Leita að „verkefnastjóra framtíðarinnar“ í miðju ráðningarbanni Máni Snær Þorláksson skrifar 8. febrúar 2023 07:01 Hildur Björnsdóttir gagnrýnir að borgin sé að ráða í störf sem ekki eru framlínustörf í miðju ráðningarbanni. Vísir/Vilhelm Reykjavíkurborg auglýsir eftir verkefnastjóra framtíðarinnar. Auglýsingin hefur verið sögð óljós og borgarfulltrúi minnihlutans gagnrýnir ráðningu sem þessa í miðju ráðningarbanni. Staðan er á vegum umhverfis- og skipulagssviðs Reykjavíkurborgar. Samkvæmt auglýsingu felur starfið í sér að taka þátt í mótun nýrrar verkefnastofu. „Á verkefnastofu er unnið eftir hugmyndafræði verkefnastjórnunar, verkefnum er fylgt eftir frá upphafi til enda þvert á verkþætti og ábyrgðarsvið fagskrifstofa,“ segir um verkefnastofu í auglýsingunni. Helstu verkefni og ábyrgð verkefnastjóra framtíðarinnar eru eftirfarandi: - Stýra verkefnum og verkefnastofum sem ganga þvert á umhverfis- og skipulagssvið Reykjavíkurborgar - Leiða teymisvinnu verkefna og stjórnun á aðkeyptri vinnu ráðgjafa - Ber ábyrgð á framkvæmd áætlana og greininga sem gerðar eru í tengslum við verkefnin - Þátttaka í starfshópum og vinnustofum sem fulltrúi verkefnastofu - Utanumhald um verkefnisstjórnunarhugbúnað sviðsins - Þróa og innleiða aðgerðafræði, verkferli og vinnutæki verkefnastjórnunar - Veita öðru starfsfólki sviðsins ráðgjöf og þjálfun varðandi verkefnastjórnun Starfsauglýsingin vakti nokkra athygli á samfélagsmiðlum. Upp hafa komið vangaveltur um það hvað starfið felur nákvæmlega í sér, auglýsingin sé ekki nógu skýr. Næsti yfirmaður verkefnastjóra framtíðarinnar er Eva Kristinsdóttir, skrifstofustjóri verkefnastofu. Fréttastofa hafði samband við Evu til að fá nánari útskýringu á því hvað starfið felur í sér: „Þetta felur í sér að við erum hérna á Reykjavíkurborg með risavaxin verkefni um alla borg og til margra ára oft á tíðum. Við erum að fara að nýta faglega verkefnastjórnun, sem er faggrein, og vinna samkvæmt þeirri hugmyndafræði – fylgja verkefnunum eftir frá upphafi til enda,“ segir Eva. „Eins og staðan er núna þá eru margar skrifstofur, þannig við erum að fara að vinna eftir þessari hugmyndafræði þar sem að verkefnið fer í gegnum mismunandi ferli verkefnisins á líftímanum.“ Ung fræði Verkefnin sem um ræðir séu til dæmis skipulagsverkefni og framkvæmdaverkefni, Borgarlínan, Sæbrautarstokkur og uppbygging nýrra hverfa. Eva segir að um jákvætt skref sé að ræða, það er að segja að verið sé að nýta aðferðarfræði verkefnastjórnunar. „Fólk þekkir kannski ekki nógu vel hvað faggreinin verkefnastjórnun er. Fræðin eru ung þannig það er kannski líka einhver partur af því. Þetta er faggrein sem við erum að vinna eftir.“ Hún útskýrir að þegar verið er að ræða um verkefni er átt við eitthvað sem hefur upphaf og enda. „Það er talað um verkefni að koma börnunum í rúmið á kvöldin og verkefni að tannbursta en verkefni samkvæmt fræðunum er eitthvað sem er einstakt, sem hefur upphaf og endi,“ segir hún. Þá sé rekstur ekki verkefni þar sem það þarf, sem fyrr segir, að hafa upphaf og enda. Ráðningin skjóti mjög skökku við Hildur Björnsdóttir, borgarfulltrúi Sjálfstæðisflokksins, gagnrýnir að Reykjavíkurborg sé að ráða í stöður sem þessa þegar eins konar ráðningarbann er í gildi í borginni. Bannið felur í sér að ekki á að ráða í stöður sem losna nema brýn nauðsyn sé til. Þær aðgerðir eiga þó ekki að eiga við um störf í framlínu, eins og í skóla- og frístundaþjónustu og velferðarþjónustu. „Við höfum bent á þessa gríðarlegu starfsmannafjölgun sem hefur átt sér stað hjá Reykjavíkurborg á síðustu árum. Hún var í rauninni 25% á síðustu fimm árum. Nú þegar við sáum að útkomuspá fyrir árið 2022 sýndi fram á 15,3 milljarða halla þá var eina aðgerð meirihlutans að fara í eins konar ráðningarbann eins og þau kölluðu það. Það var sent bréf á til að mynda leikskóla og fleiri stofnanir borgarinnar og fólk beðið um að halda að sér höndum í mannaráðningum, ráða ekki nema í allra nauðsynlegustu störfin. Svo er mjög sérkennilegt að bara örfáum vikum seinna sér maður að það er verið að ráða verkefnastjóra hér og þar og í ótrúlega mörg störf sem ekki er hægt að segja að séu allra mikilvægustu framlínustörfin sem þarf að ráðast í til að sinna grunnþjónustunni. Þannig þetta skýtur mjög skökku við. Við höfum flaggað á þetta og við höfum áhyggjur af þessari þróun.“ Furðar sig á ráðningum borgarinnar Hildur segir að fækka þurfi því starfsfólki borgarinnar sem vinnur í yfirbyggingunni: „Við höfum bent á að það þarf að fækka starfsfólki borgarinnar og þá auðvitað alls ekki í grunnþjónustunni og alls ekki í störfunum á gólfinu sem snúa að því að sinna fólkinu í borginni heldur einmitt störfin í yfirbyggingunni.“ Hún furðar sig því þegar borgin auglýsir eftir fólki í störf sem ekki er hægt að túlka sem framlínustörf. „Þessi störf sem við erum að sjá, maður sér þetta í hverri einustu viku að það er verið að auglýsa eftir einhverjum verkefnastjórum og skrifstofustjórum inn í yfirbygginguna,“ segir hún. „Þetta er ekki fólkið sem er að sinna þessari mikilvægu grunnþjónustu. Á sama tíma vantar okkur fólk í leikskólana, okkur vantar fólk á frístundaheimilin og til að manna þessi mikilvægustu störf. Þarna sjáum við þessar skrýtnu áherslur hjá þessum meirihluta.“ Þá eru stöður sem þessar ekki lágt launaðar samkvæmt Hildi. „Þetta eru almennt hálaunastörf,“ segir hún. Óljóst og sérkennilegt starfsheiti Varðandi nákvæmlega þetta starf, verkefnastjóra framtíðarinnar, segir Hildur að vægast sagt sé um „mjög sérkennilegt starfsheiti“ að ræða. Þá sé erfitt að sjá hvernig ráðning í þessa stöðu samræmist ráðningarreglunum sem kynntar voru fyrir áramót. „Þetta getur ekki talist mikilvægt starf eða nauðsynlegt starf í þágu grunnþjónustu. Þannig mér finnst þetta vera eitthvað sem mætti missa sín í árferði eins og því sem við horfum á núna.“ Hildur segir að starfið geti ekki talist mikilvægt eða nauðsynlegt.vísir/vilhelm Einnig segir hún að það sé mjög óljóst hvað starfið felur í sér. „Þetta er eitt af þessum sérkennilegu störfum eins og hér um árið, þegar það var auglýst eftir skrifstofustjóra á skrifstofu skrifstofustjóra,“ segir hún. „Svona er þetta og það er mjög merkilegt og smá óhugnanlegt að fá innsýn í hvernig svona stjórnkerfi blæs út. Fólk hefur einhvern veginn algjörlega misst yfirsýn. Ágætis dæmi um það er að á síðasta kjörtímabili bað ég um yfirlit yfir starfslýsingar allra starfsmanna í miðlægri stjórnsýslu. Það er þá bara starfsfólkið í yfirbyggingunni, fólkið sem er ekki á gólfinu að sinna grunnþjónustunni. Ég beið lengi eftir svarinu og tilgangur þess að fá þetta svar var að rýna svona inn í hvar væri hægt að skera niður. Svarið barst að endingu og var 600 blaðsíður, mér finnst það eiginlega bara segja alla söguna.“ Borgarstjórn Vinnumarkaður Reykjavík Mest lesið Enn skjálftahrina við Trölladyngju Innlent Prestur sakar oddvita um ólýðræðislega hallarbyltingu í veiðifélagi Innlent Ekkert spurst til Sólrúnar á Spáni í nokkra daga Innlent Stoppaður af vegfaranda sem spurði: „Hvað er þetta?“ Innlent Vaktin: Eldgos hafið nærri Grindavík Innlent Sólrún fundin á Spáni Innlent Lést í umferðarslysi við Álfabakka Innlent Snorri sagður spúa hatri og trumpísku yfir heimsbyggðina Innlent Tólf mánaða fangelsi fyrir að bera sig og áreita börn Innlent Ók yfir á rangan helming og lést átta dögum síðar Innlent Fleiri fréttir Prestur sakar oddvita um ólýðræðislega hallarbyltingu í veiðifélagi Enn skjálftahrina við Trölladyngju Tólf mánaða fangelsi fyrir að bera sig og áreita börn Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Meint hræðsla dómara ekki næg ástæða til að taka málið fyrir „Ásthildur Lóa var kjöldregin í öllum fjölmiðlum heims“ Tollastríð Trumps hefur áhrif víða Sjá meira
Staðan er á vegum umhverfis- og skipulagssviðs Reykjavíkurborgar. Samkvæmt auglýsingu felur starfið í sér að taka þátt í mótun nýrrar verkefnastofu. „Á verkefnastofu er unnið eftir hugmyndafræði verkefnastjórnunar, verkefnum er fylgt eftir frá upphafi til enda þvert á verkþætti og ábyrgðarsvið fagskrifstofa,“ segir um verkefnastofu í auglýsingunni. Helstu verkefni og ábyrgð verkefnastjóra framtíðarinnar eru eftirfarandi: - Stýra verkefnum og verkefnastofum sem ganga þvert á umhverfis- og skipulagssvið Reykjavíkurborgar - Leiða teymisvinnu verkefna og stjórnun á aðkeyptri vinnu ráðgjafa - Ber ábyrgð á framkvæmd áætlana og greininga sem gerðar eru í tengslum við verkefnin - Þátttaka í starfshópum og vinnustofum sem fulltrúi verkefnastofu - Utanumhald um verkefnisstjórnunarhugbúnað sviðsins - Þróa og innleiða aðgerðafræði, verkferli og vinnutæki verkefnastjórnunar - Veita öðru starfsfólki sviðsins ráðgjöf og þjálfun varðandi verkefnastjórnun Starfsauglýsingin vakti nokkra athygli á samfélagsmiðlum. Upp hafa komið vangaveltur um það hvað starfið felur nákvæmlega í sér, auglýsingin sé ekki nógu skýr. Næsti yfirmaður verkefnastjóra framtíðarinnar er Eva Kristinsdóttir, skrifstofustjóri verkefnastofu. Fréttastofa hafði samband við Evu til að fá nánari útskýringu á því hvað starfið felur í sér: „Þetta felur í sér að við erum hérna á Reykjavíkurborg með risavaxin verkefni um alla borg og til margra ára oft á tíðum. Við erum að fara að nýta faglega verkefnastjórnun, sem er faggrein, og vinna samkvæmt þeirri hugmyndafræði – fylgja verkefnunum eftir frá upphafi til enda,“ segir Eva. „Eins og staðan er núna þá eru margar skrifstofur, þannig við erum að fara að vinna eftir þessari hugmyndafræði þar sem að verkefnið fer í gegnum mismunandi ferli verkefnisins á líftímanum.“ Ung fræði Verkefnin sem um ræðir séu til dæmis skipulagsverkefni og framkvæmdaverkefni, Borgarlínan, Sæbrautarstokkur og uppbygging nýrra hverfa. Eva segir að um jákvætt skref sé að ræða, það er að segja að verið sé að nýta aðferðarfræði verkefnastjórnunar. „Fólk þekkir kannski ekki nógu vel hvað faggreinin verkefnastjórnun er. Fræðin eru ung þannig það er kannski líka einhver partur af því. Þetta er faggrein sem við erum að vinna eftir.“ Hún útskýrir að þegar verið er að ræða um verkefni er átt við eitthvað sem hefur upphaf og enda. „Það er talað um verkefni að koma börnunum í rúmið á kvöldin og verkefni að tannbursta en verkefni samkvæmt fræðunum er eitthvað sem er einstakt, sem hefur upphaf og endi,“ segir hún. Þá sé rekstur ekki verkefni þar sem það þarf, sem fyrr segir, að hafa upphaf og enda. Ráðningin skjóti mjög skökku við Hildur Björnsdóttir, borgarfulltrúi Sjálfstæðisflokksins, gagnrýnir að Reykjavíkurborg sé að ráða í stöður sem þessa þegar eins konar ráðningarbann er í gildi í borginni. Bannið felur í sér að ekki á að ráða í stöður sem losna nema brýn nauðsyn sé til. Þær aðgerðir eiga þó ekki að eiga við um störf í framlínu, eins og í skóla- og frístundaþjónustu og velferðarþjónustu. „Við höfum bent á þessa gríðarlegu starfsmannafjölgun sem hefur átt sér stað hjá Reykjavíkurborg á síðustu árum. Hún var í rauninni 25% á síðustu fimm árum. Nú þegar við sáum að útkomuspá fyrir árið 2022 sýndi fram á 15,3 milljarða halla þá var eina aðgerð meirihlutans að fara í eins konar ráðningarbann eins og þau kölluðu það. Það var sent bréf á til að mynda leikskóla og fleiri stofnanir borgarinnar og fólk beðið um að halda að sér höndum í mannaráðningum, ráða ekki nema í allra nauðsynlegustu störfin. Svo er mjög sérkennilegt að bara örfáum vikum seinna sér maður að það er verið að ráða verkefnastjóra hér og þar og í ótrúlega mörg störf sem ekki er hægt að segja að séu allra mikilvægustu framlínustörfin sem þarf að ráðast í til að sinna grunnþjónustunni. Þannig þetta skýtur mjög skökku við. Við höfum flaggað á þetta og við höfum áhyggjur af þessari þróun.“ Furðar sig á ráðningum borgarinnar Hildur segir að fækka þurfi því starfsfólki borgarinnar sem vinnur í yfirbyggingunni: „Við höfum bent á að það þarf að fækka starfsfólki borgarinnar og þá auðvitað alls ekki í grunnþjónustunni og alls ekki í störfunum á gólfinu sem snúa að því að sinna fólkinu í borginni heldur einmitt störfin í yfirbyggingunni.“ Hún furðar sig því þegar borgin auglýsir eftir fólki í störf sem ekki er hægt að túlka sem framlínustörf. „Þessi störf sem við erum að sjá, maður sér þetta í hverri einustu viku að það er verið að auglýsa eftir einhverjum verkefnastjórum og skrifstofustjórum inn í yfirbygginguna,“ segir hún. „Þetta er ekki fólkið sem er að sinna þessari mikilvægu grunnþjónustu. Á sama tíma vantar okkur fólk í leikskólana, okkur vantar fólk á frístundaheimilin og til að manna þessi mikilvægustu störf. Þarna sjáum við þessar skrýtnu áherslur hjá þessum meirihluta.“ Þá eru stöður sem þessar ekki lágt launaðar samkvæmt Hildi. „Þetta eru almennt hálaunastörf,“ segir hún. Óljóst og sérkennilegt starfsheiti Varðandi nákvæmlega þetta starf, verkefnastjóra framtíðarinnar, segir Hildur að vægast sagt sé um „mjög sérkennilegt starfsheiti“ að ræða. Þá sé erfitt að sjá hvernig ráðning í þessa stöðu samræmist ráðningarreglunum sem kynntar voru fyrir áramót. „Þetta getur ekki talist mikilvægt starf eða nauðsynlegt starf í þágu grunnþjónustu. Þannig mér finnst þetta vera eitthvað sem mætti missa sín í árferði eins og því sem við horfum á núna.“ Hildur segir að starfið geti ekki talist mikilvægt eða nauðsynlegt.vísir/vilhelm Einnig segir hún að það sé mjög óljóst hvað starfið felur í sér. „Þetta er eitt af þessum sérkennilegu störfum eins og hér um árið, þegar það var auglýst eftir skrifstofustjóra á skrifstofu skrifstofustjóra,“ segir hún. „Svona er þetta og það er mjög merkilegt og smá óhugnanlegt að fá innsýn í hvernig svona stjórnkerfi blæs út. Fólk hefur einhvern veginn algjörlega misst yfirsýn. Ágætis dæmi um það er að á síðasta kjörtímabili bað ég um yfirlit yfir starfslýsingar allra starfsmanna í miðlægri stjórnsýslu. Það er þá bara starfsfólkið í yfirbyggingunni, fólkið sem er ekki á gólfinu að sinna grunnþjónustunni. Ég beið lengi eftir svarinu og tilgangur þess að fá þetta svar var að rýna svona inn í hvar væri hægt að skera niður. Svarið barst að endingu og var 600 blaðsíður, mér finnst það eiginlega bara segja alla söguna.“
Helstu verkefni og ábyrgð verkefnastjóra framtíðarinnar eru eftirfarandi: - Stýra verkefnum og verkefnastofum sem ganga þvert á umhverfis- og skipulagssvið Reykjavíkurborgar - Leiða teymisvinnu verkefna og stjórnun á aðkeyptri vinnu ráðgjafa - Ber ábyrgð á framkvæmd áætlana og greininga sem gerðar eru í tengslum við verkefnin - Þátttaka í starfshópum og vinnustofum sem fulltrúi verkefnastofu - Utanumhald um verkefnisstjórnunarhugbúnað sviðsins - Þróa og innleiða aðgerðafræði, verkferli og vinnutæki verkefnastjórnunar - Veita öðru starfsfólki sviðsins ráðgjöf og þjálfun varðandi verkefnastjórnun
Borgarstjórn Vinnumarkaður Reykjavík Mest lesið Enn skjálftahrina við Trölladyngju Innlent Prestur sakar oddvita um ólýðræðislega hallarbyltingu í veiðifélagi Innlent Ekkert spurst til Sólrúnar á Spáni í nokkra daga Innlent Stoppaður af vegfaranda sem spurði: „Hvað er þetta?“ Innlent Vaktin: Eldgos hafið nærri Grindavík Innlent Sólrún fundin á Spáni Innlent Lést í umferðarslysi við Álfabakka Innlent Snorri sagður spúa hatri og trumpísku yfir heimsbyggðina Innlent Tólf mánaða fangelsi fyrir að bera sig og áreita börn Innlent Ók yfir á rangan helming og lést átta dögum síðar Innlent Fleiri fréttir Prestur sakar oddvita um ólýðræðislega hallarbyltingu í veiðifélagi Enn skjálftahrina við Trölladyngju Tólf mánaða fangelsi fyrir að bera sig og áreita börn Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Meint hræðsla dómara ekki næg ástæða til að taka málið fyrir „Ásthildur Lóa var kjöldregin í öllum fjölmiðlum heims“ Tollastríð Trumps hefur áhrif víða Sjá meira