi þeir getað velt sér upp úr óhreinindum, með tilheyrandi smithættu, og börnum boðist að klappa þeim. Við þær aðstæður þurfi þó að huga betur að hreinlæti en gert var á þeim tíma sem þau voru á Efstadal. Til að mynda séu fá salerni á staðnum miðað við þann mikla ferðamannafjölda sem þangað kemur. Það sé því fagnaðarefni að hreinlætismálin hafi verið tekin í gegn á bænum eftir umfjöllun síðustu daga. Aníta mun fagna þriggja ára afmæli sínu í lok júlí og segir Ægir að þau voni að hægt verði að fagna því heima hjá sér. Blóðmagnið leyfi það þó ekki þessa stundina og því sé „smá verkefni eftir,“ og erfitt sé að áætla hvað bataferlið mun taka langan tíma. „Við vonum því að það verði engin bakslög,“ segir Ægir og bætir við. „Þetta lítur þó vel út eftir tveggja vikna þrautagöngu.“ Færslu Áslaugar, móður Anítu, um veikindin má sjá hér að neðan.
Bláskógabyggð Dýr E.coli á Efstadal II Heilbrigðismál Tengdar fréttir Ís í Efstadal það eina sem börnin níu eiga sameiginlegt Sóttvarnalæknir og aðrir opinberir aðilar sem haft hafa til rannsóknar e.coli smit sem rekja má til ferðaþjónustubæjarins Efstadals II í Bláskógabyggð vilja árétta að ekki sé hægt að fullyrða að þau níu börn sem smituðust af e.coli á bænum hafi sýkst af umgengni við kálfa sem þar voru í stíu og hægt var að klappa. 10. júlí 2019 11:15 Uppspretta E. coli-hrinunnar á Efstadal II Landlæknir telur ljóst að níu af þeim 10 börnum sem veikst hafa með sýkingu af völdum E. coli bakteríu hafi gert það á ferðaþjónustubænum Efstadal II í Bláskógabyggð fyrir 10 dögum til þremur vikum síðan. 9. júlí 2019 13:20 Vill helst skríða undir sæng og fara að gráta Eigandi ferðaþjónustufyrirtækisins Efstadals tvö í Bláskógabyggð harmar e.coli-smit sem kom upp þar. 9. júlí 2019 18:30 Mest lesið Trump titlar sig konung Erlent Ætlar í stórfelldan niðurskurð hjá hernum Erlent Inga sagði hrútspungafýluna flæða úr Hádegismóum Innlent Traustið við frostmark Innlent Alvarlegt umferðarslys á Þingvallavegi Innlent Níu ofbeldismál innan íþróttahreyfingar til lögreglu í fyrra Innlent Allt tiltækt lið kallað út vegna elds í Hamborgarafabrikkunni Innlent Trump segir Rússa hafa öll spil á hendi Erlent Trump fetar í fótspor Breivik Erlent Markaðurinn hvorki „á valdi“ kaupenda né seljenda Innlent Fleiri fréttir Bein útsending: Tökum samtalið - Verndandi þættir í lífi barna og ungmenna Uppsagnarákvæði stendur í fólki Þurfi að leggja meira í skóla án aðgreiningar svo stefnan virki Segja loforð svikin í Skálafelli Mátti ekki kalla mann nauðgara með barnagirnd eftir allt saman Alvarlegt umferðarslys á Þingvallavegi Reynt til þrautar í Karphúsinu og Inga Sæland svarar fyrir sig í þinginu Inga sagði hrútspungafýluna flæða úr Hádegismóum Traustið við frostmark Markaðurinn hvorki „á valdi“ kaupenda né seljenda Níu ofbeldismál innan íþróttahreyfingar til lögreglu í fyrra Allt tiltækt lið kallað út vegna elds í Hamborgarafabrikkunni Fylkingar innan VR eftir afstöðu til Eflingar og Ragnars Þórs Ummæli Trumps lofi ekki góðu Fólk læri af reynslunni og geri kaupmála Jafnræðisreglan sé margbrotin í frumvarpi menntamálaráðherra Segja ekki um neitt „tilfinningaklám“ að ræða Fundi samninganefnda kennara frestað fram á morgun ASÍ fordæmir „siðlausa framgöngu“ í garð ræstingafólks Vill aukna fjölbreytni í lögregluna: „Okkar viðskiptavinir eru alls konar“ Leita til Íslands að nýjum stjóra eftir skrautlega uppsögn Afstaða Íslands skýr Krísufundur, veik von og óðir nammigrísir Slitlag lagt á síðasta kafla Grafningsvegar Friðjón sakar eiginmann Heiðu Bjargar um karlrembu Þrjú bítast um formannsstöðuna hjá Siðmennt Kristrún sækir neyðarfund Macron Rófustappan olli niðurgangi þorrablótsgesta Fleiri ótímabundin verkföll boðuð Fjórtán ára barn hafði mikla peninga af níðingi Sjá meira
Ís í Efstadal það eina sem börnin níu eiga sameiginlegt Sóttvarnalæknir og aðrir opinberir aðilar sem haft hafa til rannsóknar e.coli smit sem rekja má til ferðaþjónustubæjarins Efstadals II í Bláskógabyggð vilja árétta að ekki sé hægt að fullyrða að þau níu börn sem smituðust af e.coli á bænum hafi sýkst af umgengni við kálfa sem þar voru í stíu og hægt var að klappa. 10. júlí 2019 11:15
Uppspretta E. coli-hrinunnar á Efstadal II Landlæknir telur ljóst að níu af þeim 10 börnum sem veikst hafa með sýkingu af völdum E. coli bakteríu hafi gert það á ferðaþjónustubænum Efstadal II í Bláskógabyggð fyrir 10 dögum til þremur vikum síðan. 9. júlí 2019 13:20
Vill helst skríða undir sæng og fara að gráta Eigandi ferðaþjónustufyrirtækisins Efstadals tvö í Bláskógabyggð harmar e.coli-smit sem kom upp þar. 9. júlí 2019 18:30