Lokatölur í leiknum urðu 34-21, Spánverjum í vil. Fyrir leik var ljóst að verkefnið yrði erfitt fyrir Aron og lærisveina hans, enda Spánverjar líklegir til afreka á HM.
Spánverjar leiddu með fimm marka mun í hálfleik, staðan 18-13, og liðið jók forskot sitt svo umtalsvert í síðari hálfleik og vann að lokum öruggan 13 marka sigur, 34-21.
Undirbúningi liðanna fyrir heimsmeistaramótið er þó ekki lokið því Barein mætir Rúmeníu á morgun og Spánverjar mæta Argentínumönnum.
