Evrópumótið í knattspyrnu hefst á föstudagskvöldið með leik Ítalíu og Tyrklands í Róm en framundan er spennandi keppni milli bestu landsliða álfunnar.
24 þjóðir komust á EM og er þeim skipt niður í sex riðla. Sextán lið komast síðan í útsláttarkeppnina. Stöð 2 Sport mun sýna alla leiki keppninnar beint og fjalla ítarlega um mótið.
Upphitun og uppgjör verða fyrir og eftir hvern leik og í lok dagsins verður kvöldþátturinn EM í dag þar sem Guðmundur Benediktsson og Helena Ólafsdóttir fá til sín góða gesti.
Nú er líka ljóst að sérfræðingahópurinn verður glæsilegur en tveir sérfræðingar mun greina hvern leik keppninnar bæði fyrir og eftir hvern leik.
Í hópnum eru bæði reyndir þjálfarar og reyndir leikmenn, núverandi og fyrrverandi, sem þekkja íþróttina út og inn.
Sérfræðingarnir á EM verða eftirtaldir
- Freyr Alexandersson
- Ólafur Kristjánsson
- Rúnar Páll Sigmundsson
- Mist Edvardsdóttir
- Margrét Lára Viðarsdóttir
- Ásgerður Stefanía Baldursdóttir
- Atli Viðar Björnsson
- Kjartan Henry Finnbogason
- Arnar Sveinn Geirsson
Kvöldþátturinn hjá Gumma Ben og Helenu er klukkan 21.00 á EM stöðinni og þar verða allir leikirnir sýndir.
Leiktímar eru klukkan 13.00, 16.00 og 19.00 að íslenskum tíma í fyrstu tveimur umferðum riðlakeppninnar en 16.00 og 19.00 eftir það. Það er þó bara einn leikur klukkan 19.00 á föstudaginn.
EM 2020 verður sýnt á Stöð 2 Sport EM 2020 sem er hluti af Sportpakkanum, Stóra pakkanum og Risapakkanum. EM 2020 verður einnig hægt að kaupa stakt á kr. 6.990 en fyrir viðskiptavini með aðra áskrift en ofangreindar frá Stöð 2 kostar áskriftin kr. 3.990.
