Björgunarsveitin Lífsbjörg í Snæfellsbæ var kölluð út skömmu eftir klukkan fimm í dag vegna tilkynningar um fótbrot manns sem var á ferð um Rauðfeldsgjá á Snæfellsnesi.
Jón Þór Víglundsson staðfestir þetta í samtali við fréttastofu.
„Þetta er talsvetrt uppi í fjallshlíð og það verður sennilega eitthvað bras og tekur tíma að koma honum niður,“ segir hann. Sjúkraflutningamenn séu komnir á staðinn en björgunarsveit muni aðstoða við að koma manninum í sjúkrabíl.
Stjórnstöð Landhelgisgæslunnar barst í morgun beiðni um aðstoð á sjó. Þá hafði maður í áhöfn togskips út af Snæfellsnesi fótbrotnað þegar skipið fékk á sig brotsjó.
Íslenskur karlmaður á sjötugsaldri lést þegar hann féll fram af björgum við Arnarstapa á Snæfellsnesi í gær. Ekki tókst að komast að manninum fyrr en tæpri klukkustund eftir að tilkynning barst vegna erfiðra aðstæðna á slysstað.
