Þetta kemur fram í skýrslu KSÍ og Deloitte um fjármál íslenskrar knattspyrnu. Þar voru ársreikningar félaganna sem léku í efstu deild 2019-23 greind. Skýrsluna má nálgast með því að smella hér.
Launakostnaður Breiðabliks vegna leikmanna 2023 nam 227 milljónum króna. Valur kemur þar á eftir með launakostnað upp á 192 milljónir króna. KA er svo í 3. sæti með 164 milljóna króna launakostnað.
Víkingur, sem vann þrjá af fjórum stóru titlunum 2023, greiddi samtals 144 milljónir króna í launakostnað.
Valur var með hæsta launakostnaðinn til leikmanna 2022 og 2021 en Breiðablik hefur nú tekið fram úr Hlíðarendafélaginu á þessu sviði.
HK var með lægsta launakostnaðinn af liðunum í Bestu deild karla 2023, eða 54 milljónir króna. Þar á eftir kemur KR en samkvæmt skýrslunni greiddi félagið aðeins sextíu milljónir króna í laun.
Athygli vekur að launakostnaður Keflavíkur 2023 var 110 milljónir króna. Það skilaði ekki miklu inni á vellinum því karlaliðið féll á sannfærandi hátt og kvennaliðið hélt sér naumlega uppi.
Laun til leikmanna í Bestu deildum karla og kvenna 2023
- Breiðablik - 227 milljónir
- Valur - 192
- KA - 164
- Víkingur - 144
- Keflavík - 110
- Fram - 107
- Stjarnan - 102
- ÍBV - 95
- FH - 83
- Fylkir - 74
- KR - 60
- HK - 54
- Þróttur - 48
- Tindastóll - 12
- Þór/KA - 10
- Selfoss - 0
