Milljarðar til SOS Barnaþorpa sem beina sjónum sínum að Ásbrú Kolbeinn Tumi Daðason skrifar 1. júlí 2021 10:43 Vinstra megin frá Heimstaden á Íslandi; Gauti Reynisson, framkvæmdastjóri, Margrét Guðjónsdóttir, forstöðumaður fjármála og mannauðsstjóri og Lóa Bára Magnúsdóttir, markaðsstjóri. Hægra megin frá SOS á Íslandi, f.v. Rakel Lind Hauksdóttir, fjármála- og fjáröflunarstjóri, Hans Steinar Bjarnason, upplýsingafulltrúi og Ragnar Schram, framkvæmdastjóri. Í dag hefst formlega samstarf SOS Barnaþorpanna og evrópska íbúðaleigufyrirtækisins Heimstaden sem ætlað er að tryggja örugg heimili og traustan grunn fyrir barnafjölskyldur um allan heim. Samstarfið gerir SOS meðal annars kleift að styrkja verkefni í þágu barna á Íslandi í fyrsta sinn. Ærslabelgur er á leið á Ásbrú í Reykjanesbæ auk þess sem stutt verður við sérkennslu á leikskóla á svæðinu. Í tilkynningu frá SOS Barnaþorpum kemur fram að samstarfið, sem gengur undir nafninu „A Home for a Home“, mun á fyrsta ári þess styrkja yfir 30 verkefni SOS Barnaþorpanna í 19 löndum, þar á meðal fjölskyldueflingu, umönnun barna og atvinnustuðning við ungmenni. Fyrir hvert heimili í íbúð Heimstaden, gefur fyrirtækið 100 evrur til SOS Barnaþorpanna árlega. Í dag á Heimstaden yfir 110.000 íbúðir víðsvegar um Evrópu, og eftir því sem fyrirtækið vex mun framlagið hækka. Heimstaden styrkir SOS Barnaþorpin á heimsvísu þannig um rúmlega 1,6 milljarða króna á fyrsta samstarfsárinu. Fyrir íslenska eignasafnið nemur styrkurinn 24 milljónum króna á ársgrundvelli. „Ekkert er mikilvægara en að geta veitt börnum örugga og hamingjusama æsku. Við höfum yfir 70 ára farsæla reynslu af því að efla fjölskyldur og vera til staðar fyrir börn sem hafa misst foreldraumsjón. Þetta samstarf með Heimstaden mun hafa veruleg áhrif á líf fjölmargra og jákvæð keðjuverkandi áhrif á komandi kynslóðir,“ segir Ragnar Schram, framkvæmdastjóri SOS Barnaþorpanna á Íslandi. Miklu meira en fjárframlag Markmið SOS Barnaþorpanna og Heimstaden er að setja ný viðmið fyrir samstarf fyrirtækja og góðgerðafélaga og að finna nýjar samstarfsleiðir. Þessu tengt má nefna verkefni í Gíneu-Bissá þar sem SOS Barnaþorpin eru að þróa næstu kynslóð barnaþorpa. „Með því að nýta sérþekkingu Heimstaden á fasteignaumsjón og sjálfbærni, stendur til að nýja barnaþorpið verði sjálfbær miðstöð og veiti hreina orku og stafrænt aðgengi, starfsþjálfun og neyðarhúsnæði fyrir börn og ungmenni í samfélaginu,“ segir í tilkynningunni. Patrik Hall. „Þetta samstarf er svo miklu meira en fjárframlag. Með „A Home for a Home“ tökum við samfélagsstefnu okkar upp á næsta stig og teygjum stefnu okkar um að skapa vinaleg heimili, til barna og fjölskyldna um allan heim. Við sjáum stórkostleg tækifæri í því að nýta sérþekkingu okkar og virkja starfsfólk okkar, samstarfsaðila og jafnvel íbúa í þessari spennandi vegferð,“ segir Patrick Hall, forstjóri Heimstaden. Áhrif heimsfaraldursins Í tilkynningu SOS segir að yfir 200 milljónir barna búi í dag við óstöðugar aðstæður og eru í hættu á að missa foreldraumsjón. Heimsfaraldurinn hafi komið niður á baráttunni gegn fátækt og hungri og m.a. leitt af sér fjölgun á þungunum meðal unglingsstúlkna, barnahjónaböndum og geðrænum vandamálum í mörgum heimshlutum. „Vegna Covid-19 faraldursins þurfa fleiri börn en nokkru sinni aðstoð. Verkefnið „A Home for a Home" hjálpar okkur að mæta brýnni þörf, stækka verkefnin okkar og að hefja ný,” bætir Ragnar við. Fyrsta íslenska verkefni SOS Barnaþorpanna Auk þess að styrkja fjölda alþjóðaverkefna, styrkir „A Home for a Home“ einnig verkefni í nærumhverfinu. Í nánu samstarfi við SOS Barnaþorpin í starfslöndum Heimstaden hafa verkefnahópar sett af stað verkefni til að styðja við börn og fjölskyldur á staðnum. „Ísland er eitt af nokkrum aðildarlöndum SOS Barnaþorpanna sem sinna eingöngu fjáröflun og þjónustu við styrktaraðila en hafa ekki starfrækt innanlandsverkefni. Þetta er því í fyrsta sinn sem SOS á Íslandi getur tekið þátt í verkefni sem varðar velferð barna hér á landi. Það þykir okkur afar ánægjulegt,“ segir Rakel Lind Hauksdóttir, fjármála- og fjáröflunarstjóri SOS Barnaþorpanna á Íslandi. Stuðningur við börn á Ásbrúarsvæðinu Í fyrstu verkefnum a Home for a Home hér á Íslandi er athyglinni beint að Ásbrúarsvæðinu á Reykjanesi, sem hefur fundið sterkt fyrir áhrifum heimsfaraldursins. Þar eru tvö verkefni sem hljóta forgang. Á Ásbrú er þörf fyrir fjölbreyttari afþreyingu fyrir börn og ungmenni í nærumhverfi sínu. „A Home for a Home“ verkefnið mun afhenda Reykjanesbæ ærslabelg að gjöf, sem er fyrsta skref í byggingu nýs leikvallar, miðsvæðis í hverfinu. „Markmiðið er að skapa vettvang sem styrkir félagslegt net barna og ungmenna og stuðlar að þroska og heilbrigði. Það hefur sterkt fyrirbyggjandi gildi að börn hafi afþreyingu í nærumhverfi sínu og vettvang til útivistar og að rækta vináttu,” segir Gauti Reynisson framkvæmdastjóri Heimstaden á Íslandi. Ragnar Schram og Gauti Reynisson. Að auki snýr annað verkefni að stuðningi við sérkennslu í leikskólanum Skógarási á Ásbrú. Verkefnið mun styrkja leikskólann um tækjabúnað til sérkennslunota og þannig efla úrræðin sem í boði eru. Snemmtæk íhlutun er gríðarlega mikilvæg til að efla færni barna með sérþarfir og með þessu fá kennarar búnað sem styður verulega við starf þeirra og getur haft jákvæð áhrif á þroska barnanna. „Við hlökkum til að halda áfram að vinna að verkefnum tengdum „A Home for a Home“ Þetta er aðeins byrjunin og við hlökkum til að sjá samstarfið vaxa eftir því sem eignasafn okkar stækkar,“ segir Gauti að lokum. Hjálparstarf Reykjanesbær Mest lesið „Faðir minn stakk rýtingi í bakið á mér“ Innlent Kona sem sagðist vera Madeleine McCann handtekin Erlent Sagði upp eftir tíðindi dagsins og segir fleiri uppsagnarbréf á leiðinni Innlent Festist í fjöru á höfuðborgarsvæðinu Innlent „Flokkur fólksins virðist hafa látið plata sig algjörlega“ Innlent Sellur Sjálfstæðis- og Framsóknarflokks hafi komið í veg fyrir að samningar næðust Innlent Segir Selenskí hugrakkan leiðtoga Erlent Fer fram á stjórnsýsluúttekt á aðdraganda lokunarinnar Innlent Fyrrverandi þingmenn fá ekki sendiherrastöður Innlent Vilja byggja 30 þúsund fermetra verslunarkjarna Innlent Fleiri fréttir Tíu ára stelpa frá Vík í úrslitum í Eurovision barna í Danmörku Samþykktu að breyta skráningu svo þiggja megi styrki Fer fram á stjórnsýsluúttekt á aðdraganda lokunarinnar Stjórnsýsluúttekt á lokun flugbrautarinnar og endurgreiðsla styrkja Skora á fulltrúa sveitarfélaganna að greina frá sinni afstöðu „Faðir minn stakk rýtingi í bakið á mér“ Festist í fjöru á höfuðborgarsvæðinu Vilja byggja 30 þúsund fermetra verslunarkjarna Sagði upp eftir tíðindi dagsins og segir fleiri uppsagnarbréf á leiðinni „Flokkur fólksins virðist hafa látið plata sig algjörlega“ Sellur Sjálfstæðis- og Framsóknarflokks hafi komið í veg fyrir að samningar næðust Kennarar gengu út og nýr borgarstjórnarmeirihluti Nýr borgarstjóri studdi tillögu sáttasemjara Fyrrverandi þingmenn fá ekki sendiherrastöður „Óhjákvæmilega mikil sorg og vanlíðan“ þegar svona mál komi upp Svona skipta oddvitarnir stólunum Voru búin að segja að þeim hugnaðist ekki tillaga Ástráðs Stefán útvarpsstjóri vandar Mogganum ekki kveðjurnar Henti byssunni upp á þak um hábjartan dag „Þetta eru mikil vonbrigði fyrir okkur“ Skilur vel reiðina sem blossi upp Útganga kennara kom formanninum í opna skjöldu Gátu ekki lent í þoku í Osló því flugmenn eru enn í þjálfun á Airbus Svona var blaðamannafundur nýs meirihluta í Reykjavík Óljóst með skólahald eftir helgi Trans fólk veigri sér við ferðalögum til Bandaríkjanna Nýr meirihluti muni ekki vaða í stærri deilumál Ósáttir kennarar yfirgefa skólana Jöklar jarðar rýrna mun hraðar en áður vegna aukinnar hlýnunar Niðurstöðu beðið í Karphúsinu Sjá meira
Í tilkynningu frá SOS Barnaþorpum kemur fram að samstarfið, sem gengur undir nafninu „A Home for a Home“, mun á fyrsta ári þess styrkja yfir 30 verkefni SOS Barnaþorpanna í 19 löndum, þar á meðal fjölskyldueflingu, umönnun barna og atvinnustuðning við ungmenni. Fyrir hvert heimili í íbúð Heimstaden, gefur fyrirtækið 100 evrur til SOS Barnaþorpanna árlega. Í dag á Heimstaden yfir 110.000 íbúðir víðsvegar um Evrópu, og eftir því sem fyrirtækið vex mun framlagið hækka. Heimstaden styrkir SOS Barnaþorpin á heimsvísu þannig um rúmlega 1,6 milljarða króna á fyrsta samstarfsárinu. Fyrir íslenska eignasafnið nemur styrkurinn 24 milljónum króna á ársgrundvelli. „Ekkert er mikilvægara en að geta veitt börnum örugga og hamingjusama æsku. Við höfum yfir 70 ára farsæla reynslu af því að efla fjölskyldur og vera til staðar fyrir börn sem hafa misst foreldraumsjón. Þetta samstarf með Heimstaden mun hafa veruleg áhrif á líf fjölmargra og jákvæð keðjuverkandi áhrif á komandi kynslóðir,“ segir Ragnar Schram, framkvæmdastjóri SOS Barnaþorpanna á Íslandi. Miklu meira en fjárframlag Markmið SOS Barnaþorpanna og Heimstaden er að setja ný viðmið fyrir samstarf fyrirtækja og góðgerðafélaga og að finna nýjar samstarfsleiðir. Þessu tengt má nefna verkefni í Gíneu-Bissá þar sem SOS Barnaþorpin eru að þróa næstu kynslóð barnaþorpa. „Með því að nýta sérþekkingu Heimstaden á fasteignaumsjón og sjálfbærni, stendur til að nýja barnaþorpið verði sjálfbær miðstöð og veiti hreina orku og stafrænt aðgengi, starfsþjálfun og neyðarhúsnæði fyrir börn og ungmenni í samfélaginu,“ segir í tilkynningunni. Patrik Hall. „Þetta samstarf er svo miklu meira en fjárframlag. Með „A Home for a Home“ tökum við samfélagsstefnu okkar upp á næsta stig og teygjum stefnu okkar um að skapa vinaleg heimili, til barna og fjölskyldna um allan heim. Við sjáum stórkostleg tækifæri í því að nýta sérþekkingu okkar og virkja starfsfólk okkar, samstarfsaðila og jafnvel íbúa í þessari spennandi vegferð,“ segir Patrick Hall, forstjóri Heimstaden. Áhrif heimsfaraldursins Í tilkynningu SOS segir að yfir 200 milljónir barna búi í dag við óstöðugar aðstæður og eru í hættu á að missa foreldraumsjón. Heimsfaraldurinn hafi komið niður á baráttunni gegn fátækt og hungri og m.a. leitt af sér fjölgun á þungunum meðal unglingsstúlkna, barnahjónaböndum og geðrænum vandamálum í mörgum heimshlutum. „Vegna Covid-19 faraldursins þurfa fleiri börn en nokkru sinni aðstoð. Verkefnið „A Home for a Home" hjálpar okkur að mæta brýnni þörf, stækka verkefnin okkar og að hefja ný,” bætir Ragnar við. Fyrsta íslenska verkefni SOS Barnaþorpanna Auk þess að styrkja fjölda alþjóðaverkefna, styrkir „A Home for a Home“ einnig verkefni í nærumhverfinu. Í nánu samstarfi við SOS Barnaþorpin í starfslöndum Heimstaden hafa verkefnahópar sett af stað verkefni til að styðja við börn og fjölskyldur á staðnum. „Ísland er eitt af nokkrum aðildarlöndum SOS Barnaþorpanna sem sinna eingöngu fjáröflun og þjónustu við styrktaraðila en hafa ekki starfrækt innanlandsverkefni. Þetta er því í fyrsta sinn sem SOS á Íslandi getur tekið þátt í verkefni sem varðar velferð barna hér á landi. Það þykir okkur afar ánægjulegt,“ segir Rakel Lind Hauksdóttir, fjármála- og fjáröflunarstjóri SOS Barnaþorpanna á Íslandi. Stuðningur við börn á Ásbrúarsvæðinu Í fyrstu verkefnum a Home for a Home hér á Íslandi er athyglinni beint að Ásbrúarsvæðinu á Reykjanesi, sem hefur fundið sterkt fyrir áhrifum heimsfaraldursins. Þar eru tvö verkefni sem hljóta forgang. Á Ásbrú er þörf fyrir fjölbreyttari afþreyingu fyrir börn og ungmenni í nærumhverfi sínu. „A Home for a Home“ verkefnið mun afhenda Reykjanesbæ ærslabelg að gjöf, sem er fyrsta skref í byggingu nýs leikvallar, miðsvæðis í hverfinu. „Markmiðið er að skapa vettvang sem styrkir félagslegt net barna og ungmenna og stuðlar að þroska og heilbrigði. Það hefur sterkt fyrirbyggjandi gildi að börn hafi afþreyingu í nærumhverfi sínu og vettvang til útivistar og að rækta vináttu,” segir Gauti Reynisson framkvæmdastjóri Heimstaden á Íslandi. Ragnar Schram og Gauti Reynisson. Að auki snýr annað verkefni að stuðningi við sérkennslu í leikskólanum Skógarási á Ásbrú. Verkefnið mun styrkja leikskólann um tækjabúnað til sérkennslunota og þannig efla úrræðin sem í boði eru. Snemmtæk íhlutun er gríðarlega mikilvæg til að efla færni barna með sérþarfir og með þessu fá kennarar búnað sem styður verulega við starf þeirra og getur haft jákvæð áhrif á þroska barnanna. „Við hlökkum til að halda áfram að vinna að verkefnum tengdum „A Home for a Home“ Þetta er aðeins byrjunin og við hlökkum til að sjá samstarfið vaxa eftir því sem eignasafn okkar stækkar,“ segir Gauti að lokum.
Hjálparstarf Reykjanesbær Mest lesið „Faðir minn stakk rýtingi í bakið á mér“ Innlent Kona sem sagðist vera Madeleine McCann handtekin Erlent Sagði upp eftir tíðindi dagsins og segir fleiri uppsagnarbréf á leiðinni Innlent Festist í fjöru á höfuðborgarsvæðinu Innlent „Flokkur fólksins virðist hafa látið plata sig algjörlega“ Innlent Sellur Sjálfstæðis- og Framsóknarflokks hafi komið í veg fyrir að samningar næðust Innlent Segir Selenskí hugrakkan leiðtoga Erlent Fer fram á stjórnsýsluúttekt á aðdraganda lokunarinnar Innlent Fyrrverandi þingmenn fá ekki sendiherrastöður Innlent Vilja byggja 30 þúsund fermetra verslunarkjarna Innlent Fleiri fréttir Tíu ára stelpa frá Vík í úrslitum í Eurovision barna í Danmörku Samþykktu að breyta skráningu svo þiggja megi styrki Fer fram á stjórnsýsluúttekt á aðdraganda lokunarinnar Stjórnsýsluúttekt á lokun flugbrautarinnar og endurgreiðsla styrkja Skora á fulltrúa sveitarfélaganna að greina frá sinni afstöðu „Faðir minn stakk rýtingi í bakið á mér“ Festist í fjöru á höfuðborgarsvæðinu Vilja byggja 30 þúsund fermetra verslunarkjarna Sagði upp eftir tíðindi dagsins og segir fleiri uppsagnarbréf á leiðinni „Flokkur fólksins virðist hafa látið plata sig algjörlega“ Sellur Sjálfstæðis- og Framsóknarflokks hafi komið í veg fyrir að samningar næðust Kennarar gengu út og nýr borgarstjórnarmeirihluti Nýr borgarstjóri studdi tillögu sáttasemjara Fyrrverandi þingmenn fá ekki sendiherrastöður „Óhjákvæmilega mikil sorg og vanlíðan“ þegar svona mál komi upp Svona skipta oddvitarnir stólunum Voru búin að segja að þeim hugnaðist ekki tillaga Ástráðs Stefán útvarpsstjóri vandar Mogganum ekki kveðjurnar Henti byssunni upp á þak um hábjartan dag „Þetta eru mikil vonbrigði fyrir okkur“ Skilur vel reiðina sem blossi upp Útganga kennara kom formanninum í opna skjöldu Gátu ekki lent í þoku í Osló því flugmenn eru enn í þjálfun á Airbus Svona var blaðamannafundur nýs meirihluta í Reykjavík Óljóst með skólahald eftir helgi Trans fólk veigri sér við ferðalögum til Bandaríkjanna Nýr meirihluti muni ekki vaða í stærri deilumál Ósáttir kennarar yfirgefa skólana Jöklar jarðar rýrna mun hraðar en áður vegna aukinnar hlýnunar Niðurstöðu beðið í Karphúsinu Sjá meira