„Ætlum við að vera fiskur dagsins?“ Tryggvi Páll Tryggvason skrifar 25. október 2022 11:55 Þorsteinn Már Baldvinsson, forstjóri Samherja. Vísir/Vilhelm Þorsteinn Már Baldvinsson, forstjóri Samherja, segir að eldisafurðir séu að taka yfir neytendamarkað á fiski. Skilaboðin frá erlendum verslunarkeðjum séu að fyrirsjáanleiki og tryggt aðgengi skipti öllu máli. Varaði hann við því að ef íslenskur sjávarútvegur gæti ekki tryggt vörur 365 daga ársins yrði þorskurinn að fiski dagsins í erlendum verslunarkeðjum. Þorsteinn Már hélt erindi á fundi í morgun tengslum við Sjávarútvegsdaginn, sem haldinn er í dag í samstarfi Deloitte, Samtaka fyrirtækja í sjávarútvegi og Samtaka atvinnulífsins. Þrír þorskar á móti einum laxi Á fundinum fór Þorsteinn Már yfir þróun viðskipta með fisk á undanförnum árum. Kom fram í máli hans að fiskur sem á uppruna í eldi væri að fá æ meira hillupláss og væri einnig að verða æ verðmætari. „Það sem hefur verið að gerast að við sjáum að eldisafurðir eru að hluta til að taka yfir stóran hluta af þessum neytendamarkaði. Það er að segja að það eru eldisafurðirnar sem að hafa meira og meira pláss í hillunum,“ sagði Þorsteinn Már. Horfa má á erindi Þorsteins Más hér að neðan. Það hefst þegar um 55 mínútur eru liðnar af myndbandinu. Rakti hann þetta meðal annars til þess að verslanakeðjur og neytendur verðmeti fyrirsjáanleika æ hærra, það að geta gengið að ákveðnum vörum sem vísum. Þar hefðu eldisafurðirnar forskotið hvað varðar villta fiskinn. „Í vetur var þetta þannig að við þurftum þrjá þorska á móti einum laxi. Þetta finnst mér vera stóra spurningin: Af hverju er þetta orðið svona? Það er ljóst að þarna er verið að kaupa og menn borga fyrir þennan stöðugleika. Það er að segja að laxinn er þarna 365 daga á ári. Hann er alltaf þarna. Menn vilja að það sé pláss alltaf hillunni, neytandinn geti gengið að sömu hillunni og náð sér í vöru. Það er það sem menn hafa í raun fram yfir villtan fisk.“ Segir Tesco hafa breytt leiknum á einni nóttu Þorsteinn Már rakti einnig breytingar sem hafi orðið á Bretlandi. Þar hafi verslunarkeðjan Tesco breytt markaðnum á einni nóttu með því að færa sig frekar í uppþýddan unnin fisk, það sem hefur verið kallað re-fresh vörur. Þorsteinn Már Baldvinsson og Heiðrún Lind Marteinsdóttir, framkvæmdastjóri Samtaka fyrirtækja í sjávarútvegi, á fundinum í dag.Vísir/Vilhelm „Þarna er enn og aftur dæmi um að menn eru tilbúnir til að borga mjög hátt verð fyrir heilfrystan fisk frá Rússlandi og Noregi, óuninn frystan út á sjó. Svo er hann unnin nálægt markaðnum. Menn hafa þennnan stöðugleika. Menn nenna ekki að eltast við: Kemur fiskurinn eða kemur fiskurinn ekki?“ Áhersla á ferskan fisk komi samkeppnisaðilum vel Vísaði Þorsteinn Már einnig í umræðu um að breyta úthlutun veiðiheimilda til að færa þau í auknum mæli til smærri báta yfir sumarið. Virtist Þorsteinn Már vara við því og sýndi á glæru máli sínu til stuðnings þar sem fram kom að á strandveiðitímabilum hér á landi ykist útflutningur á ferskum þorski. Þorsteinn Már Baldvinsson, forstjóri Samherja, á fundinum í dag.Vísir/Vilhelm Þetta kæmi að mati Þorsteins Más samkeppnisaðilum íslensks sjávarútvegs vel þar sem hver sem er gæti keypt þennan ferska fisk og flutt í erlendar vinnslur, nálægt heimamörkuðum, til að vinna vörur sem erlendu verslunarkeðjurnar væru að sækjast eftir. „Ef að við ætlum að fara að hreyfa þetta mikið verður fiskvinnsla á Íslandi 365 dagar eða verður hún ekki 365 dagar. Ætlum við að vera fiskur dagsins? Þegar þorskurinn er til þá verður hann fiskur dagsins.“ Iðnaður og fyrirsjáanleiki Sagði hann Samherja stefna að, til dæmis með nýju frystihúsi á Dalvík, því að sinna þeim markaði sem verslunarkeðjurnar sækja í. Þannig mætti mæta þeim fyrirsjáanleika sem verslunarkeðjur og neytendur sækist í. Þetta er þorskur.Vísir/Vilhelm „Það sem við erum að reyna að stefna að er að þetta sé iðnaður. Það sé mætt klukkan átta á morguni mánudegi, það er farið klukkan fjögur á föstudag.“ Áður hafði Þorsteinn Már minnst á að stefnt væri í Noregi á að vinna þrjár milljónir tonna af eldislaxi. Varaði hann við því að hlutur íslensks sjávarútvegs af markaðinum gæti minnkað yrðu áætlanir Norðmanna að veruleika. „Við þurfum að hafa fyrir því að vera til. Við erum litlir. Ef að maður tekur árið 2030 og segir að veiðiheimildir í bolfiski séu svipaðar, laxinn í Noregi fer í þrjár milljónir, þá verður okkur hlutur í bolfiski og laxi svona 3-4 prósent. Okkar hlutur í dag í þessum verðmætum er eitthvað 7-7,5 prósent. Þess vegna segi ég, ef að þetta heldur svona áfram. Norðmennirnir vaxa, við erum kyrrstæð. Missum jafn vel það forskot sem við höfum. Þá held ég að við getum endað sem þrjú prósent.“ Sjávarútvegur Mest lesið Kínverskir ferðamenn aldrei fleiri: Beint flug hefjist von bráðar Viðskipti innlent Allt eða ekkert gellan sem er sjúk í Love is Blind Atvinnulíf Eldrauð Kauphöll: Bandaríkjamenn horfi fram á lakari lífskjör Viðskipti innlent Lítið sem ekkert fékkst upp í kröfur í þrotabú bakarísins Viðskipti innlent Guðmundur í Brimi nýr formaður Viðskipti innlent Leiðtogar ESB íhuga háa sekt á X og Musk Viðskipti erlent Sættast við Fjármálaeftirlitið og greiða fimmtán milljóna sekt Viðskipti innlent Verðfall á Wall Street Viðskipti erlent Kristjana til ÍSÍ Viðskipti innlent Nánast allir telja útgerðirnar geta greitt hærri veiðigjöld Viðskipti innlent Fleiri fréttir Kínverskir ferðamenn aldrei fleiri: Beint flug hefjist von bráðar Eldrauð Kauphöll: Bandaríkjamenn horfi fram á lakari lífskjör Sættast við Fjármálaeftirlitið og greiða fimmtán milljóna sekt Guðmundur í Brimi nýr formaður Einar Hrafn og Díana Dögg til Reon Kristjana til ÍSÍ Nánast allir telja útgerðirnar geta greitt hærri veiðigjöld Lítið sem ekkert fékkst upp í kröfur í þrotabú bakarísins Kaupmáttur jókst á milli ára Tollastríð geti haft áhrif á vaxtalækkunarferli og íslenska ferðaþjónustu Trump-tollarnir muni ekki kollsteypa útflutningsgreinum Íslands „Svartari sviðsmynd en flestir bjuggust við“ ÍL-sjóður sýknaður í níu dómsmálum Öll félög lækkuðu nema þrjú Ísland megi ekki verða á milli í stríði ESB og Bandaríkjanna Ætla að skera utan af evrópsku persónuverndarlöggjöfinni Framlengja samstarf sem hefur komið tugum sprota á laggirnar Sveinn ráðinn verkefnastjóri erlends samstarfs Arnarlaxi bannað að fullyrða um sjálfbæran lax Tekur yfir rekstur Dollar og Thrifty 36 manns sagt upp í tveimur hópuppsögnum Tollar alltaf slæmir og skaða lífskjör almennings Neita að skila umsögn um frumvarpið fyrir tilskilinn frest Varaformaður kjörinn formaður Félags tæknifólks „Þetta kemur eins vel við okkur og hægt er“ Bæði vonbrigði og léttir Sjötíu sagt upp og fyrirtækið tekið til gjaldþrotaskipta Jón Haukur ráðinn svæðisstjóri Ceedr Sólveig Ása nýr framkvæmdastjóri Krafts Björgólfur tapaði 150 milljörðum milli ára Sjá meira
Þorsteinn Már hélt erindi á fundi í morgun tengslum við Sjávarútvegsdaginn, sem haldinn er í dag í samstarfi Deloitte, Samtaka fyrirtækja í sjávarútvegi og Samtaka atvinnulífsins. Þrír þorskar á móti einum laxi Á fundinum fór Þorsteinn Már yfir þróun viðskipta með fisk á undanförnum árum. Kom fram í máli hans að fiskur sem á uppruna í eldi væri að fá æ meira hillupláss og væri einnig að verða æ verðmætari. „Það sem hefur verið að gerast að við sjáum að eldisafurðir eru að hluta til að taka yfir stóran hluta af þessum neytendamarkaði. Það er að segja að það eru eldisafurðirnar sem að hafa meira og meira pláss í hillunum,“ sagði Þorsteinn Már. Horfa má á erindi Þorsteins Más hér að neðan. Það hefst þegar um 55 mínútur eru liðnar af myndbandinu. Rakti hann þetta meðal annars til þess að verslanakeðjur og neytendur verðmeti fyrirsjáanleika æ hærra, það að geta gengið að ákveðnum vörum sem vísum. Þar hefðu eldisafurðirnar forskotið hvað varðar villta fiskinn. „Í vetur var þetta þannig að við þurftum þrjá þorska á móti einum laxi. Þetta finnst mér vera stóra spurningin: Af hverju er þetta orðið svona? Það er ljóst að þarna er verið að kaupa og menn borga fyrir þennan stöðugleika. Það er að segja að laxinn er þarna 365 daga á ári. Hann er alltaf þarna. Menn vilja að það sé pláss alltaf hillunni, neytandinn geti gengið að sömu hillunni og náð sér í vöru. Það er það sem menn hafa í raun fram yfir villtan fisk.“ Segir Tesco hafa breytt leiknum á einni nóttu Þorsteinn Már rakti einnig breytingar sem hafi orðið á Bretlandi. Þar hafi verslunarkeðjan Tesco breytt markaðnum á einni nóttu með því að færa sig frekar í uppþýddan unnin fisk, það sem hefur verið kallað re-fresh vörur. Þorsteinn Már Baldvinsson og Heiðrún Lind Marteinsdóttir, framkvæmdastjóri Samtaka fyrirtækja í sjávarútvegi, á fundinum í dag.Vísir/Vilhelm „Þarna er enn og aftur dæmi um að menn eru tilbúnir til að borga mjög hátt verð fyrir heilfrystan fisk frá Rússlandi og Noregi, óuninn frystan út á sjó. Svo er hann unnin nálægt markaðnum. Menn hafa þennnan stöðugleika. Menn nenna ekki að eltast við: Kemur fiskurinn eða kemur fiskurinn ekki?“ Áhersla á ferskan fisk komi samkeppnisaðilum vel Vísaði Þorsteinn Már einnig í umræðu um að breyta úthlutun veiðiheimilda til að færa þau í auknum mæli til smærri báta yfir sumarið. Virtist Þorsteinn Már vara við því og sýndi á glæru máli sínu til stuðnings þar sem fram kom að á strandveiðitímabilum hér á landi ykist útflutningur á ferskum þorski. Þorsteinn Már Baldvinsson, forstjóri Samherja, á fundinum í dag.Vísir/Vilhelm Þetta kæmi að mati Þorsteins Más samkeppnisaðilum íslensks sjávarútvegs vel þar sem hver sem er gæti keypt þennan ferska fisk og flutt í erlendar vinnslur, nálægt heimamörkuðum, til að vinna vörur sem erlendu verslunarkeðjurnar væru að sækjast eftir. „Ef að við ætlum að fara að hreyfa þetta mikið verður fiskvinnsla á Íslandi 365 dagar eða verður hún ekki 365 dagar. Ætlum við að vera fiskur dagsins? Þegar þorskurinn er til þá verður hann fiskur dagsins.“ Iðnaður og fyrirsjáanleiki Sagði hann Samherja stefna að, til dæmis með nýju frystihúsi á Dalvík, því að sinna þeim markaði sem verslunarkeðjurnar sækja í. Þannig mætti mæta þeim fyrirsjáanleika sem verslunarkeðjur og neytendur sækist í. Þetta er þorskur.Vísir/Vilhelm „Það sem við erum að reyna að stefna að er að þetta sé iðnaður. Það sé mætt klukkan átta á morguni mánudegi, það er farið klukkan fjögur á föstudag.“ Áður hafði Þorsteinn Már minnst á að stefnt væri í Noregi á að vinna þrjár milljónir tonna af eldislaxi. Varaði hann við því að hlutur íslensks sjávarútvegs af markaðinum gæti minnkað yrðu áætlanir Norðmanna að veruleika. „Við þurfum að hafa fyrir því að vera til. Við erum litlir. Ef að maður tekur árið 2030 og segir að veiðiheimildir í bolfiski séu svipaðar, laxinn í Noregi fer í þrjár milljónir, þá verður okkur hlutur í bolfiski og laxi svona 3-4 prósent. Okkar hlutur í dag í þessum verðmætum er eitthvað 7-7,5 prósent. Þess vegna segi ég, ef að þetta heldur svona áfram. Norðmennirnir vaxa, við erum kyrrstæð. Missum jafn vel það forskot sem við höfum. Þá held ég að við getum endað sem þrjú prósent.“
Sjávarútvegur Mest lesið Kínverskir ferðamenn aldrei fleiri: Beint flug hefjist von bráðar Viðskipti innlent Allt eða ekkert gellan sem er sjúk í Love is Blind Atvinnulíf Eldrauð Kauphöll: Bandaríkjamenn horfi fram á lakari lífskjör Viðskipti innlent Lítið sem ekkert fékkst upp í kröfur í þrotabú bakarísins Viðskipti innlent Guðmundur í Brimi nýr formaður Viðskipti innlent Leiðtogar ESB íhuga háa sekt á X og Musk Viðskipti erlent Sættast við Fjármálaeftirlitið og greiða fimmtán milljóna sekt Viðskipti innlent Verðfall á Wall Street Viðskipti erlent Kristjana til ÍSÍ Viðskipti innlent Nánast allir telja útgerðirnar geta greitt hærri veiðigjöld Viðskipti innlent Fleiri fréttir Kínverskir ferðamenn aldrei fleiri: Beint flug hefjist von bráðar Eldrauð Kauphöll: Bandaríkjamenn horfi fram á lakari lífskjör Sættast við Fjármálaeftirlitið og greiða fimmtán milljóna sekt Guðmundur í Brimi nýr formaður Einar Hrafn og Díana Dögg til Reon Kristjana til ÍSÍ Nánast allir telja útgerðirnar geta greitt hærri veiðigjöld Lítið sem ekkert fékkst upp í kröfur í þrotabú bakarísins Kaupmáttur jókst á milli ára Tollastríð geti haft áhrif á vaxtalækkunarferli og íslenska ferðaþjónustu Trump-tollarnir muni ekki kollsteypa útflutningsgreinum Íslands „Svartari sviðsmynd en flestir bjuggust við“ ÍL-sjóður sýknaður í níu dómsmálum Öll félög lækkuðu nema þrjú Ísland megi ekki verða á milli í stríði ESB og Bandaríkjanna Ætla að skera utan af evrópsku persónuverndarlöggjöfinni Framlengja samstarf sem hefur komið tugum sprota á laggirnar Sveinn ráðinn verkefnastjóri erlends samstarfs Arnarlaxi bannað að fullyrða um sjálfbæran lax Tekur yfir rekstur Dollar og Thrifty 36 manns sagt upp í tveimur hópuppsögnum Tollar alltaf slæmir og skaða lífskjör almennings Neita að skila umsögn um frumvarpið fyrir tilskilinn frest Varaformaður kjörinn formaður Félags tæknifólks „Þetta kemur eins vel við okkur og hægt er“ Bæði vonbrigði og léttir Sjötíu sagt upp og fyrirtækið tekið til gjaldþrotaskipta Jón Haukur ráðinn svæðisstjóri Ceedr Sólveig Ása nýr framkvæmdastjóri Krafts Björgólfur tapaði 150 milljörðum milli ára Sjá meira