Ríkislögreglustjóri í samráði við lögregluembætti um land allt hefur aflýst óvissu- og hættustigum almannavarna vegna veðurs sem fór yfir umdæmin í gær og í morgun.
Veðrið var verst á Norðurlandi eystra, Austfjörðum og Suðausturlandi þar sem rauðar viðvaranir voru við gildi. Hættustigi var lýst yfir á öllum þremur stöðum.
Klukkan tíu í morgun var síðustu veðurviðvöruninni aflétt en appelsínugul viðvörun var á Austfjörðum þar til þá. Öðrum viðvörunum hafði verið aflétt í gærkvöldi, í nótt eða í morgun.
Aftakaveður er á Norður- og Austurlandi og búast má við vondu veðri á öllu landinu í dag. Gríðarmikilli úrkomu er spáð og talin aukin hætta á snjóflóðum- og skriðuföllum vegna hennar á Norðausturlandi og Austurlandi að Glettingi.
Lögreglan á Austurlandi og björgunarsveitir fóru í útkall á Djúpavogi í gær þar sem stefndi í skemmdir á íbúðarhúsnæði sökum foks. Málið var afgreitt hratt og vel og náðist að koma í veg fyrir tjón.
Ríkislögreglustjóri hefur, í samráði við lögreglustjóra Norðurlands vestra og Austurlands lýst yfir hættustigi vegna veðurspár á morgun, sunnudaginn 9. október.
